هى دى الرجالة:ارتفاع تحويلات المصريين بالخارج إلى 19 مليار و55 مليون دولار خلال 2012

[Imhotep]

بدون كلام و لا طبل و زمر و اغانى وطنية ...... هى دى الناس اللى بتساعد بلدها و اهاليها وقت الشدة..... ربنا يجازى كل اللى بيعمل كده كل خير:

قال الدكتور أيمن علي مستشار رئيس الجمهورية لشئون المصريين في الخارج، إنه هناك إقبال متزايد من المصريين في الخارج على تحويل مدخراتهم إلى مصر.
وأضاف الدكتورأيمن علي في بيان له اليوم السبت، ''أنه يوماً بعد يوم يثبت المصريون في الخارج بصورة عملية حبهم لمصر، ومتانة الأواصر التي تربطهم بها حب يسمو فوق المصالح الشخصية و الانتماءات الحزبية والارتباطات الرئاسية أو الوزارية، واليوم تحديداً يخط المصريون في الخارج بتحويلاتهم للعملة الصعبة إلى البنوك المصرية صفحة جديدة في كتاب عشق مصر''.
وعرض مستشار رئيس الجمهورية أحدث الإحصاءات التي طلبتها مؤسسة الرئاسة من البنك المركزي المصري بشكل عاجل، والتي أفاد بها أمس الجمعة فاروق العقدة محافظ البنك، حيث تشير هذه الاحصاءات إلى ارتفاع إجمالي تحويلات المصريين في الخارج خلال عام 2012 إلى 19 مليار و55 مليون دولار، بزيادة حوالي 4 مليارات و731 مليون دولار عن إجمالي تحويلاتهم خلال عام 2011، حيث بلغت جملة تحويلات 2011 نحو 14 مليار و 324 مليون دولار.
وأضاف أيمن على أنه وفقاً لإحصاءات البنك المركزي، فقد ارتفع إجمالي تحويلات الـ6 الأشهر الأخيرة والتي بلغت نحو 9 مليارات و100 مليون دولار، بزيادة ما يقارب مليار و100 مليون دولار عن نفس الفترة من عام 2011، حيث بلغت في الفترة من يوليو وحتى ديسمبر 2011 8 مليار و11 مليون دولار.
ويتبع ''أن إجمالي تحويلات المصريين في الخارج خلال شهر ديسمبر بلغ مليار و400 مليون دولار تقريباً، ويدل الرقم الأخير إضافة للتحويلات الطبيعية يمثل تتويجاً عملياً للحملات والمبادرات المحترمة التي قام بها عدد من اتحادات وجمعيات المصريين في الخارج خلال الشهر الماضي لتشجيع تحويلات المصريين للبنوك داخل مصر''.
ارتفاع تحويلات المصريين في الخارج إلى 19 مليار و55 مليون دولار خلال 2012

[S O P H O S]

ربنا يصلح الحال ..

[Land_Cruiser]

على فكره فى تحليل بيقول أنهم بيعملوا كده علشان سعر الدولار عندهم ثابت و لكن هنا سعره بيزيد فهما بيحولوا الفلوس بالدولار علشان يستفيدوا بفارق سعر الصرف. طبعا لا يجب التعميم بالنسبه لكل الناس و لكن هناك سؤال يا ترى الفلوس دى بتروح فين و عملت ايه فى ازمه الدولار و انهيار الجنيه و لا بتستخدم فى السوق السوداء؟ ما ينفعش أيا كان مبلغ التحويلات ان يتم الاعتماد عليها لتحسين وضع البلد. لابد ان تدور عجله الإنتاج و الناس ترجع تشتغل و تنتج و كل البلاد اللى خلقها ربنا بتعمل كده ، مش بتعيش على المعونات و الإحسان من ابناؤها فى الخارج او من اللى فيه القسمه من الدول اللى حواليها

[Imhotep]

