زواج المصري من أجنبية.. ليه؟

[WalidAdel]

انا الصراحه يا علا كنت مستمتع بالموضوع و الردود حيث اني قريته كله دلوقتي علشان بقالي يومين مشغول و مش بخش خالص
المهم اني كنت مجهز رد بس لما لقيت الموضوع في الاخر حيقلب بشد و جذب مفيش منوا داعي الكلام طار من دماغي

هوه طبعاً الاستاذ حازم لا يقصد التعميم انما يقصد فئه معينه من البنات هيا اللي بتعمل كده دا اللي انا فهمته يعني

بالنسبالي بقي فكرة الجواز من اجنبيه صعب لان مفيش امثله امامي كتير غير اثنين واحده فاشله اوي و واحده جواز علي ورق تقريبا
الاول واحد سافر كندا و اتجوز هناك و رجع مصر بعد 20 سنه زوجته معجبهاش العيشه هنا مفيش تفاهم بقي تركت الزوج و الاطفال و رجعت علي بلدها
التانيه واحد اتجوز يابانيه و طبعاً هيا بتشتغل علشان تصرف علي البيت بتسافر بقي تجيب حاجات و ترجع و مفيش اطفال خالص بتيجي في السنه 6 مرات تقريباً و دا مش جواز

بالنسبالي بقي صعب ليه طبعاً علشان اختلاف العادات و التقاليد و حاجات كتير و لاني بؤمن ب "انما الطيبون للطيبات" و هيا في الاخر مسالة نصيب
مش معني ان في تجارب فاشله يبقي كله كده و الامثله كتير سواء التجارب الفاشله او الناجحه لكن ارجع و اقول مسالة نصيب مش اكثر

شكراً لك علي هذا الموضوع

[Chicco]

بس الموضوع اقل و ابسـط من كدا بكتير واحد بيختار شريكه حياته كـشخصيه و انسانه حيكمل معاها
قبل ما يبص علي جواز السفر بتاعها

بجد أنت انسان جميل يا برو و سابق سنك بكتير ...ربنا يكرمك يا رب

ميزا باشا .....حاضر يا باشا حاشوف.....المدام أصلا غاوية حكاية ال-matchmaking ديه

حازم باشا و علا باشا .....أنتم الاتنين من أكتر الناس اللي أنا شخصيا و المنتدى كله بيحبهم ....من الأخر ركنين من أركان المنتدى ....صلوا على النبي بقى و يللا نكمل حوار
ما حدش خد بالوا أصلا اني نسيت أقول الملاحظة بتاعة تورنتو ههه
باختصار من أكتر الحاجات اللي لفتت انتباهي هنا الجواز المختلط بين الأجناس ....أشقر و أصفر و أسود و بني و كل الألوان .....الجميل انهم ما بيشوفوش الألوان ....يعني مش واخدين بالهم إن فيه إختلاف ......حتى بقية كندا مش كده و فيه أوساط اجتماعية برضه مش كده ....إيه رايكم ....و أنا عايز رأي علا باشا و سنيور زيموس بالذات :laugh:

[hazem_khidr]

باختصار من أكتر الحاجات اللي لفتت انتباهي هنا الجواز المختلط بين الأجناس ....أشقر و أصفر و أسود و بني و كل الألوان .....الجميل انهم ما بيشوفوش الألوان ....يعني مش واخدين بالهم إن فيه إختلاف ......حتى بقية كندا مش كده و فيه أوساط اجتماعية برضه مش كده ....إيه رايكم ....و أنا عايز رأي علا باشا و سنيور زيموس بالذات :laugh:

ما بلاش رايي انا يا دكتور
اصل رايي انا بالذات ما بيعجبش و بيتقال انه مستفز حتي لو رايي زي راي ناس تانيه
بس راي حازم دايما بيبقي مستفز ههههههههههه
بس طالما طلبت رايي ما اقدرش اتاخر عن اخويا الكبير و حبيب قلبي اللي كل يوم يسميني اسم جديد هههههههههه
رايي ان دول ناس عمليه و دماغهم بتفكر كويس
مش عارف ليه اخر تلات سطور فكرني باغنيه منير
(لا يهمني لونك و لا بلادك مكانك يهمني الانسان ولو مالوش عنوان) :)!!!

