بركات 2013 - كاسيت العربيه اتسرق

[khaled sabry]

و تتوالى عليا بركات 2013
الناهرده الصبح نازل من البيت لاقيت زجاج باب العربيه مكسور و كاسيت العربيه مسروق !!!!!!
اللى حارق دمى ان الكاسيت كين وود و كان غالى عليا و انا اشتريته مستعمل من المنتدى هنا لسه من شهرين بس

http://www.nilemotors.net/Nile/317123-a.html

حاجه تقرف بجد - خاصه انها جت فى وقت انا مفلس فيه علشان لسه ناقل للشقه الجديده و ماعيش فلوس خالص و حركب الزجاج اللى انكسر ده بالعافيه اصلا
و اللى غايظنى ان الكاسيت عليه شفره مش حتخلى اللى سرقه ده يعرف يشغله

ده مش اول موقف سئ يحصلى فى السنه دى - كفايه ان فى اول يوم فى السنه دى اخذت برفورمانس نوت عندى فى الشغل

[Lada2013]

رينا يعوض عليك

[Land_Cruiser]

معلش أرضى بقضاء الله و ان شاء الله ربنا يعوضك عنه خير و ما ضاقت إلا لما فرجت المهم دلوقتى تظبط حكايه الشغل دى

[Khaled Online]

قضا أخف من قضا
^فكر فيها كده بدل ما ضغطك يعلى

[mado83]

احمد ربنا انها جت على قد الكاسيت بس

[khaled sabry]

الحمد لله انها جت على قد الكاسيت برضه
اصلا كان في التابلوه على بعد 10 سم من الكاسيت المسروق نظاره ريبان ب 300 جنيه و جنبها جى بى اس (صيني ) ب 700 جنيه تقريبا ...
ربنا عماه عنهم
طبعا الحرامى استغل ان الناس كلها كمشانين فى بيوتهم من التلج اللى بره و عمل عملته
رغم انى راكن العربيه قدام البيت اساسا و الحته عندنا منوره

[youssef_u]

قول الحمدلله احسن ما كنت تنزل متلاقيش العربيه كلها

[amrelsha3er]

ربنا يعوضك خير ان شاء الله
الحمد لله انها جت فى الكاسيت بس

[akmm]

قدر الله وماشاء فعل ... فداك كل شىء .. وكله يتعوض إن شاء الله .

[saadelden]

اتسرق مني بردو الكاست و السماعات من تحت البيت يوم 2 الي فات
الحمدلله انها جت علي كدا

[egyptiandiver]

رينا يعوض عليك

[M.ABDOU]

قول الحمد لله قضاء اخف من قضاء انا نزلت النهارده ملقتش العربيه تحت البيت ابقى شوف موضوعى وادعيييييييلى

[khaled sabry]

قول الحمد لله قضاء اخف من قضاء انا نزلت النهارده ملقتش العربيه تحت البيت ابقى شوف موضوعى وادعيييييييلى

اللى يشوف بلوة غيره تهون عليه بلوته

[ahmedkhairy]

قدر الله وما شاء فعل