زواج المصري من أجنبية.. ليه؟

[wild_man]

انا لسه جاي حالا كان ورايا كام حاجه و فوجئت بعدد الردود الرهيب
الاستاذ احمد ابراهيم كلامك علي عيني و راسي يا باشا
بس انا ما غلطش في حد علشان اتهاجم الهجوم العنيف دا
و علشان برضه انا عامل ليك خاطر و لكل الناس المحترمه اللي في الموضوع سواء رجال او بنات فمردتش ارد باسلوب سخيف علي الاهانات السخيفه الموجهه ليا من صاحبه الموضوع



لا استاذ علا خالص مش عارفه ترد لما لقت الاغلبيه ضد الفكره اللي طرحتها
و هي لا تقبل كده
ازاي يبقي في رايي غير رايها و مخالف لرايها.
و قريب حتطلب ان الموضوع يتقفل

أستاذ حازم
مع احترامي الشديد لرأيك بس العيب الأساسي اللي حضرتك بتتهم بيه صاحبة الموضوع (عدم تقبل الرأي الآخر) أنا شايف أنك بتعاني منه بس بصورة أخرى
لأن شوف احنا كام واحد قلنالك تهدي من اسلوبك و أن اسلوبك حاد ولكنك لم تتقبل كلامنا... و أنا متأكد أنك هتنتقد رأيي ده بشدة بس ديه الحقيقة الواضحة وضوح الشمس

[hazem_khidr]

أستاذ حازم
مع احترامي الشديد لرأيك بس العيب الأساسي اللي حضرتك بتتهم بيه صاحبة الموضوع (عدم تقبل الرأي الآخر) أنا شايف أنك بتعاني منه بس بصورة أخرى
لأن شوف احنا كام واحد قلنالك تهدي من اسلوبك و أن اسلوبك حاد ولكنك لم تتقبل كلامنا... و أنا متأكد أنك هتنتقد رأيي ده بشدة بس ديه الحقيقة الواضحة وضوح الشمس

معلش يا باشا يعني سؤال
حضرتك ليه بتخلط الامور ببعضها
واحده غلطط فيا المفروض مني ايه؟؟
اسمع كلام الاعضاء و اهدي نفسي؟؟
طب ما بدل ما الناس كده عماله تقولي هدي نفسك تروح تقولها تعتذر علي غلطها اللي هيا اساسا بدات بيه!!!!!!!
صح و لا انا غلطان ..؟؟؟؟
هو مثلا لما تكون انت في بيتك و حد دخل سرق بيتك و نزلت تبلغ عنه و طلع من منطقتك
و انت مصر انك تعمل له محضر و الناس بتقولك المسامح كريم و انت مصر
يبقي معني كده انك مش بتتقبل الراي الاخر؟؟
الراي الاخر اتقبله في النقاش
لكن في الاهانه مافيش راي اخر
ولا انت رايك ايه؟؟؟

[eng/muhamad]

طيب أيه رأيك بلاش تنسحب وقول اللى انت عاوزه من غير كلمة "كل البنات"

و الله حتى لو قلت بنت واحده بس مش كل البنات هتهاجم
ما هى دى طبيعه البنات ميحبوش حد يتكلم عليهم و يقول اننهم وحشين
او انهم عقليه تعبانه او يفضل حد عليهم
مع ان هى دى الحقيقه ان البنات الاجانب احسن من المصريات بكتيييييير
بغض النظر عن الملامح و كده فكفايه العقليه الاجنبيه

[wild_man]

معلش يا باشا يعني سؤال
حضرتك ليه بتخلط الامور ببعضها
واحده غلطط فيا المفروض مني ايه؟؟
اسمع كلام الاعضاء و اهدي نفسي؟؟
طب ما بدل ما الناس كده عماله تقولي هدي نفسك تروح تقولها تعتذر علي غلطها اللي هيا اساسا بدات بيه!!!!!!!
صح و لا انا غلطان ..؟؟؟؟
هو مثلا لما تكون انت في بيتك و حد دخل سرق بيتك و نزلت تبلغ عنه و طلع من منطقتك
و انت مصر انك تعمل له محضر و الناس بتقولك المسامح كريم و انت مصر
يبقي معني كده انك مش بتتقبل الراي الاخر؟؟
الراي الاخر اتقبله في النقاش
لكن في الاهانه مافيش راي اخر
ولا انت رايك ايه؟؟؟

متفق معاك جدا و لكن...
انتا دلوقتي لما لقيتها أهانتك زي مابتقول رديت عليها راحت ردت عليك و بعدين انتا كملت في الخط... بدرجة أن حتى لما هي توقفت أنتا كملت برضه و هو ده اللي احنا بنتكلم عنه و نقولك كفاية و هدي اللعب

[Chicco]

يا نهار أبيض ....أركان المنتدى زعلوا من بعض
أنت يا عم المافيوزو ...فين المطافي اللي قالك عليها حمدي باشا ...يووه أحمد باشا ...يوووه ابراهيم باشا ......كلاتاتة باشا و خلاص ......أهدى بقى يا عم البرنس كاظم ...يووه سنيور زيموس و خلاص

خيركم الذي يبدأ بالسلام

مين فيكم أحسن من التاني

[Ahmed Eraqy]

خلاص بقا يا استاذ حازم

انسى و حصل خير

[دموع الثلج]

لا حول ولا قوه الا بالله العلى العظيم


عين وصابتكم يا اعضاء نايل موتووووووورز كل موضوع فيه خناقه بين الاعضاء


هدى يا حاززززززززززم بيه الموضوع بسيط وعلا اكيد مش زعلانه منك هى بنت طيوووووووبه وعسوله جدا يا بيه احنا هنا اخووووووووات كلنا ومش محتاج الموضوع للاسف بينا

