يا ريت تساعدوني ... معرض في الامارات

[hytham]

السلام عليكم و رحمة الله و بركاته
اتمنى لو في حد عنده فكرة عن اجراءات افتتاح معرض للموبليات في الامارات
يعني الموضوع محتاج شريك اماراتي و لا ممكن مصري يفتح بيزنس خاص لوحده هناك و ايه الاجراءات الحكومية المطلوبة هناك
ايه هي افضل الاماكن اليي ممكن افتح فيها في انهى امارة يعني
والافضل اني افتح بمستوى راقي و لا ممكن بالمستوى المتوسط و اسعار هادية شويه
و ايه هي متوسط اسعار الايجارات هناك لو مساحة كبيرة انا عارف ان الايجارات هناك عاليه جداااااااااااا بس اهو كله حسب المنطقة و في الاخر على حساب الزبون
يا ريت لو حد عنده خبرة في الموضوع ويقدر يفدني يبقى جزاه الله خيرا على مساعدته دي
في انتظار ردودكم

[محمد عز]

كل حاجة وليها زبونها

بس خلى بالك قبل ما تفتح تعالى واتفرج

لان اغلب الناس بتشترى من محلات الموبليا الكبيرة اللى بتبقى فاتحة فى المولات فى الغالل

لانها فى اوقات التخفضيات بتقدم اسعار ممتازة وفى نفس الوقت خدمات ممتازة

وبيبقى عندهم كل حاجة زى ما بيقولو من الابرة للصاروخ يعنى ستاير وعفش واكسسورات والخ

المحلات زى ايكيا وهوم ار اس وحول الامارات و2xl و هوم سنتر

وده المحلات التى بتخدم قطاع عريض فى الامارات

وفيه محلات تانية بتخدم اللى عايز عفش رخيص وفى الغالب بيبقى اصحابها ايرانيين والجودة منخفضة

وفيه محلات راقية جدا وفى الغالب العفش بيبقى جاي من ايطاليا وفرنسا زى chean one والكساندر

وبيقولو فى سوق اثاث فى الشارقة الاسعار فيه كويسة بس معنديش خلفية عنه

الافضل انك تجى وتلف لفة وبعد كده انت اللى تقرر بنفسك.

[ahmedkhairy]

بالتوفيق

[Ahmed_Rahem]

كل حاجة وليها زبونها

بس خلى بالك قبل ما تفتح تعالى واتفرج

لان اغلب الناس بتشترى من محلات الموبليا الكبيرة اللى بتبقى فاتحة فى المولات فى الغالل

لانها فى اوقات التخفضيات بتقدم اسعار ممتازة وفى نفس الوقت خدمات ممتازة

وبيبقى عندهم كل حاجة زى ما بيقولو من الابرة للصاروخ يعنى ستاير وعفش واكسسورات والخ

المحلات زى ايكيا وهوم ار اس وحول الامارات و2xl و هوم سنتر

وده المحلات التى بتخدم قطاع عريض فى الامارات

وفيه محلات تانية بتخدم اللى عايز عفش رخيص وفى الغالب بيبقى اصحابها ايرانيين والجودة منخفضة

وفيه محلات راقية جدا وفى الغالب العفش بيبقى جاي من ايطاليا وفرنسا زى chean one والكساندر

وبيقولو فى سوق اثاث فى الشارقة الاسعار فيه كويسة بس معنديش خلفية عنه

الافضل انك تجى وتلف لفة وبعد كده انت اللى تقرر بنفسك.

اتفق مع الرأى دة تماماً وتحليلة لسوق الامارات

[Ahmed Selim]

فعلاً زي ما قال أستاذ محمد............لازم تيجي زيارة و تشوف بنفسك.

بالنسبة لموضوع الشريك..........على الأغلب هتحتاج شريك إماراتي لأن البديل أنك تفتح فى منطقة حرة و ده مينفعش فى مجالك.

علشان تاخد فكرة عن أسعار الأيجارات شوف الموقع ده

Property Real Estate for Sale and Rent. Jobs in the Middle East and North Africa , Free Classifieds in with Dubizzle.com

موضوع الشريك ده ممكن تعمله لأن فيه ناس هنا شغلتها تبقى شريك على الورق بس......و طبعاً زي ما أنت عارف بتكون نسبة الشريك المواطن 51% على الأقل........و ممكن يبقى فيها مخاطرة لا قدر الله لو حب يعمل مشاكل.

الأفضل فى الموضوع ده طبعاً هو أن يكون الشريك ده معرفة أو تشوف حد متخصص فى الشراكة اللى من النوع ده و بياخد عليه ضمانات بحيث أنه ميحاولش يلعب بديله.

بالتوفيق.

