ايه رأيكم فى اللاب توب ده ؟ عيوبه قبل مميزاته .

[ahmedfathi]

انا عايز اشترى اللاب ده


Dell Inspiron N5520 i7


ودى امكانياته


Intel® Core™ i7-3612QM Processor (6M Cache, up to 3.10 GHz)

8GB DDR3 RAM

1TB SATA 5400 rpm

DVD+/-RW Double Layer drive

15.6" High Definition (720p) LED Display with Truelife (1366 x 768 Pixels)

AMD Radeon™ HD 7670M DDR3 1GB

Webcam

WLan - Bluetooth - USB - 10/100 ethernet

(3) USB 3.0 + (1) USB 3.0 PowerShare

HDMI - D-sub

8-in-1 Media Card Reader

6-cell 48WHr Li-Ion Battery
win 7 home premium

سعره 5000 جنيه
اشتريه ولا ايه رأيكو ؟؟؟؟؟

[Dr_Mido]

كويس جدا ولو لقيت نسخه من غير ويندوز هينزل من تمنه بتاع 200 جنيه

[Mahmoud Nagieb]

سعره 4750 عند Egyptlaptop

4888 عند B.Tech

بس لو هتشتريه من Egyptlaptop الحق وانزل علشان الكميات الجديدة سعرها ب 5400 علشان الدولار

واتاكد انها ضمان وكيل مش ريفبريشد

بالتوفيق

[S O P H O S]

انا شاري من فترة الاي 5 منه وبصراحة جهاز جميل ..

[Mahmoud_ezzo]

لاب كويس عيبه الوحيد من وجهة نظرى مكان السماعات لو حاطه على بطانية او سطح مش مستوى الصوت بيتكتم

[محمد يوسف]

اللاب ده هو اللاب الشخصى بتاعى ..بس أنا كارت الشاشةati... هو جميل جدا بس فيه عيبين : الأول بيسخن بسرعة شديدة والتانى لو فتحت عليه أكتر من 3 تطبيقات بيهنج
أنا كنت شاريه من سنة ونص ب 5000 جنيه برضه بس كان من غير ويندوز

[h_shahin]

معقولة بروسيسور بالقوة دى و بالكاش و الرامات دى و يهنج من تلات تطبيقات بس !!
يمكن فيه حاجة مش مظبوطة

Sent from my MZ601 using Forum Runner

[محمد يوسف]

معقولة بروسيسور بالقوة دى و بالكاش و الرامات دى و يهنج من تلات تطبيقات بس !!
يمكن فيه حاجة مش مظبوطة

sent from my mz601 using forum runner

بالعكس..توكيله فحصه وقال مافيهوش حاجة..بس للأمانة هى بتبقى برامج تقيلة - بحكم عملى كمهندس - زى الأوتوكاد والبريمافيرا وكده ... وهو مش بيهنج لدرجة انى أقفله خالص لكن بيهنج دقيقتين كده ولا حاجة لغاية الرامات ماتظبط نفسها ويشتغل تانى

[Qmax]

انا ارى ان جودة اجهزة لينوفو تستحق ان تلقي نظره عليها قبل قرار الشراء

[ahmedfathi]

كويس جدا ولو لقيت نسخه من غير ويندوز هينزل من تمنه بتاع 200 جنيه

فعلا نفس الجهاز من غير نسخه ب 4650 جنيه بس ليه حضرتك بتفضل جهاز من غير نسخه اوريجنال ؟. مع ان اصحابى معاهم لابات كانوا شارينها من غير نسخه برضو بس قالوا هات جهاز عليه نسخه أفضل عشان بتبقى كفائتها أعلى وبتعيش معاك كتير جدا وهتعمل اب ديت براحتك .

