أصغر كاميرا hd الان فى مصر رووووووعه

[Mshawky]

حد شاف الكاميرا ديه قبل كده ؟ حجمها رائع وامكانيتها كويسه جدا

اللى يعرف بتتباع فين ياريت يدلنا

[Salamonti]

ماتفتكرش انها بالجودة اللي انت متخيلها على الإطلاق..
كل الكلام عن الميجا بيكسل والرزليوشن والأرقام دي ولا بتفرق حاجة في نضافة الصورة على قد ما العدسات هي اللي بتفرق..

شوف احنا النهاردة الموبايلات كاميراتها وصلت 12 ميجا بيكسل ويقوللك تصوير اتش دي ولحد الآن تصوير النوكيا n95 يتفوق على أي كاميرا من دول بمراحل لأن العدسات بتاعة الموبايل ده كانت الوحيدة اللي من كارل زيس !!

فلا تنخدع بكاميرا خزعبلية قدرتها مليون ميجابيكسل
لأن ممكن كاميرا صغيرة بس بعدسة محترمة تطلع صور انضف منها بكتير..

شوف أي حد ماسك كاميرا بروفيشنال واسأله كده الكاميرا دي كام ميجا واراهنك هتتفاجيء لما تشوف قد ايه الرقم قليل مقارنة بنضافة الصور..

[S O P H O S]

ما شاء الله
اكيد ابداع ..

[Land_Cruiser]

ماتفتكرش انها بالجودة اللي انت متخيلها على الإطلاق..
كل الكلام عن الميجا بيكسل والرزليوشن والأرقام دي ولا بتفرق حاجة في نضافة الصورة على قد ما العدسات هي اللي بتفرق..

شوف احنا النهاردة الموبايلات كاميراتها وصلت 12 ميجا بيكسل ويقوللك تصوير اتش دي ولحد الآن تصوير النوكيا n95 يتفوق على أي كاميرا من دول بمراحل لأن العدسات بتاعة الموبايل ده كانت الوحيدة اللي من كارل زيس !!

فلا تنخدع بكاميرا خزعبلية قدرتها مليون ميجابيكسل
لأن ممكن كاميرا صغيرة بس بعدسة محترمة تطلع صور انضف منها بكتير..

شوف أي حد ماسك كاميرا بروفيشنال واسأله كده الكاميرا دي كام ميجا واراهنك هتتفاجيء لما تشوف قد ايه الرقم قليل مقارنة بنضافة الصور..

الكاميرا اللى فى الصوره. 5 ميجا بيكسل بس يا باشا و الطبيعى اللى موجود فى السوق هو 14 ميجابيكسل دلوقتى بالنسبه للكاميرات الديجيتال و 8 ميجابيكسيل للموبايلات حتى يعنى هى اقل من الاتنين بكتير. الميزه اللى صاحب الموضوع عاجباه علشانها الكاميرا هى اكيد حجمها الصغير قوى دة مش ال resolution بتاعها.

[Land_Cruiser]

هى ميزتها الحجم الصغير ودى ممكن تنفع انها تبقى موجوده مع الواحد على طول لانها سهله فى شيلها فممكن الواحد ياخد بيها لقطات كتير سريعه بجوده على قدها و هو ماشى بس تعالى نتكلم عمليا بقى ما هى كاميرا الموبايل كده برضه وكده كده موجوده فى الموبايل و بتتشحن معاه يعنى ممكن يؤدى نفس الغرض بتاعها فممكن لو جبتها مع الوقت لا تستخدم و تتركن فى الدرج

[Mshawky]

هى الميزه ياجماعه لما سالت كمان كذا حد قالى ديه سعرها من 200 ل 250 جنيه كمان