على فكره فى تحليل بيقول أنهم بيعملوا كده علشان سعر الدولار عندهم ثابت و لكن هنا سعره بيزيد فهما بيحولوا الفلوس بالدولار علشان يستفيدوا بفارق سعر الصرف. طبعا لا يجب التعميم بالنسبه لكل الناس و لكن هناك سؤال يا ترى الفلوس دى بتروح فين و عملت ايه فى ازمه الدولار و انهيار الجنيه و لا بتستخدم فى السوق السوداء؟ ما ينفعش أيا كان مبلغ التحويلات ان يتم الاعتماد عليها لتحسين وضع البلد. لابد ان تدور عجله الإنتاج و الناس ترجع تشتغل و تنتج و كل البلاد اللى خلقها ربنا بتعمل كده ، مش بتعيش على المعونات و الإحسان من ابناؤها فى الخارج او من اللى فيه القسمه من الدول اللى حواليها

حتى لو هم بيعملوا كده عشان فيها فايدة شخصية ليهم فده شئ كويس برضه للبلد..... ليه؟ لانهم بيضخوا المبلغ الضخم ده فى شرايين النظام المصرفى فى البلد و بالتالى بيبقى تحت تصرف البنوك لتستثمره فيما ينفع البلد عموما..... المهم انهم لا يضعوه تحت البلاطة كما ينادى البعض..... او يحتفظوا به ليستفيد منه اقتصاد البلد الاجنبية المقيمين بها...... و على فكرة المبلغ ده عموما كان بيتراوح قبل الثورة بين 9 و 11 مليار بس..... بس من بعد الثورة و هو بيزيد حتى من قبل ما الدولار يعلى..... و لو تلاحظ صيغة كتابة الخبر ايجابية مما يدل على ان ده شئ ايجابى لاقتصاد البلد و هو بالتأكيد كذلك..... ربنا يجازى كل واحد بيعمل حاجة ايجابية خير

[Land_Cruiser]

حتى لو هم بيعملوا كده عشان فيها فايدة شخصية ليهم فده شئ كويس برضه للبلد..... ليه؟ لانهم بيضخوا المبلغ الضخم ده فى شرايين النظام المصرفى فى البلد و بالتالى بيبقى تحت تصرف البنوك لتستثمره فيما ينفع البلد عموما..... المهم انهم لا يضعوه تحت البلاطة كما ينادى البعض..... او يحتفظوا به ليستفيد منه اقتصاد البلد الاجنبية المقيمين بها...... و على فكرة المبلغ ده عموما كان بيتراوح قبل الثورة بين 9 و 11 مليار بس..... بس من بعد الثورة و هو بيزيد حتى من قبل ما الدولار يعلى..... و لو تلاحظ صيغة كتابة الخبر ايجابية مما يدل على ان ده شئ ايجابى لاقتصاد البلد و هو بالتأكيد كذلك..... ربنا يجازى كل واحد بيعمل حاجة ايجابية خير

أكيد طبعا محدش يكره الخير للبلد بس المهم انها جزء كبير منها يستخدم لدعم الانتاج و ليس فى السلع الاستهلاكية و إلا شويه و هيخلصوا زى غيرهم

[Imhotep]

أكيد طبعا محدش يكره الخير للبلد بس المهم انها جزء كبير منها يستخدم لدعم الانتاج و ليس فى السلع الاستهلاكية و إلا شويه و هيخلصوا زى غيرهم

و هو مين الاى سايب حنفية الاستيراد السفيه على اخرها رغم الازمة اللى البلد فيها.،؟ الناس اللى بره عاملةاللى عليها و بتحول فلوس للبلد. . . باقى نشوف ادارة جيدة للموارد دى و تترشيد انفاق حكومى مش فرض ضرايب و خلاص و غيرها من حلول الحكوات البليدة

[أحمد كمال]

على فكره فى تحليل بيقول أنهم بيعملوا كده علشان سعر الدولار عندهم ثابت و لكن هنا سعره بيزيد فهما بيحولوا الفلوس بالدولار علشان يستفيدوا بفارق سعر الصرف. طبعا لا يجب التعميم بالنسبه لكل الناس و لكن هناك سؤال يا ترى الفلوس دى بتروح فين و عملت ايه فى ازمه الدولار و انهيار الجنيه و لا بتستخدم فى السوق السوداء؟ ما ينفعش أيا كان مبلغ التحويلات ان يتم الاعتماد عليها لتحسين وضع البلد. لابد ان تدور عجله الإنتاج و الناس ترجع تشتغل و تنتج و كل البلاد اللى خلقها ربنا بتعمل كده ، مش بتعيش على المعونات و الإحسان من ابناؤها فى الخارج او من اللى فيه القسمه من الدول اللى حواليها

