سعرولى الموبايل دا بسرعة يا أصدقاء

[SAMEH_FOUAD]

خلاص أعمله أنا تحديث بس لما آخده أصل هو جاى من برا فعشان كدا بقولك مش معاه ضمان يا باشا ضمانه برا يعنى

قول لى أخلص فيه ولا لأ لأنى قلبت فيه شوية وحاسس إنه عادى جدا وأن سانسون أسعارها مبالغ فيها أنت رأيك أيه

عشان بعد شوية هحسم أمرى هو عارضه ب 1800 وعشان خاطرى ممكن يدهولى ب 1700

طيب تمام

هو عموما الاندرويد هينقلك نقلة تانية من حيث ( السرعة - تشغيل اى حاجة انت عايزها - تلاقى فية كل البرامج اللى انت عايزها - سهولة التعامل - وفية اوبشن كتير جداااااااا لكل حاجة

وبالنسبة لعيوب ال s2 عموما الاتى

1- صوتة واطى

2- بيسخن مع الشاحن , الالعاب و النت

3- البطارية بتاعتة ضعيفة

لكن بالنسبة للسعر اللى انت جايبة دة فهو افضل من السوق ب 200 جنية فرق

وعموما انا انصحك بالنسخة العالمية لان فية اختلاف فى المعالج

[MohammedAladel]

والله أنا بقيت متردد أخده ولا بلاش .... هو أنا مش هتفرق معايا كتير أهو كله سامسون فى الآخر ........ وأسعار الجديد دلوقتى غالية برضه السونى عاجبنى قوى بس سعره عالى شوية بنفس الامكانيات دى
والرازر مش متوفر وشاشته أقوى من السامسون وشكل طبعا وخامة واللونشر بتاع السامسونج عامة مش عاجبنى

بس كله أندرويد فى الآخر .... أنا دخلت منه على الماركت أندرويد البرامج عليه بالدولارات يا ناس أنا عايز أبو بلاش يا جماعة هههه

الجهاز معليهوش ولا برنامج ولا لعبة حتى .......... بالنسبة للنسخة العالمية ألاقيها فين بس ... أهو دا اللى ربنا جابهولى لحد باب بيتى

بجانب العيوب دى

أضيف كمان كاميرته بالليل مش عاجبانى بصراحة أصل أنا متعود على جودة سونى

[SAMEH_FOUAD]

والله أنا بقيت متردد أخده ولا بلاش .... هو أنا مش هتفرق معايا كتير أهو كله سامسون فى الآخر ........ وأسعار الجديد دلوقتى غالية برضه السونى عاجبنى قوى بس سعره عالى شوية بنفس الامكانيات دى
والرازر مش متوفر وشاشته أقوى من السامسون وشكل طبعا وخامة واللونشر بتاع السامسونج عامة مش عاجبنى

بس كله أندرويد فى الآخر .... أنا دخلت منه على الماركت أندرويد البرامج عليه بالدولارات يا ناس أنا عايز أبو بلاش يا جماعة هههه

الجهاز معليهوش ولا برنامج ولا لعبة حتى .......... بالنسبة للنسخة العالمية ألاقيها فين بس ... أهو دا اللى ربنا جابهولى لحد باب بيتى

بجانب العيوب دى

أضيف كمان كاميرته بالليل مش عاجبانى بصراحة أصل أنا متعود على جودة سونى

فين دة ياباشا اللى بالدولارت , ادخل على ماركت ال Android هتلاقى فوق على اليمين ( free app , دوس عليها وهتلاقى كل البرامج ال Free

هو فعلا من عيوب التليفون ان تصويرة مش حلو بالليل بس دة بيتحل ببرامج بتحل الموضوع دة جذريا

خلى بالك انت مش حاسس بطعم التليفون عشان لسة ماعيشتش جواة ونزلت واشتغلت علية
على فكرة انا كنت ماسك امبارح ال sony xperia arc s ومعجبنيش حسيت كدة ان شاشتة مش قوية , بياخد وقت فى حاجات , بعكس السامسونج بيخلصها بمجرد مابتديلة الامر

[MohammedAladel]

نزلت لعبة عربيات ولعبتها عجبتنى بصراحة ..... خلاص يا سمسم باشا هشتريه سامسون سامسون أهو حاجة تؤدى الغرض وجتلى لحد البيت بس أنا كان نفسى فى سونى يلا الحمد لله

