ازاى افرق بين المفاتيح البتشينو الأصلى والمضروبة

[greenday]

انا اشتريت مفاتيح كهرباء باتشينو والمفروض تكون الأصلى بس ازاى اتاكد من ده ايه اللى بيميز الأصلى عن المضروب وليه كل البتشينو دلوقتى صنع فى مصر هو مفيش ايطالى خالص!!! ياريت لو حد اشترى قبل كده يفيدنى

[Karim_Monir]

بيتشينو كله مصري
ليه ما تجيبش abb
وهاتهم من الموزع المعتمد
وكلهم ايطالي او الماني
اصل انا اللي بشتريهم :-)
فعارف المنشأ كويس جدا

[Angel_wolf]

بيتشينو كله مصري
ليه ما تجيبش abb
وهاتهم من الموزع المعتمد
وكلهم ايطالي او الماني
اصل انا اللي بشتريهم :-)
فعارف المنشأ كويس جدا

اجبهم منين يا كبير المنتدى

[Karim_Monir]

من موزعين معتمدين في وسط البلد
رضا عبد العال الوطنية
السويدي
وغيرهم من موزعين ايه بي بي هاتلاقيهم حاطين اليافطة
ومش هاتلاقي عند الموزع مضروب :-)

[a_samy]

أبعد عن مفاتيح البيتشينو المصرى لأنها (زباله)وبيبوظوا حتى قبل الإستخدام.
أنا كنت شارى للشقه عندى كلها وقبل ما أستخدمهم باظوا وغيرتهم كلهم وجبت نوع جديد أسمه (نور)إيطالى تقفيل سورى سكلهم شيك جدا وإستخدامهم مريح.
نصيحه من أخ أبعد عن البيتشينو المصرى لأنك كده بترمى فلوسك فى الأرض.

[smsm2015]

الاصليه عليها علامة حرارية لما تقرب منها النار ترجع زى ما هى ...

[original]

أنا لما بحب أجيب بتشينو بروح التوكيل لأنه أرخص من السوق..

[Dr.Karim Emam]

أنا لما بحب أجيب بتشينو بروح التوكيل لأنه أرخص من السوق..

عنوان التوكيل ايه من فضلك؟

[greenday]

الاصليه عليها علامة حرارية لما تقرب منها النار ترجع زى ما هى ...

يعنى ايه مش فاهم ياريت حضرتك توضح اكتر والعلامة الحرارية دى موجودة فين

[original]

عنوان التوكيل ايه من فضلك؟

أنا اللى أعرفه فى اسكندرية
بتشينو العنوان: 195 ش عبد السلام عارف
لوران, الاسكندرية
التليفون:
03/5803188
03/5857136
03/5856541
03/5857129

ممكن حضرتك تسألهم لو فى مكان فى القاهرة

يعنى ايه مش فاهم ياريت حضرتك توضح اكتر والعلامة الحرارية دى موجودة فين

العلامة دى بتبأا على أى منتج بتشينو زى العلامة المائية وفعلا لو حضرتك حرقت العلامة دى بولاعة بترجع زى ماكانت ولا كأنها إتحرقت..

[mero100]

عن تجربه

منتج بتشينو المصري منتج عالي الجوده و هوه توكيل فعلا لبتشينو الايطالي انا اشتريت منه مرتين خلال 5 سنوات

اللي واخد توكيله في مصر هو : ميشيل احد ....شركه مولفينو مصر

وكيلها في العتبه شركه مينا تريدنج محل في شارع ورا المطافي .... و أسعارهم جمله غير السوق خالص .

[greenday]

فى سؤال تانى بخصوص الكهرباء بالنسبة لاسلاك السويدى افضل مكان اشترى منه الأسلاك الأصلية لانى لاقيت فى سوق الكهرباء اكتر من محل اسمه السويدى فمش عارف مين الأصلى وهل هاحتاج عربية ربع نقل انقل فيها الأسلاك ولا وزنهم خفيف مع العلم انى هاشترى 4 لفات 2 مم و3 لفات 1.5 مم و لفتين 4 مم فهل دول وزنهم تقيل قوى ومحتاجين عربية ربع نقل ولا سهل وضعهم فى سيارة او تاكسى

[original]

فى سؤال تانى بخصوص الكهرباء بالنسبة لاسلاك السويدى افضل مكان اشترى منه الأسلاك الأصلية لانى لاقيت فى سوق الكهرباء اكتر من محل اسمه السويدى فمش عارف مين الأصلى وهل هاحتاج عربية ربع نقل انقل فيها الأسلاك ولا وزنهم خفيف مع العلم انى هاشترى 4 لفات 2 مم و3 لفات 1.5 مم و لفتين 4 مم فهل دول وزنهم تقيل قوى ومحتاجين عربية ربع نقل ولا سهل وضعهم فى سيارة او تاكسى

يمكن وضعهم فى سيارة ملاكى أو تاكسى مفيش مشكلة
هوا مش شرط يكون إسم المحل السويدى!! حضرتك هتلاقيه عند أى تاجر محترم لأنه بيتوزع على كل المحلات..

[Karim_Monir]

الله يكرمك لازم الكابلات تكون معتمدة ومختومة
بما اني شغال في اكبر شركة كهرباء في العالم فعارف يعني ايه كوارث اسلاك الكهرباء عندما يتم غش النحاس
ماتجيبش غير من
السويدي للكابلات واتاكد انها اصلية
انرجيا ودي تبع السويدي السعودية
الجيزة للكابلات ودي اشترتها انرجيا
والمصرية للكابلات
دول المعتمدين واللي موثوقين في خامة النحاس بتاعتهم والاهم كمان خامة العزل

المفاتيح لو ضربت كارثتها مش زي كارثة السلوك اللي جوة الحيط او في الارض

ده لينك لكل المينتشر بتاعت ايه بي بي

http://www.abb.com/product/seitp329/49a79353b0194401c12572ab00257544.aspx

كل اللي في السوق ايه بي بي الماني اصلي وفي بعضها سويسري لكن الغالب الماني
لاني انا اللي بنفذ اوامر الشراء وعارف المنشأ كويس وكلها مكتوب عليها de يعني الماني ومكتوبة في الفواتير كمان
لو فرق السعر مش كبير هاتها وانت مغمض دي اكبر شركة كهرباء في العالم وانا مركبهم في شقتي من سنين
اهم حاجة توزع الاحمال صح عشان ماترجعش تزعل وتعمل بلان للاحمال على الخطوط عندك كويس

[original]

ألف شكر للأستاذ كريم منير على المعلومات القيمة..