جيشك كان فين

[hugan]

بمناسبه البرد الشديد
والعذاب اللي بيشوفه رجالتنا الجنود البواسل والبرد في الخدمه
وبمناسبه ان جيشي كان في سانت كاترين ابرد منطقه في مصر
وكنت البس اكياس بلاستيك في ايدي ورجلي تحت الجوانتي والشرابات
وما لايقل عن 5 بلوفرات صوف تحت الافرول
وعدد 2 كلسون تحت البنطلون
وعدد 2 شراب في رجلي وتحتيهم كيس بلاستيك علشان يعرق الرجل
وكوفيه وطاقيه صوف تحت الكاب
وتقعد تلف زي النحله في مكان الخدمه علشان ماتجمدش في مكانك
ومفيش فايده
كل اللي يحب يقول كان جيشه فين والبردبيعمل فيه ايه
جيشي كان سانت كاترين 13/7/95الي1/9/96

[Hacker5]

انا قضيت 5 ايام فقط فى الجيش :)
روحت مركز تدريب دهشور و فى اليوم الخامس كنت مسلم المخلة و المهمات و الكارنيه و مروح لانى دخلت لجنة طبية عليا و اخدت رفد طبى من الخدمة بسبب النظر (استجماتيزم عالى)
بس اتبهدلت عشان اجى من دهشور للدقى
خصوصا ان بين مركز تدريب الدفاع الجوى فى دهشور و طريق الفيوم 7 كيلو مشى فى الصحرا
انا كنت خارج انا و 7 من زمايلى من نفس السلاح
يادوبك مشينا 5 دقائق لقينا عربية نقل كبيرة بتاعت جيش جاية و طلعة لطريق الفيوم روحنا نطينا فيها و مشيت بينا كتير لحد ماطلعنا برا انا قولت يالهوى احنا كنا هانمشى دة كله !!!!!
المهم طلعنا لطريق الفيوم عند الدبابة و كل العربيات جاية من الفيوم مليانة و عارفين نركب
واحد ابن حلال لعربية شيفورليه دبابة وقف و ركبنا ورا و نزلنا عند البوابة الرابعة بتاعت حدائق الاهرام
وقفنا و ناس ركبت تاكسى لمحطة مصر عشان كان معانا ناس من الاقاليم و بقيت لوحدى
ركبت ميكروباص نزلنى فى ميدان الرماية و ركبت تاكسى من ميدان الرماية لأول فيصل و بعدين ركبت ميكروباص بتاع فيصل امبابة و نزلت ميدان لبنان و اتمشيت لحد البيت
طبعا راجع متبهدل و اسمر و متعور فى ايدى و حالتى صعبة
اهلى لما شافونى قالولى انت هربت من الجيش ولا ايه ؟ ههههههههه
قولتلهم لاء اخدت اعفاء
دخلت اخدت دش و اليوم دة فضلت اكل لحد بليل لانى ماكنتش باكل و انا فى دهشور بسبب سوء حالتى النفسية و كنت باكل اكل مالوش لازمة من الكانتين
الحمدلله كان زمانى نشفت فى الجو دة لو كنت لسة فى الجيش

[moudy88]

السؤال اللي موجه ليا

جيشك هيبقى فين ...انا داخل يوم 21 والله اعلم هروح فيييييييييييييين

[hazoom2006]

جيشى كان فى القنطرة فى اسماعيليه بس ايام الثورة كانت مرمطة من مركز التدريب للجلاء للفرقة للكتيبة وبعد كدة روحنا دمياط
وانتخابات مجلس الشعب والشورى ومظاهرات واشتبكات بس الحمدلله كانت ايام حلوة برغم ان ايدى اتكسرت فى المظاهرات

[horeen]

أخر وحده ع اليمين فى مصر بعد جمرك السلوم
كنا فى الصيف بنلبس جواكت بكم
أما فى الشتا كنا بنلبس كل اللبس اللى معانا ونتلف بالبطاطين
طبعا درجه الحراره فوق الهضبه أقل من الطبيعى ب 10 درجات
إنما سرعه الرياح كانت كفايه أنها تشيلك من على الأرض

[aboomar22]

طيب دا انا على كده كنت فنعمة بقى انا كنت فى الجبل الاحمر يعنى ممكن تروح من الحى السابع او تنزل من المقطم وكان الشتاء يبقى برد برضه لان وراك المقطم يعنى خلاء بس الكلام دا كان يجى من 15 سنة

[hesham ahmed]

مركز تدريب بني يوسف في طريق المريوطيه
و كنت الوحده في الصحرا الشرقيه في نص طريق العين السخنه علي بعد 35 كيلو من اي طريق اسفلت
كنت بطلع في الشتاء بنص كم و الله .... مكنتش بحس بساقعه خالص في الجيش مع ان لدنيا كانت تلج
مش عارف ليه مكنتش بحس :)))

[meeg]

انا كتيبتى كانت فى حباطه بس كنت متوزع سريه فى السلوم
الجو هناك كااااااااان بيبقى تلج مووووووووووووت
الحمد لله اهى ايام وعدت

[Elawany13]

يا اخونا مينفعش نتكلم الكلام ده على النت
اى حاجه تخص القوات المسلحة مهما كانت بسيطة أو شايف ان ملهاش لازمة
مينفعش تداولها بالطريقة ديه

[RAPID]

يا اخونا مينفعش نتكلم الكلام ده على النت
اى حاجه تخص القوات المسلحة مهما كانت بسيطة أو شايف ان ملهاش لازمة
مينفعش تداولها بالطريقة ديه

اتفق

[faragebraheem]

كنت هقول جيشى كان فين والبرد عمل فيا ايه كنت هحكى حكايات تشيب بس للاسف الاخ Elawany13 عنده كل الحق احنا ببساطة هنحدد مواقع الكتايب والسرايا والافواج اللى كنا فيها ههههههههه انا جيشى من 2001الى 2002 والله كانت ايام اجمل حاجة فيها الصحبة الحلوة

[amr.elsayed]

يووووووووو دى كانت ايام اخر تكتكة وكنت فى البحرية واكتر حاجة كانت زفت التنين فى مركز التدريب لما تقوم
من النوم الساعة 4 الفجر وتقوم لابس نص كم وتقف اودام البحر ودة احساس رائع نفس احساس الجدى وهو بيتشوى على الفحم كدة بالظبط هههههههه
تلللللللللللللللج وكل الناس واقفة سنانها بتخبط فى بعضها من كتر الساقعة ههههههههههههههههههههه
والا يوم الحقن هههههه تمشى فى طابور وتمرجى على يمينك وتمرجى على شمالك و بيغزوا بمطاوى مش ابر
وا للى على ال يميين يغزك وتقووول اااااااى يقوم الشمال قاضى عليك بالتانية يا ولااااا ال... ااااااى ههههههه
واسحف ارقض اسحف ارقض اييييه ايه يا ولاد اللذينة هو انتوا مجندين ارانب ههههههههه

[hugan]

الاخوه الافاضل بيقولو ا ن دي اسرار عسكريه
السؤال
جيشك كان فين
ولا قلنا السلاح ولا الكتيبه
ولا الفرقه ولا اللواء
الا جابه بتكون
اسماعيليه
سويس

سينا
العدو قبل الصديق يعرف ان الاماكن دي فيها جيش

[samo9992003]

المشيفه طبعا مش هيعرفها الا الاخ اللى كان فى حباطه

[mhoreya]

انا كنت دكتور فى مستشفى المعادى العسكرى
كانت ايام زفت ماعدا الصحبة الحلوة