[Adham]

لو قلت رأيي مش حايجب ناس كتير

بس دي الحقيقة في نظري و اللي شفتها في بلدان كتيرة تؤكدها

البنت المصرية لا تصلح تكون زوجه كويسة, شايفة ان الموضوع نكد و مناكفة و عند و حقي و حقك و مافيش راحه و لا تقدير لزوجها من الاساس

لأن الامهات لما اشتغلوا في السبعينات مبقاش عندهم وقت يربوا العيال و سابوهم للتيليفزيون يربيهم عالافلام العربي الفاشلة و المسلسلات اللي بتربي فيهم "الندية" و حقوق المرأة و غيرة و غيرة

[Chicco]

لو قلت رأيي مش حايجب ناس كتير

بس دي الحقيقة في نظري و اللي شفتها في بلدان كتيرة تؤكدها

البنت المصرية لا تصلح تكون زوجه كويسة, شايفة ان الموضوع نكد و مناكفة و عند و حقي و حقك و مافيش راحه و لا تقدير لزوجها من الاساس

لأن الامهات لما اشتغلوا في السبعينات مبقاش عندهم وقت يربوا العيال و سابوهم للتيليفزيون يربيهم عالافلام العربي الفاشلة و المسلسلات اللي بتربي فيهم "الندية" و حقوق المرأة و غيرة و غيرة

يا رااجل يا طيب !! الكلام على العموم مش مظبوط برضه ....فيه الكويس و فيه الوحش
و إيه المشكلة في حقوق المرأه بقى يا باشا

[Ahmed Samy]

هو يا جماعة الحق بيزعل ليه بس ؟؟؟؟؟؟؟؟؟؟؟؟؟

في حاجات ثبتت بالتجارب المعملية الفذة ان الزواج من مصرية هو في (أغلب الأحوال) ثقل مادي و نفسي .....

و في مصريات (قليلات فعلا) اللي بيفهموا الدنيا رايحة فين وجاية منين

وده بسبب ثقافة كتير مننا بيتبعها في التربية ......... ثقافة انا بنتي دكتورة

ثقافة تحطي رجل على رجل و تشاوري

و ثقافة هي مش أقل من بنت عمها

و ثقافة شوفت بنت سعدات اتدفع فيها كام


القرف مش في الفتيات المصريات ...أبدا

القرف في الأباء و الأمهات نواقص العقل و الروح اللذين جعلوا من بناتهم سلعة و غرسوا بداخلهم مقاييسا شاذة للحكم على حب الأخرين و تقييم ثقتهم في نفسهم


العزوف عن المصريات هو عزوف عن نواتج ثقافة قطاع عريض من هذا المجتمع المريض .........أراد بعض الأصحاء تغييره في جيل جديد

[enashelmy]

:p

هو يا جماعة الحق بيزعل ليه بس ؟؟؟؟؟؟؟؟؟؟؟؟؟

في حاجات ثبتت بالتجارب المعملية الفذة ان الزواج من مصرية هو في (أغلب الأحوال) ثقل مادي و نفسي .....

و في مصريات (قليلات فعلا) اللي بيفهموا الدنيا رايحة فين وجاية منين

وده بسبب ثقافة كتير مننا بيتبعها في التربية ......... ثقافة انا بنتي دكتورة

ثقافة تحطي رجل على رجل و تشاوري

و ثقافة هي مش أقل من بنت عمها

و ثقافة شوفت بنت سعدات اتدفع فيها كام


القرف مش في الفتيات المصريات ...أبدا

القرف في الأباء و الأمهات نواقص العقل و الروح اللذين جعلوا من بناتهم سلعة و غرسوا بداخلهم مقاييسا شاذة للحكم على حب الأخرين و تقييم ثقتهم في نفسهم


العزوف عن المصريات هو عزوف عن نواتج ثقافة قطاع عريض من هذا المجتمع المريض .........أراد بعض الأصحاء تغييره في جيل جديد

ههههههههههههههههههههههههه

كل ده شايلينه فى قلوبكم من ناحيتنا:p

مهو سياسه الكيل بمكيالين ده برده من الولاد
يعنى لما تروحوا تخطبوا عايزين الناس تشيلكم على كفوف الراحه

ولما ييجى عريس لاختكم تدبحوه

[AhmedGen2]

ايه الكلام الجامد دة يا سامى ^^ 10/10.

يا جماعة حد حس كمان إن ثقافة ال 30+ دقيقة ميكاب ودة أقل واجب يعنى حاجة طبيعية جدا ً !! ، يعنى تحس كمان إن البنت يوم ما تبقى ستايل لازم تلبس محزق وملزق وداهنة وشها دوكو وحاجات مؤذية للعين فعلا ً ، وثقافة المحجبات الرأس المحزقات الجسم بقت حاجة عادى.

فاحنا لما بنتكلم عن البنت المصرية بنعمم لسببب واحد إن فعلا عدد ضخم من المصريات سلوكهم متشابه ، زى مثلا لما معظمنا هنا فى المنتدى بيستنكر العقلية المصرية ، طيب ماحنا كلنا مصريين ، لكن فئة ضخمة من المصريين سلوكياتهم لا ترقى لمستوى حضارى وبالتالى فالتعميم هنا نسبى مش أكتر.