بس خد بالك إنت بتتكلم عن الإكسبريا آرك ودى خلاص قدمت قوى سونى نازلة بقوة دلوقتى وشاشاتها جبارة فعلا وكاميرتها جودتها أعلى من السامسون
غير الشياكة والتميز بقى ... أنا حاسس إنى ماسك فردة شبشب ولا مؤاخذة يعنى

[MohammedAladel]

أنا عاجبنى الفلاش بتاع الكاميرا هههههههه مينفعش أشغله كشاف لو عايز ؟؟ متهيقلى مفيش الخاصية دى ؟؟

هل صحيح أنى لو عملت تحديث للهاتف ممكن يموت ؟؟

[ramy_gamal]

هتلاقى برامج تخلى الفلاش كشاف

[SAMEH_FOUAD]

أنا عاجبنى الفلاش بتاع الكاميرا هههههههه مينفعش أشغله كشاف لو عايز ؟؟ متهيقلى مفيش الخاصية دى ؟؟

هل صحيح أنى لو عملت تحديث للهاتف ممكن يموت ؟؟

موجود عن طريق برنامج

وللاسف الخاصية دية مش موجودة غير فى ال advance

يموت فى حالة واحدة لو الكمبيوتر فصل وهو بيحمل الملفات , او انت نزلت ملفات غلط

على فكرة السامسونج تليفون تحفة , بجد وتليفون جميل جدااااااا

انا مسكت تليفونات كتير بجد السامسونج ممتاز فوق الوصف

[SAMEH_FOUAD]

نزلت لعبة عربيات ولعبتها عجبتنى بصراحة ..... خلاص يا سمسم باشا هشتريه سامسون سامسون أهو حاجة تؤدى الغرض وجتلى لحد البيت بس أنا كان نفسى فى سونى يلا الحمد لله

بس خد بالك إنت بتتكلم عن الإكسبريا آرك ودى خلاص قدمت قوى سونى نازلة بقوة دلوقتى وشاشاتها جبارة فعلا وكاميرتها جودتها أعلى من السامسون
غير الشياكة والتميز بقى ... أنا حاسس إنى ماسك فردة شبشب ولا مؤاخذة يعنى

انت دلوقتى ببتكلم على سونى اية وبكام , لانك لو عايز سامسونج جامد اوى ال s3 تحفة

ولو عايز اقوى بقى بكتير ال note 2 ينهار اسود على دة تليفون مالوش حل حاجة كدة فوق الخيال

ههههههههه , مع انى مابقبلش شكل تليفونات سونى شكلها غبى جدا سبحان الله

تحس انها كدة عاملة زى المستطيل بشكل مربع مافيش فية اى انسيابية , ومسكتة غبية جدا وغير مريحة للايد تماما

[snoop]

ادخل الاستور يا باشا حتلاقى برامج ببلاش كتيرررررررررررررررررررررررر جدا بتحول فلاش الكاميرا لكشاف ومواقيت الصلاة وبوصلة وقياس ضغط وشغل عالى اوى وكله ببلاش والعاب وبرامج تصوير واشطا

[MohammedAladel]

على العمووم ألف شكر يا أصدقاء ... بابا هياخده خلاص

وأنا هشوفلى حاجة سونى بس مستنى لما الأسعار تنزل شوية أو ربنا يرزقنى بواحد مستعمل بنفس حالة الجالاكسى كدا

[MohammedAladel]

قلت أقارن بين موبايلى السونى إركسون القديم ال t700 وبين الجالاكسى إس 2 المقارنة بالنسبة للكاميرا

جالاكسى معروف 8 ميجا بكسل ... السونى 3.2 ميجا بكسل

صورت صورة من كل الموبايلين ...... بصراحة والله العظيم صورة السونى أفضل بكتير من صورة الجالاكسى ودا اللى استغربت ليه جدا جدا

[ramy_gamal]

كدة هتستنى كتير لغايه ما الدولار ينزل... ال s2 كان من اسبوعيين ب 2900 بالضمان و ب 2450 من غير دلوقتى 3100 ب الضمان ومن غير ب 2875

[MohammedAladel]

مش فاهم قصد حضرتك إيه .... الموبايل خلاص بابا خده ؟؟؟ أنا لسة هجيب موبايل سونى إن شاء الله بس مستنى أما ألاقى عرض كويس وصدقنى يا باشا الموبايل دا مش بتاع تصوير خالص