حقن ال g.h نظامها ايه في تقسيم البطن

[abdulkhaleq]

شكرا لحضرتك :) فعلا انا اخدت بكلامكم و شيلت الموضوع من دماغي خلاص و فعلا بدأت العب رياضة علي خفيف كده بطن و ضغط مع تضبيط الاكل و هستمر ان شاء الله لغاية ما اوصل للي انا عايزه

عاش يابطل

[karimnet]

خد Grenade او Lipo 6

[nouranwar]

خد grenade او lipo 6

قريت عن الليبو 6 ده في موضوع لسه معمول هنا في المنتدي
بس ايه فايدة الجرينيد ؟ و ليه اعراض ؟
هما اتكلموا كمان عن الانيمال كت و فوائده فهل الجرينيد احسن منهم؟

[hossamhookman]

حرام عليك يا اخى
الهرمونات و الاسترويد مش بالبركة

لو عايز عضلات بطن العب بطن
و متسمعش نصيحة حد و يقولك اجرى
لأن الجرى بيفرد العضلات (استطالة) بالذات عضلات البطن
و لو مش عايز تلعب بطن يبقى
تجيب عجلة و كل يوم الصبح تطلع بيها نص ساعة او اكتر
و لازم تاكل اكل نضيف تقلل من الدهون و تزد البروتين بعد اللعب (بويتن = لحمة - سمك - فراخ - بقوليات )
و نشويات ثبل التمرين و مش كل شوية تاكل عيش
و سيبك من اى مكمل غذائى

Stay Gold ,Stay Natural

[nouranwar]

حرام عليك يا اخى
الهرمونات و الاسترويد مش بالبركة

لو عايز عضلات بطن العب بطن
و متسمعش نصيحة حد و يقولك اجرى
لأن الجرى بيفرد العضلات (استطالة) بالذات عضلات البطن
و لو مش عايز تلعب بطن يبقى
تجيب عجلة و كل يوم الصبح تطلع بيها نص ساعة او اكتر
و لازم تاكل اكل نضيف تقلل من الدهون و تزد البروتين بعد اللعب (بويتن = لحمة - سمك - فراخ - بقوليات )
و نشويات ثبل التمرين و مش كل شوية تاكل عيش
و سيبك من اى مكمل غذائى

stay gold ,stay natural

شكرا جدا لحضرتك بصراحة انا شلت الموضوع من دماغي بس لما قريت علي المنتدي هنا علي ادوية زي الليبو 6 و الانيمال كت و الجرينيد كمان رجعت افكر تاني

[karimnet]

الجرينيد احسن حاجة فيهم هاتها و بتاخد منه قبل التمرين و شهر ان شاء الله و حتدعيلى

[micromoud]

بص انت لو بتلعب كام شهر عشان مظهر وتقسيم فى 500 طريقه سهله لانك تعمل اللى انت عايزه زى ما قال الاعضاء.... اما سكه المنشطات انا مش هكلمك عن انها خطر والكلام ده الاهم من ده كله الخوف كله من ادمان المنشط وانه يكون المصدر الوحيد انك لما تسيب التمرين وترجعله تانى وانت خاسس يكون هو الوسيله اللى هترجعلك جسمك وهكذا ... شوف انا هقولك على حاجه عشان تبقى عارف برضه هرمون النمو اللى يقولك انه مابيتفرزش فى الجسم بعد 21 يبقى متسمعش كلامه واركنه على جمب لان كلنا بيتفرز عندنا الهرمون فى الجسم بس بنسب متفاوته نتيجه للمرحله العمريه وأحد افضل الهرمونات الطبيعيه المناسبة لبناء عضلى وجسدى كامل يعنى هرمون بيحسن جميع الوظائف الحيوية مش بس العضلات دا حتى بيدخل فى تزويد كثافة العظام فى الجسم والمظهر الجنسى والشباب بصفه عامه وله ميزة كمان انه مش بيتحفظ فى استر زى الهرمونات التانيه فبالتالى ملهوش تأثير سام عالكبد لانه اصلا بيستحث الكبد على افراز الهرمون يعنى هرمون اساسى لا غنى عنه دلوقتى المشكله فى ان الهرمون ده الاصلى بتاعه سعره مرتفع جدا الحاجه التانيه ان الهرمون ده عشان يشتغل بكفائه لازم يتاخد معاه هرمونات تانيه عشان تخدم عليه وتديك احسن اداء وبما ان حضرتك لسه مش عند اداء فى التمرين فالكورس اللى انت هتدخله ماهو الا كورس هيرفع ادائك فى التمرين ويحرقلك شويه دهون وممكن يحصلك تمزقات فى العضلات عشان انت جسمك مش واخد عالتمرين اصلا وبعد ما يخلص الكورس ادائئك وقوتك هتقل عن الاول وبالتالى الكتله العضليه هتفقدها مع مرور الوقت .... ده المختصر المفيد فى موضوعك