زواج المصري من أجنبية.. ليه؟

[R A N A]

أنا شايف ان ده برضه بسبب انبهار البنات الأجانب بالرجل الشرقى

اه عشان بيقولوا واااااو مصري فرعون بقي وكده
بتفكرني بفيلم فول الصين العظيم لما (لي) كانت عمالة تتخيل شكل محمد هنيدي المصري حفيد الفراعنه ومتخيلاه هركليز بقي وطول بعرض بإرتفاع وكده

[Sameh]

مش شايف مشكلة لو هى اعتنقت الإسلام والأخلاق بتاعتنا عن إقتناع ، غير كدة هتفضل الفروق واضحة وصريحة وممكن تؤدى للإنفصال

وده بناء على تجارب شايفها قدامى ناجحة جدا لأصدقاء مصريين مع بنت فرنسية وأخرى يابانية

المشكلة بقا فى بنات مصر

إنهم تنكين جدااااا ومش بيعجبهم العجب ولا الصيام فى رجب !!

غير إن كتير منهن متأثرين جدا بثقافة التليفزيون والمسلسلات على طريقة (بكرة أجوزك سيد سيده) (لازم يتعب فيكى عشان مايفرطش فيكى) (الخناق فى البيت زى الملح فى الأكل) !!!! (انا ماعملش فرحى غير فى قاعة 9 نجوم عشان البرستيج بتاعى) ولازم تجيبلى بوكيه ورد ليليان عشان الجيرب وتروح سيادتك تسأل إيه الورد المنيل على عينه ده تلاقى الواحدة ب 50 جنيه عشان الهانم تمسكه ترميه فى الأرض !!! يعنى لو مكانش ليليان يبقى الجواز باطل ؟؟؟؟ و الشقة بقا (لا لا أهم حاجة مانستخسرش فى الريسيبشن عشان الناس الى هتيجى تزورنا) (لأ إلا المطبخ ده أنا هقعد فيه طول اليوم) (يعنى يرضيك يا حمادة أوضة النوم ماتبقاش أد كدة) وحمادة يستلف ويدفع ، كوافير كتب الكتاب وكوافير للدخلة ، وفستان كتب الكتاب ، وفستان للدخلة ، ومعازيم لكتب الكتاب ومعازيم ......

ولا الحموات المصريات بقا ، طبعا كلكم عارفين و واكلين و شاربين و مبسوطين ، مابيتدخلوش فى حاجة ماتخصهمش أبدا ، ولو فى يوم مراتك زعلت بتهديها وتعقلها وتوعيها ، وطبعا الشبكة دى هدية العريس لعروسته وإحنا مش هنتكلم فيها (بعد كدة بيشتغلوا يعنى قولنا عامل حسابك على كام اصل الدهب غالى) ، وإحنا بنشترى بنك قصدى راجل وآخر حاجة تهمنا الفلوس

وأهم حاجة إنك لما تتجوز مصرية تبقى كلمتك كلمة واحدة فى البيت مالهاش تانى "حاضر"

والبنت المصرية على أتم إستعداد إنها ماتتجوزش عشان (تحقق نفسها) !! أو (تثبت ذاتها) ! أو (الشقة بعيدة اوى عن مامى) ولو العريس طيب و مؤدب تقولك لأ أصله مش مخربش والدنيا مش عايزة كدة أنا عايزة واحد يحمينى !! ، ولو شرف سيادة المخربش تقولك أصل أخلاقه صعبة وبتاع بنات ومالوش أمان !! ولو شاب مجتهد وإمكانياته بسيطة تقولك عايزة واحد يعيشنى عيشة حلوة ، ماشى يا فندم ، لما يجى الأستاذ المبسوط أبو عيشة حلوة تقولك لأ ده تجارة وانا هندسة إزاى أتجوزه يعنى !!

