وحشتونى مووووووووووت

[eng_mkhalaf]

ربنا يوفقك في عملك الجديد .... اوعى تفوت فرصة الحج ......وماتنساش حبايبك في الدعاء

الله يخليك ومش حج وبس أن شاء الله عمرات (جمع عمرة) وبالنسبة للدعاء دة شىء مفروغ منة لكل أخواتى فى المنتدى

[eng_mkhalaf]

ربنا يكون في عونك يا رب فعلا ايام السفر بتبقي ايام ملخبطه و الوقت ضيق:)
ربنا يكتبها لينا و نجيلك ان شاء الله:)

تنور السعودية يا باشا ومستنى إى حد فيكم على نار

[Karim_Monir]

تنور السعودية يا باشا ومستنى إى حد فيكم على نار

محمد يا شبراوي حبيب قلبي كدة تخلع من غير ما تقول
اوعى النار تلسعك
تلاقيك يا عم بعت الشيري وهاتركب وزة كبيرة اسبيرانزا 620
ها ها
ده لو لاقيتها عندك
زمانك راكب حتة كامري يا عم ولا حتة يمامة
ها ها

[eng_mkhalaf]

كيمو حبيب قلبى هنا ليك وحشة يا راجل :laugh:
والله موضوع السفر دة جة عالطول يعنى زى ما تقول قلبة وقومة وبقى مقلكش على الروتين فى الفحص الطبى وتخليص الأوراق إى أخرة وكمان مدير المصنع كان بيستعجلنا كل يوم علشان نيجى فكنت مشغول خالص وعلى العموم حقكم عليا

شيرى حبيبة قلبى مبعتهاشى لأنى ملحقتش خالص وهتترفع على أخر

الأسبوع أن شاء الله لحد ما أشوف هعمل إية
العربيات هنا أشكال وأنواع والناس هنا مغرمين بالتيوتا والميركورى جراند ماركيز والصراحة دية عربية تحفة تحفة بس غالية وتمنها زى الكامرى حوالى 75 إلف ريال - الصراحة أنا محتار أركب إية لكن شكلها كدة هترسى على التيوتا لأن سوقها ماشى وقطع الغيار موجودة أصلى وتجارى يعنى عمرى ما هغلب فيها ودية أهم حلجة لأن علشان أجيب قطعة غيار نادرة لازم أروح جدة ودية مشوارها بتاع 3 ساعات جرى بالعربية

يعنى شوف الأسعار دية بتاعت شهر 8
يارس أقل فئة 1.3 بـ 39000 ريال
يارس سبورت 1.5 بـ 51000 ريال مع غيار أوتو لوجود عرض خاص بخصم ثلاثة آلاف
أسعار الكورولا بالتفصيل
كورولا زجاج النوافذ يدوي غيار عادي Xli 1.6 بـ 52000 ريال
كورولا زجاج النوافذ يدوي غيار أوتو Xli 1.6 بـ 56000 ريال
كورولا زجاج النوافذ كهرباء غيار عادي Xli 1.6 مطور بـ 56500 ريال
كورولا زجاج النوافذ كهرباء غيار أوتو Xli 1.6 مطور بـ 60500 ريال
كورولا فتحة سقف حساسات زجاج النوافذ كهرباء غيار عادي Xli 1.8 بـ 62000 ريال
كورولا فتحة سقف حساسات زجاج النوافذ كهرباء غيار أوتو Xli 1.8 بـ 66000 ريال
كورولا جلد جناح فتحة سقف حساسات زجاج النوافذ كهرباء غيار يدوي Gli 1.8 بـ 68500 ريال
كورولا جلد جناح فتحة سقف حساسات زجاج النوافذ كهرباء غيار أوتو Gli 1.8 بـ 72500 ريال
كامري غيار عادي زجاج كهرباء أقل نوع 69800
كامري غيار أوتو زجاج كهرباء أقل نوع 71300 لوجود عرض على الغيار الأوتو

الصراحة أنا كان نفسى فى جيب شيروكى عيون أو مرسيدس عيون AMG 5000 سىسى مستعملين وراد أمريكا أو اليابان والجيب تعمل بالكتير 30 إلف ريال والمرسيدس من 30 إلى 45 إلف ريال (سعر تحفة طبعا) بس المشكلة تكمن فى الصيانة وقطع الغيار مشكلة كبيرة جدا جدا أنما البنزين مش مشكلة اللتر هنا يا معلم ب 0.45 ريال يعنى يفول يا باشا 60 لتر ب 27 ريال ودة بنزين 91 والبنزين هنا جودتة عالية قووووووووووى يعنة 91 هنا يساوى بالمستريح 95 فى مصر

الصراحة موضوع العربية دة قلب دماغى ومن كتر التفكير مش عارف أعمل إية وكمان فى رمضان التوكيلات بتعمل عروض بتوصل إلى 5000 وساعات 8000 ريال على العربيات كأحتفال وكمان علشان موديلات 2009 هتنزل- شكلى كدة مؤقتا أجيب حتة إلنترا 2005 مستعملة أو هوندا سيتى 2004 أمشى بيها الحال ودولت يعملوا بالكتير 15 إلف ريال أو كامرى 99-98 ودية تعمل حوالى 20 إلف ريال لحد ما الدنيا تبان ليا وأرسى على حل لأن العيشة هنا من غير عربية متعبة قوى

