ما رأيكم فى المنطقه الثانيه فى مدينة الشروق

[kareem1825]

الحقيقه انى ببحث عن شقه فى مدينة الشروق واكثر شقه اتعرضت عليا واقتنعت بيها كانت روف فى المنطقه الثانيه عمارات ,فاللى يعرف معلومات عن المنطقه عيوب ومزايا ,هل المناطق القريبه منها اسكانها شعبى ولا مقلقش من الموضوع دا ,هل الروف عموما كويس ولا الافضل ابعد عنه ,ولكم جميعا جزيل الشكر

[elpasha1]

متابع

[chahutpartout]

متابع

[kareem1825]

يارب حد يقولنا وينوبه الثواب

[WalidAdel]

بص المعلومه الوحيده اللي اعرفها او كانت اتقالتلي وانا بدور علي شقه في الشروق ان الرووف ده مش قانوني
هيا المفروض حجرة خدمات و هما بيهيصوا و عاملنها شقه و بيقولوا بيرفعوا قضيه علي الجهاز و تبقي قانوني .... حوار فاشل كده و الله اعلم
لا و الظريف بقي انهم بيبيعوه بنفس سعر الشقه العاديه اللي هيا في ادوار متكرر ... انا واخد مع شركه في الحي الرابع غرب (منطقة فلل) هو اللي قالي الكلام ده و قالي كمان دي اوضه صغيره ممكن تستخدمها مع السكان عادي و لو عايز السطح كله و تقفله علشان ماحدش يستخدمه ممكن تشتريه بس بسعر اهبل يعني مش زي ماهما بيعملوا و نفس سعر المتر في الشقق المتكرره

[kareem1825]

بص المعلومه الوحيده اللي اعرفها او كانت اتقالتلي وانا بدور علي شقه في الشروق ان الرووف ده مش قانوني
هيا المفروض حجرة خدمات و هما بيهيصوا و عاملنها شقه و بيقولوا بيرفعوا قضيه علي الجهاز و تبقي قانوني .... حوار فاشل كده و الله اعلم
لا و الظريف بقي انهم بيبيعوه بنفس سعر الشقه العاديه اللي هيا في ادوار متكرر ... انا واخد مع شركه في الحي الرابع غرب (منطقة فلل) هو اللي قالي الكلام ده و قالي كمان دي اوضه صغيره ممكن تستخدمها مع السكان عادي و لو عايز السطح كله و تقفله علشان ماحدش يستخدمه ممكن تشتريه بس بسعر اهبل يعني مش زي ماهما بيعملوا و نفس سعر المتر في الشقق المتكرره

بس الرسم اللى شوفته انهم قاسمين الروف شقتين بطول العماره وبيكون فيه منطقه روف بس على الواجهه و منطقه شقه عادى ..الحقيقه انى روحت الشروق قريب وشايف ان قدامها فتره عشان تعمر ,انت ساكن هناك ولا لا؟ ولو روحتها شايف ممكن تعمر بعد أد ايه؟ والشقه اللى اخدتها مواصفاتها ايه وبكام ومن انهى شركه ؟ :) ومتشكر اوى لردك

[WalidAdel]

بص هو حتة تعمر امتي دي مش موثوق فيها لان انا واخد من سنتين و قولت هاتعمر و قدامها سنتين تلاته لكن للاسف ماحصلش
انت تعمل حسابك علي 3-4 سنين و تسكن فيها كده لوحدك و خلاص لو قربت تتجوز زي ماواحد صحبي عمل
انا الشقه بتاعتي قريبه للعمار شويتين خلف نادي هليوبليس و بابعها دلوقتي علشان عايز اخد حاجه جنب الوالد في مصر الجديده (وحيد ابويا و امي)
في شركات تقسم الروف لشقه واحده و قدامها تراس كبيييييييييييير (وسيلة ترغيب في الشقه) و جز ء من الرووف تعمله خدمات لبقية العماره (دش و خلافه) و في شركات تعمل الروف زي ماحضرتك بتقول كده و في شركات بقي محترمه تعمل اوضه صغيره و تبيعه علي كده و تقولك اشتريها بس بسعر اقل بكتير من سعر المتر العادي لانه كده كده مش مصرح ليه يبني عليه شقه اصلا هو انت اخرك علي الروف تبني حجرة خدمات و اهو انت تستفيد بيه و الاوضه دي تشيل فيها حاجات عادي (عدة الشوي و كراسي و تلاجه صغيره .... كده يعني) و كمان يقفل الروف ب باب حديد و يبقي معاك مفتاحه و ماحدش من سكان العماره يستفيد بيه غيرك
احسن حل علشان تتأكد روح الجهاز نفسه و اسأل هناك اذا كان الكلام ده صحيح و لا لأ

[WalidAdel]

مكرر....

[kareem1825]

متشكر يا وليد على اهتمامك انا فعلا فكرت انى اسأل فى الجهاز عشان اعرف اذا دا قانونى ولا لأ اكيد انا مش عايز وجع دماغ ,ربنا يسهل ,هو صاحبك فى انهى منطقه؟؟ ,ودخول الخدمات متوافر عادى كهرباء ومياه وكدا؟ و لو عندك اى معلومات تانيه تفيدنى بيها يبأه جزاك الله خير

[WalidAdel]

متشكر يا وليد على اهتمامك انا فعلا فكرت انى اسأل فى الجهاز عشان اعرف اذا دا قانونى ولا لأ اكيد انا مش عايز وجع دماغ ,ربنا يسهل ,هو صاحبك فى انهى منطقه؟؟ ,ودخول الخدمات متوافر عادى كهرباء ومياه وكدا؟ و لو عندك اى معلومات تانيه تفيدنى بيها يبأه جزاك الله خير

اسف للتأخير في الرد ياباشا ... بص هو صحبي ده في الحي التالت تقريبا (جوه كده) من عند مدخل السويس الرابط التاني تفضل ماشي لحد ماتلاقي صنيه تخش من عندها يمين و تفضل ماشي حبه كتير لحد ماتلاقي شقته و هو الوحيد اللي ساكن في المربع بتاعه