أنا متعقد أصلا ولو فتحت مش هسكت :)

بس الميزة اللى بجد فى البنت المصرية ومش فى أى بنت تانية هى خفة الدم + إحساسها العالى بنظرة الراجل ليها ، يعنى بتفهم النظرة دى فيها خير ولا شر وإنت مؤدب ولا لأ وكدة ، ذكية يعنى

[hn_kamal]

علا ممكن سؤال
ايه السبب من فتح موضوع زي ده
مع ان اغلبنا عارف الاجابة وهى غالبا ما حتكون بسبب سوء الاوضاع الاقتصادية

[eng/muhamad]

اتمنى ان اتزوج من اجنبيه




اوعى ضرب النار
و الموضوع مش موضوع احوال اقتصاديه او حصول على جنسيه او اى حاجه
بس انا مش بحب بنات مصر

[OlaOsman]

علا ممكن سؤال
ايه السبب من فتح موضوع زي ده
مع ان اغلبنا عارف الاجابة وهى غالبا ما حتكون بسبب سوء الاوضاع الاقتصادية

بسبب الأوضاع الإقتصادية ده رأيك.. بس ده ما يمنعش ان فيه آراء و تجارب تانية و الموضوع ده فعلا فتح قنوات كتيرة للنقاش الهادف.

بس متهيألي صعب أرد على سؤال ايه سبب فتح موضوع نقاشي في "منتدى".. يعني أصل الأمور فيه فتح مواضيع للنقاش.

[eng/muhamad]

اتمنى ان اتزوج من اجنبيه




اوعى ضرب النار
و الموضوع مش موضوع احوال اقتصاديه او حصول على جنسيه او اى حاجه
بس انا مش بحب بنات مصر

كلمه اجنبيه عندى لا تعنى اوروبيه و لكنها تعنى غير مصريه
اى من الممكن ان تكون خليجيه المهم ان تكون غير مصريه

[OlaOsman]

كلمه اجنبيه عندى لا تعنى اوروبيه و لكنها تعنى غير مصريه
اى من الممكن ان تكون خليجيه المهم ان تكون غير مصريه

انت متأكد انك مش عايز ضرب نار؟.. طيب شوف عايز ايه و احنا عندنا كل حاجة يعني مش هانغلب

[eng/muhamad]

ربنا يخليكى يا علا شكرا جدااا
انا كل ما اقول الكلام ده قدام اى بنت بضرب بالنار كتييير

[mo7amed_omara]

اصل الرجالة الأجانب خلاص زهقوا من بياض البشرة والشعر الأصفر والعيون الزرقاء والكلام ده بقي حاجة بالنسبة ليهم حاجة يعععععع ممله ومالهاش طعم فينبهر بقي بواحدة شرقية عيونها سودة جدا وبشرتها خمرية أو سمرة كمان هما يحبوا اوي الالوان دي مش عارفة ليه بصراحة ويستغبوا اوي لما يلاقوا بنت شرقية بيضا ولا عينيها ملونة.
ا

طالما الاجانب زهقوا من الشعر الاصفر و بياض البشرة و العيون الزرقاء و....... الخ
نعمل معاهم بدل نبعتلهم و هما يبعتلونا و نبدل و كدة يعنى ههههههههههههههههههههههه
اصل احنا الشعر الاصفر الطبيعى دة مش عندنا (صبغة) و بياض البشرة (كريم اساس)و زرق العينين (عدسات لاصقة )
كفاية كدة الا انا شكلى حلخبط الدنيا خالص ههههههههههههههههه:laugh::laugh:

[R A N A]

انت متأكد انك مش عايز ضرب نار؟.. طيب شوف عايز ايه و احنا عندنا كل حاجة يعني مش هانغلب

Voooooooooooooote ياعلا 10000000000000%


ياعلا خليه يشوف الطريقة المناسبة ليه عشان نطبقها عليه ولو مالقيناش نخترعله واهو واحد من الأخوة رغم انه خسف ببنات مصر الأرض وبحموات مصر تحت الأرض الا انه اشار ان البنت المصرية ذكية يعني احنا فعلا مش هانغلب في الطريقة اللي بيها

عموما يأخ محمود ربنا يوفقك وتتجوز ان شاء الله حتى بنت من تنزانيا ولا حتى شرق اسيا اللي عنيهم ضيقين وعسولين اوي دول (انا عن نفسي بيعجبني شكل عينيهم وشعرهم اوي حتى مبياخدوش مساحة كده صغنتتين )

وعلي فكرة الخليجيات برده ليهم مميزاتهم وعيوبهم وإسأل استشير الناس اللي سافتر وشافت وعاشت في الخليج وهما يقولولك الدرر عنهم
وساعتها هاتعرف ان قيمة البنت المصرية بجد :Angel_anim:

ولا اقولك خليك متحبهومش ياسيدي بس لما تتجوز ابقي قلنا بأمانه اتجوزت منين عشان نباركلك يعني

