سؤال لمالكي السامسونج و من قبله النوكيا .. ؟

[Forever.Leo]

هو سؤال لمن جرب الموبايلات السامسونج سمارت فون و النوكيا .. هل صحيح ما يقال ان النوكيا افضل فعلا من السامسونج ك Hardware من حيث الجودة و المتانة و العمر الافتراضي ؟

[ramy_gamal]

بص يا باشا انا طول عمرى كان معايا نوكيا واخرهم n 73 ومازال شغال ومن 4 شهور غيرت وجبت s ادفانس هو تليفون جميل وكله امكانيات وشاشه حلوة وبرامج تجيب لبن العصفور بس تحس ان خامات التليفون اضعف وكمان النوكيا ليها لمسات يعنى المنبه يشتغل والتليفون مقفول السامسونج لا السماعه البلوتوث تشغل اغانى mp3 مع النوكيا ...السامسونج لا...صوت الرنه اوطى فى السامسونج....يعنى حاجات بسيطه بس السمارت فون حاجه مختلفه خالص

[hazoom2006]

نوكيا دى فاشلة بجميع المقاييس هو بتبيع دلوقتى اعتمادا على سمعتها

[Forever.Leo]

بص يا باشا انا طول عمرى كان معايا نوكيا واخرهم n 73 ومازال شغال ومن 4 شهور غيرت وجبت s ادفانس هو تليفون جميل وكله امكانيات وشاشه حلوة وبرامج تجيب لبن العصفور بس تحس ان خامات التليفون اضعف وكمان النوكيا ليها لمسات يعنى المنبه يشتغل والتليفون مقفول السامسونج لا السماعه البلوتوث تشغل اغانى mp3 مع النوكيا ...السامسونج لا...صوت الرنه اوطى فى السامسونج....يعنى حاجات بسيطه بس السمارت فون حاجه مختلفه خالص

هو كلام حضرتك في العموم يميل للنوكيا .. بس من كلامك انك ندمت على التغيير ؟

[Forever.Leo]

نوكيا دى فاشلة بجميع المقاييس هو بتبيع دلوقتى اعتمادا على سمعتها

الكلام على تقييم جودة الهاردوير بغض النظر على نظام التشغيل ...

[ahmedbasto]

بص يا باشا انا طول عمرى كان معايا نوكيا واخرهم n 73 ومازال شغال ومن 4 شهور غيرت وجبت s ادفانس هو تليفون جميل وكله امكانيات وشاشه حلوة وبرامج تجيب لبن العصفور بس تحس ان خامات التليفون اضعف وكمان النوكيا ليها لمسات يعنى المنبه يشتغل والتليفون مقفول السامسونج لا السماعه البلوتوث تشغل اغانى mp3 مع النوكيا ...السامسونج لا...صوت الرنه اوطى فى السامسونج....يعنى حاجات بسيطه بس السمارت فون حاجه مختلفه خالص

+1111111

[ramy_gamal]

هو كلام حضرتك في العموم يميل للنوكيا .. بس من كلامك انك ندمت على التغيير ؟

لالا خالص مش ندمان لان زى ماقولتلك البرامج اللى بتنزل عليه ملهاش حل هو كا تكنولوجيا حاجه جامدة جدا بس اعتقد عمر التليفون مش هيكون زى النوكيا يعنى انا شغال فى البورصه و وقت جلسه التداول بستخدم التليفون باستمرار يعنى عندك 4 ساعات متواصل غير بعد الجلسه غير لما اروح ال ان 73 قعد معايا 5 سنين زى الفل مش عارف السامسوج هيستحمل الطغط دة ولا لأ؟
بس السمارت فون صفقه ناجحه

[Elawany13]

نوكيا خلاص راحت عليها

[Forever.Leo]

نوكيا خلاص راحت عليها

يافندم ما هو معروف ان الاندرويد كعبوا عالي على السيمبيان و الوندوز فون كمان .. بس احنا بنتكلم على مقارنة التليفون كجودة و متانة هاردوير ؟ .. ما هو مش منطقي انك تروح للسامسونج و الاندرويد لبعض مميزات في نظام التشغيل على حساب هاردوير اقل درجة .

[snoop]

السامسونج جالاكسى s2 او s3 ممتازين جدا عن تجربة وجربهم يا باشا فيهم كل حاجة كفاية ان الجهاز اندرويد وبيشتغل عالنت زى الاب توب واحسن من النوكيا طبعا ولا مكنش مبيعات سامسونج وصلت السما بعض الجالاكسى منزل

[Land_Cruiser]

حسب استخدام حضرتك يعنى لو بتدور على التليفون التقليدى لإجراء المكالمات و شويه تطبيقات بسيطه و بطاريه كويسه تقعد فتره لو كانت اصليه طبعا و حجمه صغير و مش اشكال حجم الشاشه الصغير و مش فارق معاك الدخول على الانترنت منه لانه متعب قوى فيها يبقى النوكيا. السامسونج للى عايز جهاز بشاشه كبيره و تطبيقات كتير و دخول على الانترنت كأنه لابتوب و مش مشكله معاه البطاريه اللى بتحتاج شحن مستمر و لا انه ممكن يهنج من كتر البرامج و لا ال updates الكتير اللى كل شويه تطلع هيبقى مبسوط بالسامسونج اكتر. لو عايز حل وسط يبقى البلاكبيرى .

