مشكلة مع جي ميل وتحويلة لميل مدفوع

[Karim_Monir]

سلام عليكم
عندي مشكلة مع جي ميل
بيقفل مني كل ساعتين تلاتة ويسيبني بالساعة وطلع الرسالة دي

We’re sorry, but your Gmail account is temporarily unavailable. We apologize for the inconvenience and suggest trying again in a few minutes. You can view the Apps Status Dashboard for the current status of the service.

If the issue persists, please visit the Gmail Help Center »
Try Again Sign Out

Show Detailed Technical Info

ومهما اعمل لازم تعدي ساعة عشان يشتغل
انا بستخدمة كتير ومليان منه 40 %
هل احوله لميل مدفوع ولا اسيبه
ايه حل المشكلة
المدفوع بكام في السنة
وهل في اوبشن هاخدها اكتر ؟
شكرا مقدما

[Karim_Monir]

To keep our systems healthy, Google has temporarily disabled your account. This primarily occurs when we detect unusually high levels of activity on your account. In most cases, it should take one hour to regain access. In rare cases, it can take up to 24 hours for access to be reinstated.
We’re sorry for the inconvenience.

[Khaled Online]

اللي بيعمله ده عشان يقلل الsecuity risks وأي service provider فاهم شغله هيعمل كده
الحل؟ فيه options في كل الميلات إنك تأمنه بزيادة عن طريق وضع Alternate email +
Recovery questions + رقم الموبايل (وهيفضل سري ماتقلقش)
حاول تعمل التلات حاجات دي وفي الغالب المشكلة هتتحل

بالنسبة لترقية الaccount فكل الحكاية إنه هيديك مساحة تخزين أونلاين (كانت حوالي 16جيجا من 3 سنين) + هيشيل الإعلانات

وفيه في الYahoo إنك تعمل secure login وبيسموها Create your sign-in seal. لو حابب تغير لياهوو

[misry]

أعتقد ان كلام استاذ خالد سليم 100% ... وما تحولش الاكونت لمدفوع ولا حاجة

جرب اللي قاله استاذ خالد وان شاء الله تتحل المشكلة

[Ahmed Selim]

اول رسالة حاجة و تاني رسالة حاجة تانية خالص :)

أول رسالة كانت حصلت مع مستخدمين كتير فى نص 2012 و بعد كده جوجل حلتها........و ساعات بتحصل مع ناس تانية و بيدلتو الكوكيز و بيشتغل تاني عادي.

تاني رسالة معناها أن فيه حد بيستخدم أيميلك بطريقة مش معتادة من يوزر........و أنا شاكك فى حاجة و هبعتلك عليها.

[Nader]

اول رسالة حاجة و تاني رسالة حاجة تانية خالص :)

أول رسالة كانت حصلت مع مستخدمين كتير فى نص 2012 و بعد كده جوجل حلتها........و ساعات بتحصل مع ناس تانية و بيدلتو الكوكيز و بيشتغل تاني عادي.

تاني رسالة معناها أن فيه حد بيستخدم أيميلك بطريقة مش معتادة من يوزر........و أنا شاكك فى حاجة و هبعتلك عليها.

فعلاً هما حاسيين أن في استخدام غير طبيعي للاكونت بتاعك بيُستخدم مثلاً في نفس الوقت على IPs مختلفة، حاجة متقلقش طول ما أنت عارف الاكونت بتاعك بيستخدم ازاي، وبالنسبة لكثرة الإيقافات ممكن تعمل تحويل لكل الرسائل الوارده على عنوان بريد إلكتروني أخر وبكده مش هتفقد إمكانية متابعة الرسائل الجديدة، هتكون الإعاقة في الإرسال بنفس العنوان فقط.

[EngAhmedSakr]

اولا ما تقلقش من موضوع مليان 40% دا .... دا مش سبب ابدا علشان ترقي ناو مادمت مش محتاج الترقيه

ثانيا المشاكل اللي بتحصل في حسابك سببها بنسبه 99%
ان فيه حد بيحاول يسجل دخول لحسابك وبيجرب كذا باسورد وعماله تطلع غلط (ودا سبب الرساله الأولي)

اما سبب الرساله التانيه فهو ان الشخص دا بيحاول يعمل rsest للباسورد بتاعك حسابك وكأنه صاحب الأكونت ونسيها فبيجاوب عالسؤال السري غلط او بيطلب تكرار ارسال رساله بالباسورد الجديده عالإيميل البديل .

في كلا الأحوال انصحك بتغيير باسوردك حالا بواحده اصعب + تفعيل خاصيه تعريف الدخول بسؤال او رقم سري من حسابك
وكمان فعل خاصيه استعاده الباسورد فقط برساله عبر رقم هاتفك

بالتوفيق

[د.محمود صلاح]

همممم حد شكله عايز يهكر اكاونتك عشان المنتدى take care

[m707707]

انت الوحيد اللى عندك المشكلة دى

[Karim_Monir]

انا فعلا مفعل كلا اوبشن اللي انتو قولتو عليها
وانا حاطط الميل الاحتياطي ميل مستحيل الدخول اليه غير من مكان صعب جدا عشان ائمن بيه المنتدي
وطبعا مفعل الريكفري برقم الموبايل

الرسالتين بيطلعو را بعض
وكانو بيطلعة كل فترة دلوقتي بيطلعة 3 او 4 مرات في اليوم
والباسورد بتاعتي من اصعب ما يمكن لو قولتها كام حرف ورقم غيرهم هاتتخضو
يعني اللي بيحاول يهكر ده بيتعب نفسه عالفاضي :-)

نادر انا فعلا برد عالميل من الموبايل والنوتبوك في نفس الوقت وباختلاف الاي بي لان كل واحد داخل بيه من بروفيدر مختلف

[Dr_Mido]

ملهاش علاقه كونت بتفتحه من كذا مكان انا بفتحه من 4 او 5 اجهزة مختلفه مع بعض


المدفوع ب 25 دولار فى السنه تبع جوجل بيزنس


الحل انك تفضل زى مانت وتعمل فوروارد للايميلات اللى بتيجى على ميل تانى برضه بحيث يبقى عندك نسختين من الميل والتوقف دة مشكله فنيه تراسلهم عليها بيحلوها

[Karim_Monir]

الموضوع بقي سخيف بزيادة فعلا
في خلال 4 ساعات قفل مرتين
اراسل مين بالظبط ياخد اكشن يا ميدو

[Ahmed Selim]

انسى أنك تراسل حد و يرد عليك بسرعة :)

هبعتلك على حاجة تعملها و تجرب..........و أسمع من أخوك.

[Dr_Mido]

الموضوع بقي سخيف بزيادة فعلا
في خلال 4 ساعات قفل مرتين
اراسل مين بالظبط ياخد اكشن يا ميدو

راسل السبورت بتاعهم وبيردو والله بياخدو مابين 16 و 18 ساعه وبيردو واعمل فوروارد كمان اى ميل بيجيلك بيتحول منه نسخه

[Mahmoud Nagieb]

ملهاش علاقه كونت بتفتحه من كذا مكان انا بفتحه من 4 او 5 اجهزة مختلفه مع بعض


المدفوع ب 25 دولار فى السنه تبع جوجل بيزنس


الحل انك تفضل زى مانت وتعمل فوروارد للايميلات اللى بتيجى على ميل تانى برضه بحيث يبقى عندك نسختين من الميل والتوقف دة مشكله فنيه تراسلهم عليها بيحلوها

المدفوع ب 50 دولار فى السنة للحساب الواحد , ممكن يخصمهم مرة واحدة او ممكن كل شهر

تحياتى