حمله ضد زياده اسعار كروت الشحن

[solimanzaki]

حاجه زباله كل شئ بيزيد سعره فى البلد ده يارب الشبكه الرابعه تفتح و تعلم باقى الشركات الادب احنا لازم نعمل يوم محدش يتكلم فية ولا دقيقه علشان يتربوا كلنا لازم نساعد بعض انا بقترح 24 يناير

[S O P H O S]

اذا كان الموضوع ده اقتال بعد الثورة
علشان قطعوا الخدمة عننا والنت كمان
والنتيجة ...!

[solimanzaki]

انت عارف هما بيكسبو فى اليوم كام مليارات يا باشا

[S O P H O S]

مش دي المشكلة يا باشا
المشكلة فينا احنا لاننا بنسكت علي شئ وعلي اي سعر
الكروت تغلي والنت ويلغو الخدمة عننا ونرجع تاني ونسمع الكلام ولا كأن في مشكلة
العربيات تغلي اكتر ما هو غلية وتعتبر 3 اضعاف سعرها المنطقي عليها وحتي من بلد المنشأ
ونشتري اكتر من الاول !!
يعني ده ثقافة شراء فيها مشكلة كبيرة عند الناس
الحل بقي هتقدر تغير ده ..؟
تحياتي ..

[solimanzaki]

اذا ابتدينا من النهارده اكيد هنغير دة دعوه 24 يناير ضد غلو الاسعار يلا بينا

[buksh]

عايزين جروب على الفيس وتويتر وبأقصى سرعة للحملة دى

[matrix_it]

انا بالمنظر دة اعتقد هتحصل موجة غلالالالاء جامدة بعد موضوع الكوبونات و ربنا يستر

[amrelsha3er]

استنى بس لما نشوف 25 يناير ايه اللى هيجرا فى البلد
واحد تقيل فى الضرائب كنت معاه امبارح بيقولى فى 150سلعه كمان هتزيد الاسبوع الجاى
وان فى ناس كتيره نازله يوم25 وفى ناس تقيله جايبه ناس تنزل يوم25 عشان يرهبو الاخوان
ربنا يسترها على البلد دى بجد الاسعار بقت شىء مخزى الدخل هو هو والاسعار بتزيد ده اسمه اداره فاشله

[mahmoudysf]

ايه الاثقال دي كلها كله تقيل تقيل كدة

[solimanzaki]

انا شايف ان كل واحد يبداء و يمنتنع عن المكالمات يوم الخميس 24 ده حل يحسس الشركات اننا نقدر نعمل اي حاجة

[Esam Mosaad]

شبكه رابعه ايه بس

دحنا قعدنا نحلم باتصالات قبلها بكاااااااااااام سنه
وقولنا نفس الكلام ده وفى الاخر سياسيه شركات مع بعض !!!!
وبعدين احنا ليه نستنى غيرنا لو كل واحد فى ايده حاجه يقدر يعملها انك تبلغ حمايه المستهلك وغيره عن الزياده الامور هتبقى احسن من كدا

[solimanzaki]

كفايه القرش الى بقوا يخدوه بعد كل مكالمه لمعرفه الرصيد بيكسبوا من وراه 3 مليون كل يوم انا لغيتها طبعا عن طريق #9000* (24يناير مقاطعه المحمول)

[AHMED12345678]

القومي لتنظيم الاتصالات: لا زيادة في أسعار كروت المحمول.. وما حدث متعلق بعرض قدمته إحدى الشركات
أكد الجهاز القومي للاتصالات أن ما يتردد حول زيادة أسعار كروت الشحن ليس صحيحا، وأن ما حدث يتعلق بعرض قدمته شركة فودافون لخدمات المحمول دون شركتي موبينيل واتصالات.

وجاء في بيان أصدره الجهاز في وقت متأخر من مساء أمس الأحد أن شركة فودافون قامت دون الشركتين الأخريين بتقديم عرض لمشتركيها يتضمن إعطائهم دقائق مجانية تساوي 100% من قيمة الكارت، وذلك في مقابل زيادة قدرها 15% في ثمن الكروت بحيث يكون ثمن الكارت ذو القيمة عشرة جنيهات هي 11.5 جنيه وذلك لتغطية الزيادة في الدقائق الممنوحة، وظلت أسعار الشركتين الأخريين دون زيادة.

وأكد الجهاز في بيانه أنه لم يتم فرض أي ضرائب جديدة على كروت شحن المحمول، وأهاب بالمواطنين عدم دفع أي مبالغ تزيد على السعر المعلن من الشركات وأن يبلغوا عن التجار الجشعين والمخالفين الذين استغلوا هذا العرض من فودافون في محاولة لزيادة مكاسبهم أو الذين يبيعون كروت المحمول بأسعار أعلى عن السعر المعلن من الشركات، مع العلم بأن كروت الشحن متوافرة بكل فروع ومنافذ الشركات وبالأسعار المعلنة وبدون أية زيادة.
القومي لتنظيم الاتصالات: لا زيادة في أسعار كروت المحمول.. وما حدث متعلق بعرض قدمته إحدى الشركات - بوابة الأهرام

[solimanzaki]

اخى الفاضل انا شاحن و فودافون بعتتلى رساله بتقول ان رصيدى 9.5 بدل 10 بعد خصم الضريبه ده معناه ايه يا قومى للتنظيم والاداره (24يناير مقاطعه المحمول)

[solimanzaki]

شحنت كارت تانى قالى نفس الكلام (24يناير مقاطعه المحمول)