[eng/muhamad]

طالما الاجانب زهقوا من الشعر الاصفر و بياض البشرة و العيون الزرقاء و....... الخ
نعمل معاهم بدل نبعتلهم و هما يبعتلونا و نبدل و كدة يعنى ههههههههههههههههههههههه
اصل احنا الشعر الاصفر الطبيعى دة مش عندنا (صبغة) و بياض البشرة (كريم اساس)و زرق العينين (عدسات لاصقة )
كفاية كدة الا انا شكلى حلخبط الدنيا خالص ههههههههههههههههه:laugh::laugh:

extremely right

extremement droit (french)

extrem rechts ( german)

estrema destra (italian

[R A N A]

extremely right

extremement droit (french)

extrem rechts ( german)

estrema destra (italian

ياسلام ياناس multilingual كمان

لا حقك بصراحة متحبش تتجوز مصرية

[eng/muhamad]

Voooooooooooooote ياعلا 10000000000000%


ياعلا خليه يشوف الطريقة المناسبة ليه عشان نطبقها عليه ولو مالقيناش نخترعله واهو واحد من الأخوة رغم انه خسف ببنات مصر الأرض وبحموات مصر تحت الأرض الا انه اشار ان البنت المصرية ذكية يعني احنا فعلا مش هانغلب في الطريقة اللي بيها

عموما يأخ محمود ربنا يوفقك وتتجوز ان شاء الله حتى بنت من تنزانيا ولا حتى شرق اسيا اللي عنيهم ضيقين وعسولين اوي دول (انا عن نفسي بيعجبني شكل عينيهم وشعرهم اوي حتى مبياخدوش مساحة كده صغنتتين )

وعلي فكرة الخليجيات برده ليهم مميزاتهم وعيوبهم وإسأل استشير الناس اللي سافتر وشافت وعاشت في الخليج وهما يقولولك الدرر عنهم
وساعتها هاتعرف ان قيمة البنت المصرية بجد :Angel_anim:

ولا اقولك خليك متحبهومش ياسيدي بس لما تتجوز ابقي قلنا بأمانه اتجوزت منين عشان نباركلك يعني

اولا انا اسمى محمد مش محمود
ثانيا انا قولت اتمنى اتجوز اجنبيه علشان انا عارف انه صعب
لكن لم اقر ان انا هعمل كده لكن لو جت فرصه انى اتجوز اجنبيه صدقينى مش هتردد

[enashelmy]

شوفوا يا جماعه هقولكم رايى بصراحه
لان فى عيلتنا زواج اجانب
الصراحه لما اختيار الاجنبيه بيكون صح
بتبقى الحياه هايله
دلانها فعلا بتشارك فى البيت مشاركه ايجابيه
وممكن تبدا حياتها فى 65 متر مربع
استوديو يعنى
زى مهو بيحصل عندهم فى امريكا او النمسا مثلا
ومش لازم يجيبوا شقه كبيره اول حياته
ده عامة اللى شفتوا
وطبعا هنضرب من استاذة علا
بس مش اشكال
لانى بحبها جدا

[R A N A]

اولا انا اسمى محمد مش محمود
ثانيا انا قولت اتمنى اتجوز اجنبيه علشان انا عارف انه صعب
لكن لم اقر ان انا هعمل كده لكن لو جت فرصه انى اتجوز اجنبيه صدقينى مش هتردد

أولاً اسفة اني قريت الاسم غلط
العتب علي النظر بقي معلش وحكم السن انت عارف :nerd:

بس هو ليه صعب يعني علي فكرة دي اسهل حاجة انت بس ربنا يكرمك وتسافر اي دولة عربية ولا اجنبية وهاتلاقيهم هما اللي يطلبوا منك الجواز عادي لإن زي ماقلنا هما عندهم انبهار بالرجالة المصريين وعارفين انهم بيبقوا شهمين وحمشين وكده مش زي رجالتهم اللي بصراحة شكلهم يدي اكتر علي سوسن. :D

بس هو ليه انا حاسة ان حضرتك لهجتك شديدة شوية معايا على فكرة ده هزار مش اكتر :angelsad2: بس متقولش كده قدام بنت مصرية عشان مش كل شوية تنضرب بالنار بقي هانلاحق عليك رصاص منين بس
وعموما ياسيدي ربنا يكرمك ويحققلك امنيتك حتى لو صعبة يارب