اجيب s3 ولا NOTE 2

[ayman_omer2007]

فرق السما عن الارض النوت1 عن ال 2

النوت 1 شاشة اقل تكنولوجى ابطئ بيهنج رامات اضعف

ياراجل ده انت ضيعت الجهاز كده ليه هو نوكيا سمبيان ابو كشاف ههههههه (مع احترامي للنوكيا حبيبي ولله)
بص علي اللينك اللي تحت ده وانت تتاكد ان الاتنين نفس التكنولوجي في الشاشة (hd super amoled) لكن شاشة النوت ١ كثافة البيكسلس اعلي من النوت ٢ يعني احسن
بالنسبة للتهنيج انا معايا النوت ١ والجهاز عليه ميموري ٦٤ جيجا بيت وعليه كمية برامج مهولة و Mp3 كتير وافلام و live wallpapers
والجهاز مبيهنجش مع اني دايما مشغله علي وضع power saving وده بيقلل من سرعة الجهاز اصلا
ممكن يبقي فيه تقل بسيط في التنقل بين الصفحات لكن مبيهنجش
وزى ماقلت في مشاركة فوق الجيلي بين نازل في مارس والجهاز هيبقي طلقة بالنسبة للايسكريم ساندويتش

Samsung Galaxy Note II: what's changed?
ودي مقارنة بين الجهازين

وتقبل تحياتي

[TARAXAN]

فرق السما عن الارض النوت1 عن ال 2

النوت 1 شاشة اقل تكنولوجى ابطئ بيهنج رامات اضعف

لا سما ولا ارض يا دكتور
اولا النوت 1 اعرض ودي ميزه في القرايه
شاشه 1 اوضح بس 2 بتحافظ علي وضوحها فتره اطول, ,,مش فارقه كتير هو مش تلاجه هتقعذ معاك 20 سنه
من ساعه ما مسكته عمره مهنج ولا مره ..نيڤر ايڤر دو ذات
الرامات وولا الهوا زي محضرتك فاكر
يمكن الحسنه الوحيده هي تحسين البطاريه من 2500 ل 3200 وفي كلا الجهازين
البطاريه كويسه جدا
اعتقد فكرك ده ناتج عن استخدام نوت 1 جينجر بريد وده كان لعنه علي الجهاز ده لانه
مش بيستخدم غير نواه واحده حاليا اصدارات الجيلي كامله وكتير
نزله حتي الان من الجيلي 4 اصدارات leaked وعدد مهول من الرومات لكل اصدار,
علشان اوصلك الصوره لو نزل نفس النوت 2 ب12 نواه وزياده 100 جنيه ممكن تقولي ايه الفايدهللمستخدم العادي? !!!!

[تامر.محمد]

لا سما ولا ارض يا دكتور
اولا النوت 1 اعرض ودي ميزه في القرايه
شاشه 1 اوضح بس 2 بتحافظ علي وضوحها فتره اطول, ,,مش فارقه كتير هو مش تلاجه هتقعذ معاك 20 سنه
من ساعه ما مسكته عمره مهنج ولا مره ..نيڤر ايڤر دو ذات
الرامات وولا الهوا زي محضرتك فاكر
يمكن الحسنه الوحيده هي تحسين البطاريه من 2500 ل 3200 وفي كلا الجهازين
البطاريه كويسه جدا
اعتقد فكرك ده ناتج عن استخدام نوت 1 جينجر بريد وده كان لعنه علي الجهاز ده لانه
مش بيستخدم غير نواه واحده حاليا اصدارات الجيلي كامله وكتير
نزله حتي الان من الجيلي 4 اصدارات leaked وعدد مهول من الرومات لكل اصدار,
علشان اوصلك الصوره لو نزل نفس النوت 2 ب12 نواه وزياده 100 جنيه ممكن تقولي ايه الفايدهللمستخدم العادي? !!!!

عايز تقول ان الجينجر بريد ما بيستخدمش غير نواة واحدة بس ؟؟؟؟؟؟؟؟؟؟؟؟؟؟؟

[ayman_omer2007]

عايز تقول ان الجينجر بريد ما بيستخدمش غير نواة واحدة بس ؟؟؟؟؟؟؟؟؟؟؟؟؟؟؟

فعلا الجينجر بريد مبيدعمش تعدد الانوية
لكن الايس كريم اعتقد بس مش متاكد انه بيدعم
لكن الاكيد الجيلي بين

[TARAXAN]

عايز تقول ان الجينجر بريد ما بيستخدمش غير نواة واحدة بس ؟؟؟؟؟؟؟؟؟؟؟؟؟؟؟

yeah

[ashouhdy]

مين قال ان الشاشة واحدة ! النوت2 تقنية جديدة rgb النوت1 pentile matrix

الفرق فى الالوان وقوة السطوع والدقة كبيير جا

http://www.androidauthority.com/samsung-galaxy-note-2-display-comparison-112812/

وطبعا النوت1 بيهنج بسبب قلة الرامات وبيقفل ال touchwiz عايز تعرف افتح لعبة تقيلة شوية ودوس زرار الهوم واتفرج علي احلى بطء وتنقل فى الجهاز