[hytham]

الاخ الفاضل محمد عز و الاخوة احمد خيري و احمد رحيم
شاكر جدا لاهتمامكم بالرد و بدعواتكم ليا بالتوفيق
هو طبيعي طبعا اني ناوي انزل زيارة لدراسة السوق و معرفة مستوى المعارض هناك
ان شاء الله انا عندي تخطيط للموضوع اتمنى من الله انه يكون تخطيط جيد
انا اعرف بعض مهندسين الديكور و الانشائيين هناك فدا ممكن يساعدني كبداية شوية باذن الله
لكن انا كنت عايز خبرتكم و خصوصا الاستاذ محمد عز في ايه هي الاجراءات القانونية و الحكومية عشان اعمل كده
في انتظار ردودكم و جزاكم الله خيرا

[hytham]

الاخ احمد عبد المقصود
شاكر جدا و فخور بمشاركة حضرتك معايا في موضوعي لاني احبك في الله من متابعتي لمواضيعك في قسم الرينو و سعيك المستمر لخدمة الاخوة في المنتدى
مش عارف انا احترت لاني سمعت عكس الكلام دا بخصوص الشريك الاماراتي و سمعت اني ممكن كمستثمر افتح نشاط هناك لوحدي
اكيد هيكون فيه قيود كتير بس المهم انه فيه امكانيه لكدا
مش عارف الصح فين بصراحه

[Ahmed Selim]

الاخ احمد عبد المقصود
شاكر جدا و فخور بمشاركة حضرتك معايا في موضوعي لاني احبك في الله من متابعتي لمواضيعك في قسم الرينو و سعيك المستمر لخدمة الاخوة في المنتدى
مش عارف انا احترت لاني سمعت عكس الكلام دا بخصوص الشريك الاماراتي و سمعت اني ممكن كمستثمر افتح نشاط هناك لوحدي
اكيد هيكون فيه قيود كتير بس المهم انه فيه امكانيه لكدا
مش عارف الصح فين بصراحه

يا باشا العفو..........ده من ذوقك بس

أنا معلوماتي أن مينفعش تفتح أى نشاط من غير ما يكون معاك شريك مواطن غير فى المناطق الحرة.....بس السؤال هنا.........هل ينفع تفتح الشركة نفسها فى منطقة حرة و تأجر معرض خارج المنطقة الحرة ؟ للأسف معرفش الإجابة عن السؤال ده.

بس الميزة هنا هي أنك ممكن توصل لجميع المعلومات تقريباً اللى ممكن تحتاجها عن طريق الأنترنت.

دور على مواقع المناطق الحرة على جوجل و أدخل على كل واحدة و شوف الأنشطة المسموح بيها أيه و ممكن برضه تبعت تسألهم.

بعض المناطق الحرة اللى أنا أعرفها هي
جبل علي فى دبي
الحمرية فى الشارقة
الحمراء فى رأس الخيمة ( دي تحديداً ممكن تدور على هيئة رأس الخيمة للأستثمار و هتلاقيها بسهولة )

و فيه حاجات تانية كتير زي دبي سيليكون أواسيس و دبي أنترنت سيتي و دبي ميديا سيتي بس اعتقد هيكون فيه قيود فيهم على نوع الشركات اللى بتفتح فيهم.

بالنسبة للأجراءات القانونية بفرض أنك قررت تعمل الشركة فى دبي..........يبقى تدخل على موقع الدائرة الإقتصادية فى دبي أو وزارة التجارة و الصناعة مثلاً..........و أنا متأكد أنك هتلاقي هناك الشروط المطلوبة حسب النشاط لأني فاكر أني شوفتها مع واحد صاحبي كان عاوز يفتح شركة هنا.

لو قررت تفتح في الشارقة مثلاً يبقى هتدخل على الموقع بتاع الحاجات دي اللى تبع الشارقة.


و ضروري لما تيجي زيارة تروح سوق الموبيليا فى الشارقة لأنه أكتر حاجة هتبقى شبه اللى أنت عاوزه...........أما باقي الأماكن اللى قالها أستاذ محمد عز معظم الحاجات اللى بتبيعها بتبقى إنتاج تركي أو صيني زي الحاجات بتاعة إستقبال فى مصر.

[hytham]

الف شكر يا باشا على الاهتمام و سرعة الرد

كده المحكمة اتنورت

بالمناسبة بقى و لو انه خارج موضوعنا انا بدور على ميجان بس عايزها اعلى فئة و فبريكا بالكامل و تعمل في حدود ال70000 مفيش حاجة قدامك بالحالة دي

انا عارف انك غاوي العربية دي و انا عشقتها بصراحة

[Ahmed Selim]

الف شكر يا باشا على الاهتمام و سرعة الرد

كده المحكمة اتنورت

بالمناسبة بقى و لو انه خارج موضوعنا انا بدور على ميجان بس عايزها اعلى فئة و فبريكا بالكامل و تعمل في حدود ال70000 مفيش حاجة قدامك بالحالة دي

انا عارف انك غاوي العربية دي و انا عشقتها بصراحة

العفو يا باشا...

للأسف أنا مش في مصر و مش هقدر أفيدك فى موضوع الميجان حالياً غير بالمعلومات بس.

بس السعر اللى أنت بتتكلم فيه ده علشان تكون حاجة نضيفة و أعلى فئة أعتقد هتكون موديل 2005.

ممكن تلاقي بالسعر ده موديلات أعلى بس مش هتكون بالنضافة اللى في دماغك.

[hytham]

الف شكر يا احمد باشا و ترجع مصر بالف سلامه باذن الله

و سؤالي مازال مفتوح للي ممكن يفدني بمعلومات محددة لان الموضوع مهم جدا عندي

و جزاكم الله عني خيرا

[snoop]

متابع الموضوع واعتقد احسن مكان وايجارات رخيصة فى الشارقة بس طبعا لازم نازلة على اسواق ومعارض الموبيليا لانهم عندهم اسواق مستعمل كتير واغلب اصحابها ايرانين وهنود وباكستانين يا ريت لو حد يعرف معلومات اكتر يقولنا والبداية تكون من كام الف درهم مثلا ورخصة المعرض برضوا وشكرا للجميع