[ahmedfathi]

سعره 4750 عند egyptlaptop

4888 عند b.tech

بس لو هتشتريه من egyptlaptop الحق وانزل علشان الكميات الجديدة سعرها ب 5400 علشان الدولار

واتاكد انها ضمان وكيل مش ريفبريشد

بالتوفيق

شكرا لرد حضرتك . بس الاسعار دى بنسخه ولا من غير نسخه ؟؟؟
ولو بنسخه دا يبقى سعره جامد بس ممكن اعرف مكان ايجبت لاب توب ده فين ؟؟

بالنسبه للكميات الجديده انا سمعت ان اخر وقت للنوع ده هيكون شهر فبراير او مارس بالكتير عشان ديل هتنزل موديل جديد مقارب ليه بس هتغير فيه شويه حاجات مش عارف ايه
فاعتقد انه ممكن الموديل الجديد ده هو اللى ينزل بالسعر ده
لان الالكترونكس فى اى حته مع مرور الوقت أعتقد بيرخصوا ولا ايه رأيك ؟؟

سؤال أخير معلش : هو الريفبرشيد بيكون على العلبه من بره علامه الوكيل سواء كويست او bdl ولا بتكون متشاله ؟؟؟

[ahmedfathi]

انا شاري من فترة الاي 5 منه وبصراحة جهاز جميل ..

طمنتى الله يطمن قلبك .بس الاى 5 بردو نفس الرامات 8 ونفس الهارد 1000 ولا أقل ؟؟

وهل بردو الكى بورد هاف ولا فول ؟؟ يعنى الجزء بتاع الاله الحاسبه متشال بردو من عندك

ولو متشال يا ترى انت اخدت اد ايه فى انك تتعود على الارقام اللى فوق ؟؟؟؟

اصل الحته بتاع الهاف كى بورد دى خنقانى اوى فى الجهاز ده . لانى فى شغل كتير عندى على اكسيل وانا اتعودت على الارقام اللى فى الاله الحاسبه اللى على اليمين ومش بستعمل الارقام اللى فوق دى اطلاقا . وبقول يعنى جهاز جبار بامكانيات جباره ومش قادرين يكملوا الصوره الجميله ويعملوا الكى بورد فول

[ahmedfathi]

لاب كويس عيبه الوحيد من وجهة نظرى مكان السماعات لو حاطه على بطانية او سطح مش مستوى الصوت بيتكتم

هو فعلا المفروض السماعات تبقى فوق
طب هو ده عيب الموديل ده بالتحديد ولا معظم موديلات ديل السماعات بتاعتها محطوطه فى مكان غريب كده ؟

[ahmedfathi]

اللاب ده هو اللاب الشخصى بتاعى ..بس أنا كارت الشاشةati... هو جميل جدا بس فيه عيبين : الأول بيسخن بسرعة شديدة والتانى لو فتحت عليه أكتر من 3 تطبيقات بيهنج
أنا كنت شاريه من سنة ونص ب 5000 جنيه برضه بس كان من غير ويندوز

انا اعتقد ان كروت الشاشه اللى هيه AMD Redeon هيا المقصود بيها ATI
واللى هيا N vedia هيا المقصود بيها Geforce صح ولا انا غلطان ؟؟؟؟؟

سؤال تانى معلش هو حضرتك متأكد انو نفس الجهاز ده هو اللى حضرتك اشتريته من سنه ونص يعنى اى7 الجيل التالت والرامات 8 والهارد 1000 ؟؟؟

اصل الموديل ده انا كنت سالت عليه من شهر سبتمبر الماضى وكان لسه نازل طازه من اسبوع ومكنش موجود عن كل الناس لانه مكنش لسه انتشر زى دلوقتى

[ahmedfathi]

معقولة بروسيسور بالقوة دى و بالكاش و الرامات دى و يهنج من تلات تطبيقات بس !!
يمكن فيه حاجة مش مظبوطة

sent from my mz601 using forum runner

شكرا لمرورك على موضوعى
وانا فعلا كنت هأسأل استاذ محمد نفس السؤال
بس أعتقد استاذ محمد يقصد جهاز تانى بامكانيات أقل لانه بيقول شارى الجهاز من سنه ونص والجهاز ده لسه نازل من 3 شهور بس