الافلام بقت تتعرض un cut ...!!!

[abogogo]

امبارح بليل كنت بتفرج على فيلم اجنبي على قناة ماجيستيك سينما اللى بتعرض فيلم اجنبي واخر عربي الفيلم كان اجنبي في فترة الحكم النازي وبيحكي عن بطولات المعارضة واليهود انا ماكنش شاددني في الفيلم إلا التصوير والديكورات فعلاً تحس انك في الفترة دي على الراغم ان الفيلم حديث ...!!! المهم اثناء المشاهدة لقيت كام مشهد يندرجوا تحت بند البرنو ..!!!
ازي الكلام ده يتعرض بدون حذف المشاهد دي ... غالبيتنا شاف افلام اجنبية وشاف النسختين من الفيلم سواء بتاعة العرض المنزلي او لما كان الفيلم جديد ومسروق من دور العرض الاجنبية un cut يعني المفروض النسخ اللى بتتعرض عرض منزلي تكون منقحه من المشاهد دي ...!!! فهل هما بيمهدوا انهم يعرضوا الافلام كدة تلبية لدعوة ايناس الدغيدي وخالد يوسف بعدم قطع المشاهد دي لأنها بتكون في سياق الرواية ومن اجل الحبكة السينمائية ...!!! طبعاً كلام فارغ وفكر عفن ....!!!
ما افلام زمان لما بيكون فيها مشهد من تلك النوعية ومن ضمن الحبكة السينمائية كانوا بيصوروا الشباك او النور يطفي او برق ومطره او تلميحات كلامية ...الخ واحنا بنفهم ايه اللي حصل ...!!! مش لازم يورونا المواضيع بحزفرها .... طبعاً قمت بمسح القناة دي من الريسيفر وكنت عاوز اقدم شكوى في القناة دي بس للأسف مالحقتش اسجل الفيلم ده بلوجو القناة من كارت الدش اللى في الكمبيوتر لان الهوا كان موقع الطبق بتاعه .... وسمعت ان بردو قناة كانت ذاعت فيلم un cut ولما الناس اشتكت قدموا اعتذار وقالوا انه مش قصدنا ...!!!

[د.أبونضال]

دول أكيد بيسرقوا الأفلام من على النت ويعرضوها من غير ما يشوفوها

[Ahmed_Adham]

دول أكيد بيسرقوا الأفلام من على النت ويعرضوها من غير ما يشوفوها

بالظبط كده وحتى أول مال الفيلم يبدأ تلاقي اسم اللي عامل الترجمه يطلع. كل القنوات دي انا مدلتها من عندي وكمان كل القنوات اللي بتجيب اعلانات المنشطات الجنسيه زي مجموعه تايم ومجموعه كايرو ومجموعه بانوراما كل ده هلس وقله ادب.

[حماده المصري]

بالظبط كده وحتى أول مال الفيلم يبدأ تلاقي اسم اللي عامل الترجمه يطلع. كل القنوات دي انا مدلتها من عندي وكمان كل القنوات اللي بتجيب اعلانات المنشطات الجنسيه زي مجموعه تايم ومجموعه كايرو ومجموعه بانوراما كل ده هلس وقله ادب.

هههههههههههههههههههههههههههههههههههه حتى في السرقه مفضوحين

[ياسر مصطفي]

الله المستعان

[S O P H O S]

فعلا الله المستعان ..

[SAMEH_FOUAD]

والله العظيم حاجة قلة ادب , والواحد بقى مش عارف يتفرج على اجنبى ولا على عربى كلة بقى فى النازل والممثلين مقضينها على الاخر وكأن اللى بيعملوة دة عادى وبقت الحاجات دية هية اللى بتكسب عشان اعمالهم تلاقى اقبال عالى , ربنا يتولانا برحمته

خلاص احنا مابقاش فية فرق بينا وبين الغرب فى الحياء

[Elawany13]

الواحد بقى بيتكسف يتفرج على عربى أو أجنبى

خليك فى الوثائقى أضمن هههههههههههههه

[zrzr1]

الواحد بقى بيتكسف يتفرج على عربى أو أجنبى

خليك فى الوثائقى أضمن هههههههههههههه

حضرتك بتقول فيها,, والله اللي عايز يحافظ علي بيته الوقتي بتلاقيه فاتح ناشيونال جيوجرافيك او كرتون بسسسسس
قنوات دينيه فيها قله أدب, قنوات افلام مسخره

