الشرطه اديتنى هديه راس السنه !!!!!!

[BESO516]

كل عام وجميع المصريين بخير
النهارده كان يوم جميل جدا بالنسبالى بدايه من استلام شغلى الجديد لكن للأسف بدأ بدايه مش لذيذه

اول مأموريه فشغلى كانت عند شارع نادى الصيد من ناحيه الدقى
ولسه خارج من وزاره الزراعه الساعه 10 صباحا لقيت البهوات واقفين




الأمين طلب الرخص قالى انزل حضرتك الباشا عايز يقولك كل سنه وانت طيب

جه فبالى






مااحنا اتغيرنا بقى بعد 25 يناير

المهم قربت منه لقيت الأمين بيقوله مفيم العربيه كلها ياباشا وحاطط كلام كتير عليها

الظابط لقيته بيضحك وابتسامه الأطفال على وشه قالتله متفقناش على كده
الأمين بتاع حضرتك قالى الباشا عايز يسلم عليك ويقولك كل سنه وانت طيب
قالى طبعا مش اتغيرنا (:



هووووب مره وحده لقيته بيقولى يعنى اعمل معاك ايه دلوقتى اوديك تفحص وانت لسه مجدد من اسبوعين ( فعلا لسه مجدد الرخصه ) ولا اقعدك جنبى طول النهار تشيل اللى انت عامله ده ولا اكسرلك الأزاز والعربيه واخلص منك ههههههههههههه

وانا كل ده مقضيها هزار وضحك ولا انا هنا قولتله لأ شوف انت عايز تعمل ايه واعمله حضرتك

راح بنفس الأبتسامه الأولى قالى مبرووووك حضرتك اول واحد فمصر تقريبا يتعمله مخالفه ف2013

اتفضل



وخد 40 جنيه زى الباشا على الصبح

[i_Am_Legend]

ههههههههه.....ياولاد التييييت...تكلفة استخدام الكلاابش....

[abogogo]

هههههههههههههههههههه مبروك التكريم

[lanos2004]

ارخص من تمن الفاميه-اربعون جنيها
فى الاسكندريه بخمسه وعشرين بس
الواحد يتكلبش فى الاسكندريه ارخص

[ahmed_m_ashraf]

بس والله دمه عسل مش خسارة ال ٤٠ جنيه، ياريت كلهم كده ههههههههه

[Sehsss]

مبروووووك، دخلت التاريخ

[Mostafa.Ismail]

طيب الامور دة بدل ماهو قاعد يتسول هو واللى معاة عند نادى الصيد ... ماينزل فيصل والمناطق اللى حواليها ولا بولاق الدكرور وولا ارض اللواء والمناطق اللى جمبها لحد امبابة ... يختار الحتة اللى تعجبة ويعمل راجل على التكاتك والميكروباصات والنقل ولا خايف العيال تقلعلة "سنانة" عدم الامؤاخذة.

[Khaled Online]

ههههههه معلش الحمدلله إنها 40 بس والموضوع عدا بدون قفش

[Deshahcoka]

هههههههههههه حلو الوصل ده احنا عاوزين منه في اسكندرية بدل ايصال السحب :) ههههههههههههه

[speed_magnum]

كل سنه وانت طيب

[Eng_hatemfathy]

بصراحه ضابط محترم ولازم نساعد باننا منخالفش القانون لحد منقدر نغير ونعمل اضافه للفميه على الرخصة بضوابط

[hossam_elwani]

ارخص من تمن الفاميه-اربعون جنيها
فى الاسكندريه بخمسه وعشرين بس
الواحد يتكلبش فى الاسكندريه ارخص

مش كل الاماكن انا اتكلبش فى محطة الرمل ودفعت 75 جنيه موضح فيه كل تفصيله

[S O P H O S]

هههههههههه مبروك دخول التاريخ فعلا ..

[lanos2004]

مش كل الاماكن انا اتكلبش فى محطة الرمل ودفعت 75 جنيه موضح فيه كل تفصيله

اتكلبشت فى المهندسين دفعت 40
اتكلبشت فى ميامى دفعت 25
اتكلبشت فى ستانلى دفعت 25

[youssef_u]

اتكلبشت فى المهندسين دفعت 40
اتكلبشت فى ميامى دفعت 25
اتكلبشت فى ستانلى دفعت 25

بسم الله ما شاء الله ده انتا مجرب كله