إذن ليست كل مصرية لا تصلح للزواج وليس كل مصرى سلوكياته غير حضارية.

لكن يبقى رأيى فى الموضوع واضح ، الزواج من مصرية باااااطل

[meza]

أولاً ... أنا عايز أعتذر عن ردودى السابقة لأنى لما راجعتها دلوقتى حسيت إنى كنت منحاز قوى ضد المرأة المصرية و كانت ردودى غير موضوعية بالمرة .... أكرر إعتذارى ... بس أنا كنت ما صدقت بصراحة :D أول ما شفت كلام كريم عشماوى قلب عليا المواجع و رحت طلعت كل اللى جوايا.

ثانياً ... لاحظت إن معظم الردود متحاملة على المرأة زيادة عن اللزوم ... فى حين لو فكرنا شوية زى ما عمل بعض الأعضاء كنا هنلاقى إن جزء كبير من المشكلة على الأهل.

ثالثاً ... بقول لكل بنات المنتدى متزعلوش ... لأن الكلام اللى فى الموضوع ده أكيد مش عليكم لأن ببساطة أنتم أكيد مش بتعملوا التصرفات دى.
أرجوكم محدش يتضايق خصوصاً إنتى يا أستاذة علا.:)

[OlaOsman]

أولاً ... أنا عايز أعتذر عن ردودى السابقة لأنى لما راجعتها دلوقتى حسيت إنى كنت منحاز قوى ضد المرأة المصرية و كانت ردودى غير موضوعية بالمرة .... أكرر إعتذارى ... بس أنا كنت ما صدقت بصراحة :D أول ما شفت كلام كريم عشماوى قلب عليا المواجع و رحت طلعت كل اللى جوايا.

ثانياً ... لاحظت إن معظم الردود متحاملة على المرأة زيادة عن اللزوم ... فى حين لو فكرنا شوية زى ما عمل بعض الأعضاء كنا هنلاقى إن جزء كبير من المشكلة على الأهل.

ثالثاً ... بقول لكل بنات المنتدى متزعلوش ... لأن الكلام اللى فى الموضوع ده أكيد مش عليكم لأن ببساطة أنتم أكيد مش بتعملوا التصرفات دى.
أرجوكم محدش يتضايق خصوصاً إنتى يا أستاذة علا.:)

هو ده ميزة اللي انا اتناقشت و اختلفت معاه في أكتر من موضوع و ما لقتش منه غير كل احترام و تقبل للآخر بدون تجريح و لا ردود استفذاذية، عشان كده كنت مستغرباك جدا في الموضوع هنا، انما دعني أنحني لك احتراما على موقفك

[OlaOsman]

لو قلت رأيي مش حايجب ناس كتير

بس دي الحقيقة في نظري و اللي شفتها في بلدان كتيرة تؤكدها

البنت المصرية لا تصلح تكون زوجه كويسة, شايفة ان الموضوع نكد و مناكفة و عند و حقي و حقك و مافيش راحه و لا تقدير لزوجها من الاساس

لأن الامهات لما اشتغلوا في السبعينات مبقاش عندهم وقت يربوا العيال و سابوهم للتيليفزيون يربيهم عالافلام العربي الفاشلة و المسلسلات اللي بتربي فيهم "الندية" و حقوق المرأة و غيرة و غيرة

انا بس كنت متوقعة رد فعل أكثر إيجابية من الأعضاء في المنتدى اللي متزوجين من مصريات تجاه الرد اللي فوق ده و تجاه الهجوم المستمر على الزوجة المصرية

[sab3aawy]

انا طبعا مقدرتش اقرا ال 14 صفحة رودو لكن لقطت البعض منها وحسيت بمدى سخونة الموضوع

فاسمحولى ادلق بجردلى.......يوه قصدى ادلى بدلوى فى الموضوع ده

انا متزوج من مصرية والحمد لله ومعتدقش انى كان ممكن بسهولة اتخذ قرار الزواج من اجنيبه ، او حتى فتاه من خارج القاهرة -لاختلاف الطباع وليس لأى عيب فى اى شخص- لكن انا ، ولأنى تزوجت بعد 6 محاولات زواج فاشلة ، فانا مقدر جدا فكر الناس اللى بتفكر تتجوز اجنبيات علشان يهربوا من داء مصرى صميم كان السبب فى فشل معظم محوالاتى للزواج

