هام وضرورى جدا عايز ترجمة القرأن بالانجليزى

[ashouhdy]

ياجماعة انا بتناقش مع متطرف غربي بيجيب ايات للقرأن بالانجيليزى و يطالبني بالرد عليها

الفكرة انى مش عارف للاسف ترجمة الايات بالعربي عشان اجيب تفسيرها الصح و احولها بالانجيليزية وارد علية

للعلم فى ملايين بيتابعوا حوارنا

دة مثال جايبة

He who disobeys the Apostle after guidance has been revealed will burn in Hell

اعرف منين الترجمة الصح عشان اعرف ارد وطبعا الاية والسورة

لازم تساعدونى

Sent from my GT-N7100 using Forum Runner

[ashouhdy]

فين الردود ؟؟؟!!!! الناس مستنية

[AirForces]

اتفضل يا باشا
The Noble Qur'an - القرآن الكريم

ولو انى لا افضل إطلاقا ترجمة القرآن لأنه الإنجليزية فيها كلمات ركيكة جدا مش زى اللغة العربية مرادفات الكلمات اكتر فى التشبيه والقوة ..

وقوله يقولك السورة والآية بالظبط اللى بيتكلم عنها لأنه القرآن عندنا المفروض انه بيتقرى بالعربى حتى لو لغته مختلفة مش زى الكتب التانية مثلا بتلاقى ترجمة لكل لغة وكل نسخة مختلفة عن التانية

يعنى ممكن يقولك القرآن بيقول لا تقربوا الصلاة وما يكملش وهكذا

ودا موقع تانى للتعريف بالإسلام
Mission Islam

[ashouhdy]

الف شكر لردك


ينفع اعمل بحث بالانجيليزية للفوق فية مثلا

[AirForces]

الف شكر لردك


ينفع اعمل بحث بالانجيليزية للفوق فية مثلا

العفو يا باشا .. اه ينفع تعمل سيرش بالإنجليزى وهطلعهالك بالإنجليزى وبالعربى

[حاتم سليم]

شهدى بك

برنامج آيات

مع تحياتى ...

[MTAK]

هناك ايضا كتاب جميل جدا عن القران و المعجزات بالشرح و التفسير

Islam Guide: A Brief Illustrated Guide to Understanding Islam, Muslims, & the Quran

[Land_Cruiser]

فى موقع كمان كويس قوى للتفسير بالانجليزيه علشان يساعد حضرتك فى شرح الترجمه بالانجليزيه

http://www.altafsir.com/

[ashouhdy]

يا جدعان كل دة سهل

انا عايز اعرف الترجمة العربي والاية الصح للى كاتبة هو


الانجيليزى فى اول مشاركة

[Imhotep]

اللى انت كتبته فوق معناه موازى للاية 115 من سورة النساء. . . شوية بحث على جوجل مع المواقع اللى كتبوها الاخوة عرفت اجيبها

[ashouhdy]

طب ممكن اسم الموقع اللى اداك الترجمة الموازية بالعربي :) عشان الايات كتيييير

[Imhotep]

طب ممكن اسم الموقع اللى اداك الترجمة الموازية بالعربي :) عشان الايات كتيييير

انا اخدت النص الانجليزى اللى انت كنت كاتبه فى الاول و حطيته على جوجل. . . طلعلى سورة رقم 4 مع رقم اية هو 115. . . روحت موقع نوبل قران و دورت على كلمة guidance و مشيت مع تسلسل الايات و السور اللى طلعت لغاية ما لقيت الاية رقم 115 من السورة 4 (اللىالسايت قال انها سورة النساء) موجودة فعلا . . . قرأته و وجدته تقريبا هو المعنى اللى انت كنت كاتبه فوق. . . انا يعنى عملت شوية data mining

[sanhory]

انا لا انصحك بالدخول في نقاش مع مثل هؤلاء المتطرفين او الملحدين لانه لا يستطيع الرد على حججهم الا فقيه متعمق في الدين , مش اي حد يقدر يتناقش معاهم خاصة ان انت بتقول ناس كتير متابعة فاي غلطة او حاجة تتزنق فيها حتنعكس ان الاسلام مش قوي الحجة , انا مش عارف حضرتك دارس ايه بس دي نصيحة مني لاني جربت اعمل الحوار ده قبل كده و في حاجات قالوهالي اتثبت (طبعا لقلة معرفة مني) لكن لما سالت والدي (استاذ بجامعة الازر كلية اصول الدين )وضحلي حاجات مكنتش مستوعبها ولا عمري كنت حعرف ارد الرد اللي قالهولي وقالي باللفظ سيبك منه

[ashouhdy]

اكيد طبعا انا مش متعمق

بس الحوار اخد بعضة من الظروف السياسية الحالية الى ان الاسلام دين ارهاب ودم وان اذا كان انتم مسلمين بتعملوا كدة فى بعض يبقى حتعملوا اية فينا والموضوع وسع واشترك فية كتير وبقى عن الاسلام وال مشاهدات كترت جدا حواللى 3000 مشاهدة

والكل بيحط الايات بالطريقة اللي فوق

بس الحمد لله ربنا كريم و وفقنى بمساعدة الناس فوق

اذاى بقى

الايات اللى بيحوطوها لما طلبت اى ارقام حطو 4 115

مثلا دة للاية اللى حطوها اللى انا مقتبسها فوق

دخلت علي quran.com

وفى البحث كتبت 4:115

طلعلى الاية سورة النساء 115 السورة4 الاية 115 ذى ما manhry قال فوق

وطلع بالعربي والانجيليزى

وطلبت منهم يقروا من الاول


فى ناس منهم فهمت واعترضت على الاقتباس اللى بالانجيليزى اللى اتحطلي ومنهم اقتنع بالمعنى الحقيقي ومنهم بيقاوح
وواحد بيقولى القرأن اللى بالانجيليزى اللى بيدهولنا مترجم كدة (قصدة علي اللى فوق) وناس قالت انها حطت الموقع فى المفضلة



انا عن نفسي سعيد سواء الخناقة او لا بس ممكن واحد من الالاف يفهم ويقرا الله اعلم

Sent from my GT-N7100 using Forum Runner

[MTAK]

لو ناوى على المجال ده

او بيقع فى سكتك حوارات كتير من دى

انصحك بمشاهدة فيديوهات المهندس فاضل سليمان رئيس مؤسسه جسور

اعمل بحث على اليوتيوب و هاتشوف له الكثير من المناظرات و الدروس