تثبيت سعد الصغير على الدائرى

[Lada2013]

"تثبيت" سعد الصغير على "الدائرى" وسرقة سيارته و130 ألف جنيه



تعرض المطرب الشعبى سعد الصغير، منذ قليل، لحادث سرقة سيارته و مبلغ 130 ألف جنيه بالإكراه على يد مجموعة من البلطجية، أثناء عودته على الطريق الدائرى بعد إحيائه لحفل خطبة أحد أعضاء فرقته بمنطقة شبرا.

و كان "سعد" قد انتهى من إحيائه للحفل، وأثناء عودته على الطريق الدائرى، فوجئ بملاحقة مجموعة مسلحة من البلطجية، قاموا بإصابته بسلاح أبيض فى منطقة البطن، والاستيلاء على سيارته و مبلغ 130 ألف جنيه.

وعلى الفور توجه لإحدى المستشفيات القريبة لعمل الإسعافات الأولية، وتم عمل محضر بقسم الشرطة بالحادث وجميع المفقودات.




http://www1.youm7.com/News.asp?NewsID=912540&SecID=203

[Elawany13]

الحراميه ثبتوا هامر ؟

[Lada2013]

لو هامر مفروض كان هرسهم

[S O P H O S]

لا حول ولا قوة الا بالله ..

[Khaled Online]

هو الناس بتمشي ب130 ألف عادي كده؟

[Lada2013]

هو الناس بتمشي ب130 ألف عادي كده؟

ممكن يكون اجره في الفرح اللي كان بيغني فيه

130 الف في ليله

يابلاش

[Khaled Online]

ممكن يكون اجره في الفرح اللي كان بيغني فيه

130 الف في ليله

يابلاش

ماعتقدش. الخبر بيقول كان بيغني لواحد في فرقته وسعد المفروض ابن بلد فانسى إنه ياخد منه فلوس. وبعدين هو سعد بياخد 130 في الليلة؟ صعبة

[youssef_u]

يلا الحرام مبيدومش :d

[Lada2013]

ماعتقدش. الخبر بيقول كان بيغني لواحد في فرقته وسعد المفروض ابن بلد فانسى إنه ياخد منه فلوس. وبعدين هو سعد بياخد 130 في الليلة؟ صعبة

ممكن يكون اكتر من فرح في الليله
والله اعلم

[kimokaim]

هو الراقصة ده ابن بلد !!!!

ياعجبي

[Khaled Online]

هو الراقصة ده ابن بلد !!!!
ياعجبي

كونه بيعمل حاجة حلال أو حرام شيئ بينه وبين ربه
لا انت ولا أنا لينا دخل
وانت مش المتحدث الرسمي لجمعية ابن البلد عشان تحتكر الاسم لنفسك أو للي ييجو على هواك
على الأقل هو مش قاعد ورا كيبورد وبيقول على غيره رقاصة
المسلم من سلم المسلمون من لسانه ويده

[AhMeD EzZ]

هو الراقصة ده ابن بلد !!!!

ياعجبي

علي قد منا بكرهة بس نقول الي لينا و الي علينا

واحد جاري في الشارع شغال معاه في الفرقة

يوم فرحة هو الي عملة الفرح و كان بسم الله ما شاء الله كبير جدا جداً و جالة غنالة و جاب كذا مغني تاني مكنتش اعرفهم بس طلع انهم مشهورين برضة :d

[Mostafa.Mahran]

الناس سابت المصيبة الى البلد فيها و العربيات الى بتثبت و بتتسرق و غياب الامن و مسكت فى انه ابن بلد ولا لأ

[eng.m7md.ali]

ياجماعة المال الحرام عمره مابيضيع

بكرة الشرطة تكلمه يجي يستلم العربية والمبلغ .. ماهو يعتبر شخصية عامة وقدوة للناس :)

[Khaled Online]

الناس سابت المصيبة الى البلد فيها و العربيات الى بتثبت و بتتسرق و غياب الامن و مسكت فى انه ابن بلد ولا لأ

همممم وحضرتك عملت إيه تحديدا عشان المصيبة والعربيات والناس والأمن؟
معملتش حاجة؟ يبقى متدخلشي شمال في ناس متعرفهمش ومأذوكش
هو إيه اللي حصل في الناس؟ كل واحد عايز يتحكم في توصيف غيره وفي المواضيع اللي بيتكلموا عنها كمان. ما كل واحد يخليه في نفسه