[Elawany13]

حضرتك بتقول فيها,, والله اللي عايز يحافظ علي بيته الوقتي بتلاقيه فاتح ناشيونال جيوجرافيك او كرتون بسسسسس
قنوات دينيه فيها قله أدب, قنوات افلام مسخره

الهارد عندى مليان افلام وثائقية
وكارت الميمورى بتاع الموبايل كمان
بصراحة ممتعه جدا ومفيدة جدا

[aldesha989]

هى اكيد القنوات دى سارقه الافلام فعلآ لانها ما تقدرش تشترى افلام جديده لان القنوات دى فاشله وتلاقى الافلام الجديده عندها بتنزل بسرعه جدآ اسرع من قنوات بقالها سنين شغاله ومحترمه زى mbc
ده لان القنوات المحترمه بتعمل ميزانيه ومش بتشترى الا لما الفيلم يكون متاح للبيع ووهكذا

القنوات التانيه انا كان فى فيلم اندر ورلد 3 شوفته فى السينما وبعدها بأسبوع لقيته بيتعرض فى القناه استغربت جدآ لانه لسه فى السينما بس ما جاش فى بالى وقتها انهم بيسرقو الافلام بصراحه

وقمة الهزل والوساخه فى الاعلانات وحاجه الله يرحمنا برحمته ويرفع مقته وغضبه عنا

[abogogo]

الواحد بقى بيتكسف يتفرج على عربى أو أجنبى

خليك فى الوثائقى أضمن هههههههههههههه

انا ايضا مابتفرجش الا على ناشيونال جغرافيك ابو ظبي والجزيرة الوثائقية ... والكرتون عشان العيال انا اصلاً مقاطع القنوات دي ومابتفرجش عليها انا كنت بحول لقيت الفيلم ده عن النازية وعجبني التصوير خصوصاً اني كنت متابع السلسلة اللى كانت معروضة على ناشيونال جغرافيك ابو ظبي اللى كانت بتحكي عن هذه الحقبة ... وصدمت بالمشاهد دي في الفيلم

[M.Elwan]

القناة دى صعب انها تبقى سارقه افلام لان الكواليتى بتاعة الافلام المسروقة معروفة
وغير كده استحالة شركات كبيرة زى audi او Dolce& gabana وشركات كتير بالحجم ده حتعلن عندهم حتى لو ببلاش لو كانت دى قناة زى كايرو او تايم او السبكى وطبعا احنا عارفين ايه الاعلانات اللى على القنوات دى مستواها ايه
وبعدين عاملين نظام للاعلانات ومثبتين عدد الفواصل الاعلانية ومدد الاعلانات داخل الفيلم
ومثبتين مواعيد الافلام
اما بالنسبة لافلام الuncut فهما اعلنو عن ان افلامهم بتذاع كاملة بدون حذف وواضح انهم مش على النايل سات اصلا وعلى قمر تانى مشترك مع النايل سات فى نفس التردد

[Mohab.Nabil]

هى majestic cinema ديه جامدة اوى كده .. انا بصراحة كنت متوقع انها من نوعية بانوراما دراما و تايم موفيز و توب موفيز و كده

بس بصراحة انا بستغرب فعلا ازاى بيجيبوا الافلام بالسرعة ديه حاجة مستحيلة اصلا ان الشركة تسمحلهم بالموضوع ده ليه ؟ لأن كل فيلم بعد ما يتشال من دور العرض هناك بينزل بعد فترة dvd/bluray و دا طبعا بيكسب الشركة المنتجة كتير جدا تقريبا مكاسب تقارب مكاسب السينما .. و بعد ما يبيعوا الديفيدى بيبيعوه للقنوات بقى .. حتى شوتايم اللى مفروض اكبر و اشد واحدة فى المجال ده بتجيب الفيلم بعد فترة من بعد ما يتشال من السينما مش اول ما يتشال بيعرضوه

[Sehsss]

هههههههه الكلام ده بقاله كتير يا باشا (انت لسه فاكر) المشكلة إن القنوات دي بتبث من الخارج