داء الطمعععععععععععععععععععععععععععععععععععععععععععععع عععععععععععععععع

الأسر المصرية ، الا من رحم ربى، يستوى فى ذلك اسر الفتيان واسر الفتيات مصابة بحالة من السعار المادى، كل طرف من الطرفين همة يغرم الطرف الآخر اقصى غرامة ممكنة، ليزيح عن كاهلة بعض المصاريف من جهة، وليثبت لنفسه انه اكثر نصاحة من الطرف الآخر من جهة
وانا اثناء كل محاولاتى للزواج كان لدى القدرة على بداية معقولة، وفى نفس الوقت لم يبق من اسرتى من يقوم بدور الكبير، لذا انا كنت كبير نفسى فى مواجهة كل افراد اسرة الفتاه، وفى كل الأحوال فوجئت بأن الموضوع صفقة مادية يحاول دائما الطرف الآخر ان يديرها بطريقة (win-loose) اى ان يكسب هو واخسر انا، وبدون زعل ، دائماالطرف الثانى كانوا يبالغون فى تقدير انفسهم الى درجة تثير الشلل، وبالتالى كان الفشل هو المآل دائما لأنة، وطالما ان الموضوع تحول الى صفقة يرمى الطرف الآخر ان يخرج منها كاسبا واخرج مغبونا فانا ارفض هذا

ولذلك فانا ارى ان فكرة كثير من الشباب عن الزواج باجنبيات هى رد فعل للمبالغة اللامنطقية من اسر الفتيات فى طلباتهم المادية والاجتماعية والمعنوية تحت شعار ثقيل الظل لا يصلح لعصرنا الحالى هو (ضمان حق البنت) وكان البنت لها كل الحقوق المعروفة والرجل لا حق له من اى نوع ، وإلا فمن يذكر لى ضمانا واحد للرجل فى مواجهة زوجته حال حدو ث مشلكة من نوعية المليون ضمان التى يتخذهم اهل الزوجة لبنتهم فى موجهة زوجها (الموخر، القايمة،النفقة، احيانا شيكات على بياض او بمبلغ محترم ،استنزاف كل قرش يملكة الشاب واسرته فى بنود هايفة حتى لا يستطيع سداد تلك الديون اذا حدثت مشكلة) فى حين انه حين تفكر الزوجة فى ترك بيتها وزوجها فما اسهل من قضية خلع تترك بعدها الزوجة كل التزاماتها بدون ادنى غرامة وليذهب الزوج والأولاد الى الجحيم(محدش يقوللى اصل مافيش واحدة بتعمل كدة انا هنا بتكلم عن تساوى الحقوق وليس عن ميل الاشخاص لاتخاذ تصرفات معينة)
عندما يتخلى اباء البنات عن تلك الأفكار البالية ويتركون الشباب والفتيات لبداية حياتهم فى شقة ايجار جديد بموبيليا اقتصادية او حتى قديمة وبدون شبكة تمنها ميت الف جنيه وقايمة عفش ومؤخر صداق زاليون جنيه وفرح فى موفينبيك حلايب وشلاتين وشهر عسل فى جزر القمر، اؤكد لكم ان ساعتها هيبطل الشباب يفكروا فى الزواج بأجانب، وهيبطلوا يفكروا فى الزواج العرفى وكل الكلام الفاضى ده، وعلى فكرة رغم ان الكلام ده مطبق فى معظم دول العالم المتحضر وبعض الدول العربية الأسلامية مثل دول المغرب العربى وناجح جدا وسهل مسألة الزواج جدا، لكنه فى الأصل لا يخرج عن فكرنا الاسلامى، فرسولنا الكريم صلى الله عليه وسلم قال:"أيسرهن مؤنة أعظمهن بركة" وقال"إذا أتاكم من ترضون دينه وخلقه فزوجوه" ومع ذلك فنحن ابعد ما نكون عن ذلك وانما اتخذان لنفسنا شعار تعطيل المراكب السائرة بتاع(ضمان حق البنت) اسوة بكل المراكب العطلانة الأخرى فى مصر

[eng/muhamad]

نفسى اتكلم بس لو اتكلمت الموضوع ممكن يوللللع

[hazem_khidr]

نفسى اتكلم بس لو اتكلمت الموضوع ممكن يوللللع

لا ما تردش يا محمد
حيتقال ان ردك مستفز زي حالاتي
اصل اي رايي بيخالف صاحبه الموضوع بتقول عليه راي مستفز

[eng/muhamad]

لا ما تردش يا محمد
حيتقال ان ردك مستفز زي حالاتي
اصل اي رايي بيخالف صاحبه الموضوع بتقول عليه راي مستفز

حضرتك لو شفت مشاركتى فى اول الموضوع هتشوف ضرب النار اللى حصلى