عايز اعرف سعر ال wii

[Lada2013]

السلام عليكم
حد عنده فكرة عن سعر ال wii المعدل كام
انا سمعت انه رخص عن الاول

[Khaled Online]

مش هتجيب الps3 ليييييييييييييييييييه؟ ههههههه :)

[Lada2013]

ههههههههههه
ال wii الالعاب بتاعته ارخص بكتير بصراحه
وكمان منه لعب ومنه رياضه وحركه
انا سمعت انه بحوالي 1200 جنيه في السراج مول
بس مش عارف اذا الكلام ده صحيح ولا لأ

[MTAK]

هات افضل الاكس بوكس + كينيكت

ممكن اغلى شويه انما ممتع و تتعامل مع اللعبه بجسمك المجرد بدون ما تمسك حاجه فى ايدك او تلبس حاجه على راسك

الوى على حسب ما سمعت ان كل لعبه و لها الاكسسوار بتاعها

كل ده بالاضافه الى الالعاب العاديه اللى بتتلعب بالدراعات الوايرلس

[Lada2013]

انا فكرت فيه فعلا
بس انا سمعت ان محتاج تعديل كل شويه ؟
الكلام ده صحيح؟
ولا بيتعدل مرة واحدة ؟

[Ahmed_Adham]

هوه فعلا في حدود ال 1300-1200

بصراحه لعبه التنس في ال Wii لوحدها تستاهل تمنه ومش موجوده بنفس المتعه في اي جهاز تاني وهما اللي اخترعو موضوع اللعب التفاعلي ده قبل البلاي ستيشن والاكس بوكس وعلى فكره أنا معنديش Wii بس هوه عند واحد صاحبي وبنبدل مع بعض كل فتره عشان انا عندي بلاي ستيشن 3 بدون الموف مع اني لعبت بالموف برضه بس مش بتاعي.

ميزه البلاي ستيشن انه فيه كل الامكانيات مره واحده يعني بييجي فيه انترنت وبيشغل أفلام البلو راي وال 3D يعني اكتر من مجرد جهاز العاب ومن ناحيه الالعاب هوه متميز قوي في العاب الاكشن.

ال Wii متميز قوي في الالعاب الرياضيه وبالرغم من ان الاجهزه التانيه بقى فيها امكانيه اللعب التفاعلي بس يبقى الوي له مزاق خاص بس عشان سعره رخيص مش بييجي فيه كل مميزات البلاي ستيشن وكل امكانيه عايز تضيفها بتشتريها لوحدها زي موضوع الانترنت مثلا.

[Ahmed_Adham]

نسيت اضافه بسيطه وهيه ان الريموت بتاع الوي بيشتغل ببطاريات AAA وطبعا هتحتاج تجيب ال Energizer اللي بتتشحن لكن ريموت البلاي ستيشن بيشحن من الجهاز بكابل usb وحاجه كمان هيه ان الوي عائلي اكتر يعني الراجل والست والاولاد بيحبوه لكن البلاي ستيشن رجالي اكتر.

لو جه على بالي حاجه تانيه هبقى أضيفها.

[egyboy]

طيب يا جماعة استقريتوا على ايه بقى :)

سؤال صغير هو ايه الفرق بين بلاى ستيشن تو او 3 لانى بفكر اجيب تو لانه رخيص
وهتفرق ايه مساحة الهارد اذا كان الالعاب انت اصلا بتشتريها على اسطوانات ؟

وهل العاب بلاى ستيشن 3 مينفعش تشتغل على 2 ؟

شكرا لكم

[Ahmed_Adham]

طيب يا جماعة استقريتوا على ايه بقى :)

سؤال صغير هو ايه الفرق بين بلاى ستيشن تو او 3 لانى بفكر اجيب تو لانه رخيص
وهتفرق ايه مساحة الهارد اذا كان الالعاب انت اصلا بتشتريها على اسطوانات ؟

وهل العاب بلاى ستيشن 3 مينفعش تشتغل على 2 ؟

شكرا لكم

التو حماده والثري حماده تاني خالص. الفرق بين تو وثري زي الفرق بين لعبه فيفا 99 (لو تفتكرها) وفيفا 2012 مثلا (مشوفتهاش بصراحه بس أكيد موجوده هههههه) يعني الالعاب في التو وفيهاش شغل جافيك ولا تجسيم عامله زي الاتاري بتاع زمان كده اما الثري عيشه تانيه خالص.

مساحه الهارد عشان الالعاب بنزل داتا (بتتسطب) على الهارد ده غير الافلام والاغاني لو عايز عشان البلاي ستيشن بتاع كله وبيشغل أي حاجه.

وألعاب الثري مش بتشتغل على تو ومتهيألي ألعاب التو مش بتشتغل على ثري برضه.

[aser_007]

التو حماده والثري حماده تاني خالص. الفرق بين تو وثري زي الفرق بين لعبه فيفا 99 (لو تفتكرها) وفيفا 2012 مثلا (مشوفتهاش بصراحه بس أكيد موجوده هههههه) يعني الالعاب في التو وفيهاش شغل جافيك ولا تجسيم عامله زي الاتاري بتاع زمان كده اما الثري عيشه تانيه خالص.

مساحه الهارد عشان الالعاب بنزل داتا (بتتسطب) على الهارد ده غير الافلام والاغاني لو عايز عشان البلاي ستيشن بتاع كله وبيشغل أي حاجه.

وألعاب الثري مش بتشتغل على تو ومتهيألي ألعاب التو مش بتشتغل على ثري برضه.

طب بمناسبة الفيفا ... هي فيفا 2013 أو 2012 عشان تشتغل على الاب محتاجة كارت شاشة كااااااااام ؟؟؟؟
مع العلم انه جالي لاب توب سوني SONY VAIO SVE15127CVB (Ref: L592) - Sony Vaio - Brand - Laptops

بس انا كنت مبطل أجيب لابااات من زمان عشان كتر الامكانيات وكروت الشاشة اللي كانت معقداااني من أيام فيفا 99 وحتى 2007