العفوووووووو عند المقدره

[hazem_khidr]

يا نهار أبيض ....أركان المنتدى زعلوا من بعض
أنت يا عم المافيوزو ...فين المطافي اللي قالك عليها حمدي باشا ...يووه أحمد باشا ...يوووه ابراهيم باشا ......كلاتاتة باشا و خلاص ......أهدى بقى يا عم البرنس كاظم ...يووه سنيور زيموس و خلاص

خيركم الذي يبدأ بالسلام

مين فيكم أحسن من التاني

يا دكتور هشام انت عارف غلاوتك عندي اد ايه مش محتاج اقولك
بس انت برضه ما ترضاش ليا ان كرامتي تتهان من اي حد
الموضوع مش مين يبدا بالسلام الموضع كله ان اللي غلط مش معترف انه غلط
يمكن انا قبلتها مره قبل كده من احد الاعضاء بس مش حقبلها تاني علشان ندمت جدا يومها.

خلاص بقا يا استاذ حازم

انسى و حصل خير

يا استاذ احمد الموضوع ليه رواسب عند صاحبه الموضوع انا ماليش يد فيها
ما بيعجبكيش رايي اوك انت حره بس انا مش مجبر اني اغير رايي علشان خاطر حد و بقولها للمره المليون

لا حول ولا قوه الا بالله العلى العظيم


عين وصابتكم يا اعضاء نايل موتووووووورز كل موضوع فيه خناقه بين الاعضاء


هدى يا حاززززززززززم بيه الموضوع بسيط وعلا اكيد مش زعلانه منك هى بنت طيوووووووبه وعسوله جدا يا بيه احنا هنا اخووووووووات كلنا ومش محتاج الموضوع للاسف بينا

العفوووووووو عند المقدره

دموع هانم عاش من شافك:)
هو مين اللي ليه الحق يزعل في التاني
يا ستي انا ما كلمتهاش و لا جيت ناحيتها يبقي مين اللي يزعل
و لو احنا اخوات يبقي كل واحد يحترم اخوه و ما يجرحش فيه .
و الاسف واجب علي اي حد يغلط سواء بقي كبير او صغير اخ ولا مش اخ
دي الاصول و دا المفروض ولا انا كلامي في حاجه غلط؟؟؟!!

[ams]

طيب . نحتكم لاحد اعضاء المنتدى الكبار يوافق عليه الطرفين و يرضيا حكمه و يتعهدا بتنفيذه
ما رايكما ؟

[دموع الثلج]

خلالالالالالالالالالالاص يا زوووووووومه بئه حقك عليا يا سيدى انا بعتذر لك بالنيابه عن علا احنا داخلين على رمضااااااااان وعاوزين ربنا يكرمنا بالصوم

وانتى يا عــــــــــــلا برضوه حقك عليا ومتزعليش من حازم

واياك ترد رد يغيظ يا حازم انا بحذرك اهوه هبعتلك صاروخ ارض جو لبيتكم

[Chicco]

طيب . نحتكم لاحد اعضاء المنتدى الكبار يوافق عليه الطرفين و يرضيا حكمه و يتعهدا بتنفيذه
ما رايكما ؟

فكرة هايلة.... و أنا اقترح أحمد باشا ابراهيم (معلهش يا توأمي الجميل ...بس ما فيش أصلح منك ) و أنا متأكد أن الاتنين حيوافقوا

"الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ "....آل عمران 134

[meza]

أستاذ حازم ... أنا مش عاوزك إنت و لا أى حد يزعل منى فى أى حاجة .. و أنا عمرى ما حاولت أضايق حد بكلمه ... أنا قلت اللى أنا شايفه بدون إنحياز لحد ...و أرجوك نحاول نقفل الباب على المشكلة دى .... مش كل شوية مشاكل فى المنتدى .... عاوزين نهدى شوية بقى ...

ممكن ننسى كل ده و منحاولش ندور مين اللى غلطان و مين اللى مش غلطان ... لأننا كده بنخلق مشاكل و زعل من بعض بدون أى داعى .... يعنى لو حد قالك إنتا غلطان أكيد هتزعل و لو حد قال للأستاذة علا إنتى غلطانة برضه هتزعل ... فبلاش ندور على الغلطان ... و حقكم عليا إنتوا الإتنين.

تحياتى أستاذ حازم و متضايقش منى.

[OlaOsman]

يا جماعة مافيش حاجة خلاص.. انا مش زعلانة من حازم كلنا هنا إخوات و ده بيتنا :)

خالص امتناني لكل المساعي المشكورة لتهدئة الجو. على فكرة المساعي المشكورة ده اسم مدرسة.. الشاطر بأه اللي يقول لي دي كانت مدرسة مين

لا بجد بجد.. جزاكم الله خيرا جميعا

[wild_man]

يا جماعة مافيش حاجة خلاص.. انا مش زعلانة من حازم كلنا هنا إخوات و ده بيتنا :)

خالص امتناني لكل المساعي المشكورة لتهدئة الجو. على فكرة المساعي المشكورة ده اسم مدرسة.. الشاطر بأه اللي يقول لي دي كانت مدرسة مين

لا بجد بجد.. جزاكم الله خيرا جميعا

مدرسة مهدئي النفوس أقسام 4 و 6 شعلة, و قريب هتفتح 8 :P

[aliabutaleb]

:)
خالص امتناني لكل المساعي المشكورة لتهدئة الجو. على فكرة المساعي المشكورة ده اسم مدرسة.. الشاطر بأه اللي يقول لي دي كانت مدرسة مين

المدرسة دي في كفر مصيلحة يا علا؟