على اعتبار ان الدولار لوحده غلي بس اليورو و الاسترليني و الريال و الدرهم ما غليوش فالمصريين اذكياء و بيفكوا الدولار في مصر لانه غلي بس ما غليش في البلد اللي هما فيها



ماهو مثلا لو واخد في السعودية الدولار هيفضل طول عمره ب 3.75 ......... بس اما الدولار في مصر يغلى الريال برضه في مصر هيغلى ...... ما ينفعش الدولار يغلى في مصر و الريال السعودي ما يغلاش لان البنوك مش مساطيل ساعتها الناس تشتري ريال و تحوله دولار !

[h_shahin]

الزيادة دى مش كويسة لكن الناس مش حاسة بيها لإن الفرق ما بين صادرات مصر و وارداتها كبير جدا لصالح الواردات فدايما مطلوب من مصر تحول للخارج دولارات أكتر من الدولارات اللى جاية لها علشان كده الأزمة موجودة و سعر الجنيه بينخفض

الحل
زيادة الموارد بالدولار و تقليل المدفوعات

زيادة الموارد
زيادة التصدير بزيادة كمية الصادرات و زيادة القيمة المضافة بعمليات صناعية(يعنى بدل ما نصدر قطن خام مثلا نصدره غزل (عملية واحدة) أو نسيج (أكثر من عملية))
زيادة الإستثمار الخارجى (بإستقرار الأوضاع الأمنية و السياسية و التحفيز الإدارى و التشريعى)
زيادة دخل السياحة (باستقرار الأوضاع الأمنية و السياسية)
زيادة تحويلات العاملين بالخارج (و ده حصل فعلا)

تقليل النفقات
ترشيد الإستيراد
زيادة الإعتماد على الموارد الذاتية

[mahmoudysf]

والله هما دول الرجالة الصح بدون كلام وسفسطة بيعملو اللي عليهم
وجذمة الواحد فيهم برقيبة الف سياسي من اللي عايزين يولعو البلد وعاملين زي الخايلة الكدابة

[wael3m]

أنا ماكنتش ببعت فلوس قبل كده بس السنة اللي فاتت بعت مبلغ فوق el-20 ألف دولار مش حبا
في النظام قد ماهو تدعيم للبلد ويارب بقى يفهمو إن المغترب ده نفسه ينزل عربيه معاه

[ghost11]

انا شايف ان الموضوع مش حاجه حلوة لسببين
اولهم ان عدد المصريين بالخارج تزايد بعد الثورة يعنى الناس طفشت من البلد وبالتالى بتشتغل وتحول فلوس
ثانيهم ان الجنيه بتاعنا قيمته واقعه فبدل مكنت باحول مثلا الف ريال ب1070 دلوقتى الالف ب1088
وقس على ذلك مبالغ بالمليارات
هى التحويلات دى نتيجه تعب وغربه المصريين بره علشان لما يرجعوا بلدهم يعيشوا عيشة كريمه على الله بس الحكومه تشد حيلها شويه وبلاش اعتماد على تحويلات العاملين بالخارج وقناه السويس والضرائب ويبقى فيه انتاج وشغل واستثمارات ساعتها نقول حكومه رجاله

[M.Mosaad]

تحيه كبيرة لكل انسان مصري عارف الفرق بين دعم الدوله و المجتمع و دعم النظام - كل قرش الدولار بيزيدة بيطحن ناس غلابه كتير اوي

و ياريت الدوله برضه تقوم بدورها في تستفاد من التحويلات دي بصورة جيدة و ياريت فعلا نقفل الباب قدام استيراد اي كماليات و يتم دراسة تعويض اصحاب المحلات و المصانع اللي هتضرر من قرار زي دة او مساعدتها في تصنيع السلعه دي محليا