معروض عليا فيزا حرة ومحتار

[viper911s]

السلام عليكم
انا معروض عليا فيزا حرة سنة للسعودية
وانا شغلى فى السيارات
امين مخازن / ومبيعات قطع غيار / ومبيعات سيارات
حوالى 6 سنوات فى توكيل فى مصر
طبعا مع الثورة والكلام دة الشركة الى كنت فيها صفت
واشتغلت مع المنافس فى الغردقة طبعا استغلوا ان مفيش شغل
والوضع بقا سىء جدا
حاليا انا خاطب من حوالى 4 شهور
اية رئيكم اجازف واروح ولا اية

[TAMERMEGAHED]

اخى الكريم فيزا حره يعنى هتروح السعوديه وتدور وانت ونصيبك
لو تعرف تربط مع شركع قبل ماتيجى يبقى افضل
لانك هتدفع فلوس فى الفيزا ده فمش هتبقى مستحمل تقعد كذا شهر لحد ماتلاقى شغل ده غير مصاريفك
ففكر واستخير وشوف شكرات وابعت فيها السى فى فى توكيلات السعوديه وان شاء الله ربنا ييسرلك الى فيه الخير

[Abo Yasso]

توكل على الله وصلى صلاه استخاره وامشى فى الموضوع
وربنا يوفقق

[viper911s]

اخى الكريم فيزا حره يعنى هتروح السعوديه وتدور وانت ونصيبك
لو تعرف تربط مع شركع قبل ماتيجى يبقى افضل
لانك هتدفع فلوس فى الفيزا ده فمش هتبقى مستحمل تقعد كذا شهر لحد ماتلاقى شغل ده غير مصاريفك
ففكر واستخير وشوف شكرات وابعت فيها السى فى فى توكيلات السعوديه وان شاء الله ربنا ييسرلك الى فيه الخير

استاذ تامر
اولا شاكر لتفاعلك لكن انا على السمع ان مجال السيارات هناك مفتوح هل تواجد عمل هناك بالصعوبة دى
انا عارف انا هدفع فيها فلوس وعندى قلق نسبى انى ملقيش شغل ربنا ييسر لكن بسبب القلق دة فية حيرة

[alking_2006]

لو تقدر تظبط مع شركة قبل ما تسافر يبقى احسن
لأن لو سافرت و حاولت تدور هناك الشركات هتبقى عارفه انك مزنوق و عايز تشتغل بأى طريقة و هتستغل النقطة دى انها تديك مرتب قليل و مجهود شغل ازيد و اذا كان عاجبك بقى
دا غير ان الشركة لما تشتغل فيها ممكن مترضاش انك تنزل على كفالتها و ساعتها هتدور على اى كفيل فى السعودية تنزل اقامة على كفالته مقابل مبلغ شهرى
يعنى مرتبك هيتاكل مرة من الشركة و مرة من الكفيل و يتبقى ليك الفتات مع الاسف
و عموما الكلام اللى بقوله دا مش قاعدة ممكن واحد يسافر و ربنا يوفقه فى شركة محترمة لكن دا قليل
بإختصار لو هتسافر على فيزا حرة اعمل حسابك انك فى اغلب الظروف هتقعد سنة غير مستقر و دا عن تجربة واحد زميلى
و بالتوفيق

[youssef_u]

لااااازم تتفق مع شركه لانك هتروح تصرررف كتير على السكن و المواصلات كلها تاكسي خصوصي بس

[ahmed_m_ashraf]

توكل على الله وصلى صلاه استخاره وامشى فى الموضوع
وربنا يوفقق

+١١١١١

صلي إستخارة وإسعى وإبدأ إبعت ال cv للشركات وحاول تفتح إتصالات معاهم وبالتوازي إبدأ حضر ورقك وكده، لو فيه خير هتلاقي الموضوع بيمشي لوحده، لو لأ هتلاقي الدنيا إتكعبلت ووقفت.

وربنا يوفقك لما فيه الخير.

[M.ABDOU]

من تجارب كتير شفتها للفيزا الحره 90 فى الميه منهم بيتعبوا جدااااااا الافضل انك تلاقى عقد عمل من هنا الاول دى نصيحتى ليك

والله اعلم

[TAMERMEGAHED]

السلام عليكم
طبعا زى ماالاساتذه تفضلوا فعلا موضوع انك تدور الاول افضل وبرضه الاستخاره لانها موضوع توفيق من الله

[محمد يوسف]

توكل على الله..أى حاجة بره البلد دى دلوقتى مكسب..بس صلى استخارة كام يوم

[ahmedwagdy03]

السلام عليكم
انا معروض عليا فيزا حرة سنة للسعودية
وانا شغلى فى السيارات
امين مخازن / ومبيعات قطع غيار / ومبيعات سيارات
حوالى 6 سنوات فى توكيل فى مصر
طبعا مع الثورة والكلام دة الشركة الى كنت فيها صفت
واشتغلت مع المنافس فى الغردقة طبعا استغلوا ان مفيش شغل
والوضع بقا سىء جدا
حاليا انا خاطب من حوالى 4 شهور
اية رئيكم اجازف واروح ولا اية

أنا آسف كلامى ممكن يبقى مش على هواك لكن لازم أقوله لوجه الله:
1- الفيزا الحرة دى إنت بتيجى السعودية على كفالة شخص أو شركة أنت بتدفع له مصاريف الإستقدام حوالى 3000 ريال غير المبلغ اللى بياخده منك السمسار اللى بيجيبهالك (حسب سعرها ) يعنى المبلغ الكبير اللى بتدفعه أول مرة أغلبه رايح للسمسار اللى بيبيعك للكفيل يكمل معاك.
2-بعد ما توصل طبعا الكفيل بياخد منك مصاريف إستخراج الإقامة و التأمين و الطبى و كل حاجة ده غير اللى حياخده لنفسه.
3-الكفيل حيتفق معاك على المبلغ اللى حتدفعهوله كل شهر لإنها تجارة طبعا ( أو لو إنت جاى تبع واحد معرفه ممكن مايخدش منك حاجة غير المصاريف )
4- طبعا إنت معرض لإبتزاز الكفيل كل شوية و حالات أعرفها جيدا كانت بتحكيلى مثلا واحد كفيل عامل حادثة بالعربية و عايز يصلحها يروح يتحملج على الناس اللى على كفالته و ياخد فلوس منهم عافية و هكذا . حسب أخلاق كل واحد .
5- إنت على حسب مزاج الكفيل إما يسيب الباسبور معاك أو ياخده و يبقى معاك الإقامة بس .يعنى إنت معرض إن باسبورك يكون محجوز معاه و ده الذل بعينه لو طلع معندوش ضمير
6-طبعا عايز تشترى عربية أو تطلع رخصة أو تعمل حساب بنكى يبقى لازم موافقة الكفيل و إدفع يا سيدى .
7- خروج و عودة يبقى تدفع يا سيدى حسب ما يطلب
8-أى مصاريف جديدة زى موضوع 2400 ريال فى السنة على كل وافد طبعا إنت بتدفعها
9- بعد كل ده مطلوب منك تبحث عن شغل و إنت وحظك و مافيش حاجة مضمونة

معلش أنا طولت لكن من اللى بشوفه فى السعودية : كتير قوى بتكون القعدة فى مصر أرحم و أهون من الفيزا الحرة

[amrelsha3er]

ربنا يوفقك اولا زى مالاخوه قالو صلى استخاره طبعا من اولها بس هى مجازفه انك تسافر كده
وفعلا دور وابعت سى فى لللشركات وربنا يوفقك للى فى الخير ليك