[ashouhdy]

الجينجربريد كسوفت وير بيستخدم نواة واحدة لكن النوت بيستخدم الtouch wiz فوق الجينجربريد ودة بيشغل النواة التانية

[ayman_omer2007]

Galaxy Note 2 vs Galaxy S3: Display comparison

لو قريت المقال اللي فوق ده بين الاس ٣ لانها pentile زي النوت١ ونوت ٢ rgb هتلاقي ان الفرق اللي بتتكلم عليه ده مبيبانش الا بعدسة مكبرة
وهتلاقي ان pentile matrix ليها مزايا عن Rgb اولا انها كعمر افتراضي اطول واقوي في السطوع وارخص في تكلفة التصنيع وده كلام سامسونج
وعشان كده بيقولوا مادام سامسونج بدات تستخدم ال rgb يبقي جايز لقوا حل عشان يطولوا العمر الافتراضي للشاشة rgb

نخلص من كده ان الفرق بين الشاشتين علي الورق بس
لكن الواقعي ان شاشة النوت ١ اعرض من النوت ٢

بالنسبة لموضوع تعدد الانوية انا اللي اعرفه ان النظام نفسه لازم يبقي مبني علي تعدد الانوية
لكن التاتش ويز دى مجرد الواجهة بتاعت سامسونج ايه علاقته بتعدد الانوية
ولو سلمنا بكلام حضرتك يبقي كده اجهزة النيكسس الكواد كور رباعية النواة او الديوال كور اللي بينزل عليها اندرويد خام مبتدعمش تعدد الانوية لانها بتنزل من غير تاتشر ويز وده طبعا غير صحيح لان تعدد الانوية بيبقي من النظام وليس الواجهة

اما عن التهنيج انا الجهاز معايا من وقت سامسونج ما قالت نوت ومبيهنجش احيانا بيبقي في تقل في التنقل بين الصفحات لكن ميوصلش انه يعمل فورس كلوز للتاتش ويز دي رامات وان جيجا امال اللي معاهم رامات ٥١٢ زى السوني والسامسونج ايس والاتش تي سي يعملوا ايه

في النهاية المقارنة اللي عملتها بين النوت ١ و٢ مش لمجرد التعصب لجهاز بعينه وانما كانت بهدف اقناع الراجل اللي معاه نوت جديد في علبته ان ميخسرش في بيع جهاز جديد عشان فروق متستهلش بين الجهازين وفي الاخر العضو الفاضل ليه ياخد بالراي اللي يرتاحله
وتقبلوا تحياتي

[TARAXAN]

يا دكتور شهدي مين اللي وصلك فكره ان التاتش ويز بيستخدم نواتين
يا دكتور اذا كانت الكيرنل للنظام مش بتدعم تعدد الانويه فمستحيل اي تطبيق شغال علي
النظام يستفيد بيها ,,, يبقي ساعتها انت بتستخدم النوت بنص امكانياته وعلشان كده ممكن
يهنج
علي العموم احسن حاجه ممكن تعملها بعد متجيب اي جهاز اندويد تشيل اللانشر بتاعه وتحط
ex go launcher
بعد الروت طبعا

[TARAXAN]

استاذ ايمن بالنسبه لفرق الشاشتين للاسف مش هيبان بعدسه
لازم ميكروسكوب وانا بتكلم بجد بالمعني الحرفي لميكروسكوب

[ayman_omer2007]

استاذ ايمن بالنسبه لفرق الشاشتين للاسف مش هيبان بعدسه
لازم ميكروسكوب وانا بتكلم بجد بالمعني الحرفي لميكروسكوب

متفق مع حضرتك وشكرا جزيلا للتوضيح

[ashouhdy]

انا مجبتش الكلام من عندى :)

المهم ان النوت2 يفرق كتيييييييييييييييييييييييير جدا عن النوت1 ودة بجد

اسرع
الرامات اعلى وعمرة مايبطء لحظة ما اكبر عدد من البرامج مفتوحة


بعدين الأهم !!



القلم



القلم بتاع النوت1 استخدامة محدود

النوت2 كلة مبنى على استخدام القلم كتابة ورسم وكلة

[ashouhdy]

وعرض الشاشة مش ميزة فى النوت1 لأن فى عرض الافلام عليها مش بتستفيد من الريسوليوشن الكامل لأنها مش 16:9

بس حرجع واقول الفروقات مش حيحسها غير مستخدم pro المستخدم العادى مش حيحس بفرق عن الاس2 لل نوت2 !!

[ayman_omer2007]

حضرتك وضحت فكرتك وانا والاعضاء وضحنا فكرتنا والناس اللي عايز تشترى تاخد باللي شايفاه اصح
ولولا اختلاف الاراء لبارت السلع

[ayman_omer2007]

قال صلى الله عليه وسلم:( أنا زعيم بيت في ربض الجنة لمن ترك المراء وإن كان محقا، وبيت في وسط الجنة لمن ترك الكذب وإن كان مازحا، وبيت في أعلى الجنة لمن حسن خلقه) صحيح الجامع