[youssef_u]

النوكيا انا بلعب بيه كوره حاليا
و بدخل بيه خناقات
واحيانا بتكلم منه :d

[طارق _عبد السلام]

يافندم ما هو معروف ان الاندرويد كعبوا عالي على السيمبيان و الوندوز فون كمان .. بس احنا بنتكلم على مقارنة التليفون كجودة و متانة هاردوير ؟ .. ما هو مش منطقي انك تروح للسامسونج و الاندرويد لبعض مميزات في نظام التشغيل على حساب هاردوير اقل درجة .

انا من مستخدمى السامسونج من سنيييييييييييييييين
وبغير دايما لسامسونج واخر 2 تليفون كانوا تاتش وماشاء الله تليفون بتاع شغلوانا مكالماتى كتيره جدا

السامسونج كاعتماديه وتحمل اكثر من النوكيا كان اخر تليفون نوكيا شيلته n95لما كان 3 الاف تقريبا

وبصراحه النوكيا بالنسبه للسامسونج لاشىء من ناحيه التحمل والسرعه

[ahmed_m_ashraf]

أنا أعتقد الموضوع نسبي يعني ممكن تلاقي حد النوكيا جاب معاه جاز قوام وممكن تلاقي واحد معاه سامسونج من سنين وشغال والعكس.
بس أنا أظن موضوع التحمل في النوكيا ده كان زمان في الموديلات القديمة، دلوقت الوضع إختلف وكله زي بعضه من ناحية الهاردوير كتحمل.
حاليت الرائد في التكنولوجيا والتطور هو سامسونج.

الموديلات العالية في السامسونج نضيفة جدا، أنا معايا نوت 2 ما شاء الله عليه. ومعلش تليفون هاردوير جبار من غير سوفوير يستغل الكلام ده ولا يسوى.

[SAMEH_FOUAD]

شوف ياباشا انا مستخدم النوكيا من اول لما قالت ياتليفون ماكنشت بجيب حاجة غير النوكيا ومابعترفش بأى شركة تانية

الصراحة اقدر اقولك ان طفرة نوكيا فى الهارد وير كانت لحد 2003 بعد كدة نوكيا بدأت فى التراجع بشكل ملحوظ وهقولك لية مش عارف كان بتنزل عدد اشكال والوان وكلها نفس الكفاءة ونفس الحاجة مافيش جديد , فقدت التمميز

يعنى مثلا تقدر تقولى اية الفرق مابين نوكيا 7610 و 6630 ( الكاميرا واحدة والنظام واحد والشاشة واحدة وكل حاجة زى بعض ) بس اختلاف مسميات وشكل

من وجهة نظرى ان سامسونج ممتازة فى تنوعها للتليفونات بس فعلا بتلاقى فرق وكمان اجهزتها عالية جداااااا فى التحمل , انا كان معايا موبايل نوكيا كان مشلكتة الاساسة هية الشبكة اول لما بيقع الموبايل بيجيب شبكة فورا

او يجيب ic باور ودية كانت شائعة جداااااااا زمان + ان الموبايل كان سوكت الشاحن بيبوظ , الوش بيتخربش بسرعة + الزراير بتتمسح بسرعة _ التليفون بيهنج كتير , الكاميرا من جوة بتتوسخ جامد مع التراب + البطارية مش بتقعد كتير بعد اول ست شهور ليها بتبدأ تضعف , كان التليفون كتير بيجيب insert sim card وهو شغال فجأءة + تغطية الشبكة ضعيفة مقارنة بالموبايلات الاخرى بنفس الشركة ونفس المكان , الموبايل بياخد وقت كتير جدا فى نقل البيانات سواء اسماء او حتى نقل بالبلوتوث او تسطيب برامج

فى بردة عيب شائع جدااااااااااا فى موبايلات نوكيا وهو ان ال keypad بيبوظ بسرعة جدااااااا + سماعة الاذن بتبوظ او بتقل قوتها بعد فترة قليلة من الاستخدام

ياة عيوب كتير فى نوكيا الصراحة يعنى انا مثلا معايا جهاز n73 music edition من 2007 , وقع منى مرة واحدة زرار التعلية باظ اضطريت افك التليفون عشان اعملة

ال scroll بتاع القوائم تقل وباظ اضطريت اغيرة بواحد جديد

بعدها بفترة ال kepad تقلت جدا وكانت بتعلق ومتلغبطة اضطريت انى اغيرها

الشاشة نفسها مع ان مافيش حاجة لمستها بس حاسس انها اتخربشت بدون ماجى جنبها او اى حاجة تقرب منها

التليفون وقع منى مرة ال housing اتكسر

وقع منى مرة تانية بس كانت قوية شوية مكان الكارت باظ والتيلفون مش بيقرى كارت ميمورى

طبعا غيرت الزراير يجى عشرين مرة بأصلى وبترجه تتمسح تانى , الشاحن بتاعة باظ لوحدة بعد اول سنة

البطارية باظت مع اول سنة استعمال

دة تليفون نوكيا من ساعت ماشتريتة ( بخلاف بقى التهنيج - insert sim card - الاقية مقفول لوحدة )