المهم ربنا يطمنا عليك وان شاء الله تعمل تيجى السعودية فى عمرة أو حجة أن شاء الله وأشوفك على خير

[Sharky]

محمد باشا

الف مبروك على الشغل الجديد و ربنا يبارك لك فيه

و فى إنتظار تقاريرك عن السعودية

[3mr Farrag]

الف مبروك محمد باشا علي السفر
بس جت فجأه يعني...
و يارب تكون مستريح هناك
و معلش جت مني متاخره

[Karim_Monir]

كلام مظبوط
هات حتة مستعملة دلوقتي
وبعدين تجيب كرولا 1600 وتفضل معاك وتعمل حسابك انك تنزل بيها مصر
بس الاسعار دي اسعار الشكل القديم ولا الجديد
وياباني ولا جنوب افريقي

[ehabradwan]

حمدالله على السلامة يا باشا
يا عم كنت قلت انا حمايا شغال في مكة ولسة بايع حتة كامري 2001 بس والله تحفة يابوخلف لانه نزل بيها قبل كده وعارفها وكان محافظ عليه جدا

ياللا خيرها في غيرها يا باشا وربنا يوفقك

[eng_mkhalaf]

محمد باشا

الف مبروك على الشغل الجديد و ربنا يبارك لك فيه

و فى إنتظار تقاريرك عن السعودية

الله يبارك فيك يا شاركى وحشتنى ضحكتك :p - السعوديين من الأخر ناس محترمة جدا وتحس فيهم فعلا بطيبة غريبة قووووى وناس هادية جدا لأبعد حدود وكل حاجة عندهم "ما فى مشكلة" والحمد لله المصنع كلة مصريين وصحابى كلهم كانوا معايا أيام بشاى ومفيهوشى خالص هنود أو أجانب ودية محصلتش خالص فى إى مصنع حديد كبير فى السعودية والحمد لله المصنع بداء ينتج وبنتايج مبشرة جدا وتحسب لينا كأنجاز كمصريين :laugh: وربنا يسهل ونقدر نسيطر علية ونثبت نفسنا - دعواتكم معانا

بالنسبة بقى للسواقة فى السعودية فصعبة قوووووى عندهم إى حد يكسر أشارة غرامة فورية 300 ريال ويبات فى السجن يوم - إى نعم السجن مكيف وكمان بيجيلك فية واجبة أكل محترمة بس هو سجن فى الأخر - لأنهم بيعتبروا إى حد يكسر أشارة أنة تعمد قتل نفس

والدوريات هنا تحفة كل أشارة تلاقى عربية دورية جيب تويوتا 2 باب 6 سليندر تجيبك حتى لو كنت راكب إية وكمان فى دوريات سرية بعربيات ملكية ممكن توقفك فى إى لحظة
الصراحة إى حد يسوق فى السعودية ممكن يسوق مستريح فى أروبا لكن عندنا فى مصر سمك لبن تمرهندى

[eng_mkhalaf]

الف مبروك محمد باشا علي السفر
بس جت فجأه يعني...
و يارب تكون مستريح هناك
و معلش جت مني متاخره

ولا يهمك يا باشا والحد لله إلى الأن أنا مستريح وربنا يديمها نعمة - بس إية رايك فى المفاجئة:nerd:

[eng_mkhalaf]

كلام مظبوط
هات حتة مستعملة دلوقتي
وبعدين تجيب كرولا 1600 وتفضل معاك وتعمل حسابك انك تنزل بيها مصر
بس الاسعار دي اسعار الشكل القديم ولا الجديد
وياباني ولا جنوب افريقي

بس يا باشا المطور هية الجديدة وأن شاء الله تكون واحدة مطورة وبالنسبة يابانى ولا جنوب أفريقى مسألتش بس هاحاول أعرف وأقولك على العموم أحسن حاجة بتنزل فى الخليج وسواء كدة أو كدة لو هشتريها مش هتفرق كفاية أنها بضمان عبد اللطيف الجميل

[eng_mkhalaf]

حمدالله على السلامة يا باشا
يا عم كنت قلت انا حمايا شغال في مكة ولسة بايع حتة كامري 2001 بس والله تحفة يابوخلف لانه نزل بيها قبل كده وعارفها وكان محافظ عليه جدا

ياللا خيرها في غيرها يا باشا وربنا يوفقك

طبعا الكامرى لا غبار عليها وكفاية أنها التوب هنا بس المشكلة أنها غالية بس ربنا يسهل وهشوف أعمل إية
وعلى العموم خيرها فى غيرها
بس ممكن أعرف هو باعها بكام لأن الموديل دة الناس بتشكر فية

[ehabradwan]

خلف باشا هو باعها ب 30 الف ريال
وباعها لواحد صاحبه
مش عارف السعر ده يعتبر كتير ولا قليل في السعودية

[eng_mkhalaf]

الله ينور هو توبها كدة فعلا لأنى معروض عليا موديل 98 ب 23 إلف - يعنى 30 إلف على موديل 2001 الشكل الجديد وأستخدام مقيم مش واحد سعودى تعتبر صفقة هايلة موووووت - وفعلا العربية فى السعودية يتنزل حوالى 5000 -7000 ريال فى السنة يعنة زيرو ب 69 إلف ويقالها 6 سنين نقول حوالى 40 إلف من تمنها تنزلهم - كدة مظبوط