عايز دفاية ومش لاقى ..... عاجل

[A.Saad]

عايز دفاية زيت
مش لاقى حاجة عدلة
جبت black & decker من بى تك
خمسة ريشة
تعبانة وملهاش لازمة
مع ان الغرفة صغيرة
بس ولا عملت حاجة
عايز حاجة كويسة
اجيب منين وماركة ايه

[aldesha989]

انا اول مره اسمع عن دفايه زيت :d

[adelmof40]

امبارح اشتريت واحد تورنادو العربي توشيبا
من اسواق عبدالعزيز مدينه نصر قرب النادي الاهلي
11 ريشة ضمان 5 سنوات سعر 575 جم
رااااااااااااااااااااااااااااااااااااائعه

[شريف]

بعد ازن صاحب الموضوع اية الفرق بين الدفايات الزيت و الهالوجين
و لية فرق السعر الرهيب بينهم

[A.Saad]

بعد ازن صاحب الموضوع اية الفرق بين الدفايات الزيت و الهالوجين
و لية فرق السعر الرهيب بينهم

http://www.nilemotors.net/Nile/321265-a.html

الزيت افضل بكتير

[yehia]

نصيحة أخوية لوجه الله .... ابعد عن الدفايات بمختلف أنواعها لأن لها دور رئيسي في نزلات البرد الشديدة والالتهاب الرئوي لاقدر الله باعتبار انك لازم حتخرج من الغرفة المدفاة إلى غرفة أخرى وهي دي لطشة البرد اللي ربنا يعافينا منها .. أنا عارف ان الجو تلج لا يحتمل بس معلهش نستحمل شوية افضل خاصة وأن منازلنا مش زي دول الخارج فيها نظام تدفئة في البيت كله فتخرج من غرفة تروح التانية عادي جدا .....

[youssef_u]

[youssef_u]

[Imhotep]

التوشيبا الحداشر ريشة كويسة و موجودة

[د.أبونضال]

عندي الدفاية التورنادو العربي الـ 11 ريشه دي من حوالي سبع سنين وزي الفل .. بس غريبة سعرها ما زادش قوي ..كنت جايبها ديجيتال بـ 550 أول ما طلعت
بخصوص موضوع الغرفة الدافئة والإصابة بالبرد .أصلا دفاية الزيت بتخلي درجة حرارة الغرفة زي تحت البطانية كده لأنها ما بتسخنش قوي

[tutankhamoun]

أنا بلبس تقيل بس ....... و بكره الدفايات جدا لانها بتؤدي للاصابة بالبرد .... و كمان بتستهلك كهرباء عالية جدا
يبقى دفعت فلوس علشان اصاب بالبرد

[MoH.SaLaDiN]

نصيحة أخوية لوجه الله .... ابعد عن الدفايات بمختلف أنواعها لأن لها دور رئيسي في نزلات البرد الشديدة والالتهاب الرئوي لاقدر الله باعتبار انك لازم حتخرج من الغرفة المدفاة إلى غرفة أخرى وهي دي لطشة البرد اللي ربنا يعافينا منها .. أنا عارف ان الجو تلج لا يحتمل بس معلهش نستحمل شوية افضل خاصة وأن منازلنا مش زي دول الخارج فيها نظام تدفئة في البيت كله فتخرج من غرفة تروح التانية عادي جدا .....

اصبت كنت فعلا حقول نفس الكلام

[A.Saad]

انا شخصيا موافق على رأيكم
بس اما تلاقوا التلاجة ادفى من الشقة
يبقى هتجيبها

[amrelsha3er]

هى فعلا غلط بس لو هتبقى قاعد فى الاوضه وتنزل او تخرج وتعرض نفسك لتيار بارد وده سبب نزله البرد من سخن لبارد بس اقولوكم ان اوروبا كلها عايشه بدفيات والا محدش كان استخدمها هى عايزه حذرر بس شويه
الجو فعلا تللج وانا قررت اجيب التوشيبا اللى الاخوه شكرو فيها دى
وياريت لو فى حاجه تانيه نقولها :)
تحياتى

[A.Saad]

امبارح رحت بى تك
رجعت الدفاية black & Decker
كانت 5 ريشة
اللى فهمته بعدين انها صغيرة على المساحة
والبياع التيت ال *&%^*%&^^%$ مسألش المساحة ايه لان مفيش حجم اكبر عندهم
رحت اسواق عبد العزيز
جبت واحدة تانية
نظامها تطلع هوا سخن