إعـــــــلان

Collapse

.

,
See more
See less

في شكاوي من موبينيل؟

Collapse
X
 
  • Filter
  • الوقت
  • Show
Clear All
new posts

  • في شكاوي من موبينيل؟

    عايز أجيب usb وأحول فودافوني ل موبينيل

    عشان فرق التمن كبير

    بس أولا سؤالين تلاتة

    هو الستريمر في فودافون قصده يوتيوب؟ يعني ال 1.5 جيجا + ستريمينج بلا حدود كويس؟

    ثانيًا ليه ال 7 جيجا في موبينيل ب 100 جنيه وال 6 جيجا في فودافون بـ 150 جنيه
    وال 15 جيجا في موبينيل ب 200 جنيه و ال 10 جيجا في فودافون بـ 250 جنيه؟




    هو مش المفروض الاسعار تكون متقاربة؟

    ثالثا هل في شكوى من جودة الشبكة في موبينيل؟ نت بيقطع مكالمة بتفصل كده؟

  • #2
    انا معايا خط موبينيل و خط فودافون
    الي ملاحظة ان موبينيل افضل في التغطية
    و المكالمات مش بتفصل و مفيش اني اكلم حد موبينيل و ابقي مش سامعه و هو سامعني او العكس
    ولكن سعات بسيطة يكون فيه زي صدي صوت
    اما فودافون التغطية سيئة و بيحصل كتير موضوع اني اسمع حد و ميسمعنيش
    و اضف عليه ان المكالمات بتفصل احيانا كتير

    Comment


    • #3
      موبينيل حاليا ممتازه باقة اون لاين 100 تعطيك 7 جيجا مع حرية تجديد الباقه بعد النفاذ

      لكن عيوبها انك لما تخلص ال 7 جيجا النت بيفصل او لو عندك رصيد بيحاسبك الميجا ب25 قرش

      يعني مش هاتنزل على سرعة 64 اللي بصراحه ملهاش اي لازمه من وجهة نظري

      وباقة 50 بتعطي 3 جيجا

      في الماضي كانت اتصالات احسنهم حاليا موبينيل انما فودافون دي مشوفتش منها اي ميزه
      [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

      Comment


      • #4
        طيب انا عايز اغير لـ اتصالات عشان عامله عرض خيالي

        6+6 يعني 12 جيجا بــــــ125 جنيه والنت بتاعها ممتاز عندي في الغالاكسي اس 3

        بس اتنيلت على عيني من سنتين وجايب يو اس بي فودافون وبيدفعوني 150 جنيه في 6 جيجا

        عليهم 2 جيجا عرض !!

        وزهقت مهم وخدمت العملا الغبية والدعم الفني التعبان فشل في كل حاجة

        قعدت اتصل بالدعم الفني في مرة سابوني انتظار 3 مرات كل مرة 10 دقايق ومافيش حد بيرد

        عايز اغير ياجدعان اعمل اييييييييييييييييييييييييييييييييييييييييييييييييي يييييييييييه

        Comment


        • #5
          اول مره اسمع عن عرض اتصالات ده

          لو فعلا كده هااستفيد منه لسه الشريحه عندي اشيل الموبينيل واحط اتصالات
          [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

          Comment


          • #6
            حط فى اعتبارك برضه عامل مهم..... لان دى شبكات اتصالات لا سلكية.... حاول تتأكد من انهى شبكات افضل عندك فى التغطية فى اكتر الاماكن اللى هتستخدم فيها المودم سواء بيت او شغل..... عشان لما تيجى تعتمد عليه فى مكان معين لمدة طويلة متضايقش و التغطية الجيدة تساعدك فى جودة اللينك......

            Comment


            • #7
              شكرا يا جماعة

              بس ياريت لو حد بيفهم في فودافون يفهمني موضوع الستريمر ده وهل بيشمل ال يوتيوب؟

              أصل أنا مبعملش دونلود كتير وانا بره إنما باستريم فيديوز كتير يوتيوب وغيره

              Comment

              Working...
              X