زواج المصري من أجنبية.. ليه؟

[OlaOsman]

مدرسة مهدئي النفوس أقسام 4 و 6 شعلة, و قريب هتفتح 8 :P

:p و دي مهدئي النفوس و لا مشعللي النفوس؟

طيب بص بأه أخوك علي المخربش رادد بإيه تحت ردك على طول

[aliabutaleb]

:p و دي مهدئي النفوس و لا مشعللي النفوس؟

طيب بص بأه أخوك علي المخربش رادد بإيه تحت ردك على طول

منك لله
شكلك هاتودينا في داهية يا علا :p

أسيبكم بقى تكملوا النقاش عشان ميبوظش الموضوع أكتر من كدة

[hh]

المساعي المشكورة دي بتاعت مدرسة المشاغبين؟

[OlaOsman]

منك لله
شكلك هاتودينا في داهية يا علا :p

و انا مالي ياخويا؟ انا سألت سؤال و انت الوحيد اللي اتبرعت بالإجابة :p

[hamedo0]

حمد الله علي السلامه يا استاذه

[R A N A]

حمد الله على السلامة ياعلا
اخيرا ياستي رجعتي للموضوع الحمد لله

يالا بقي كملوا الموضوع ده وكل واحد يرد بموضوعية والنبي من غير محد يغلط حد ولا حد يقول عن رأيه هو بس اللي صح. :Angel_anim:

في امام من الأئمة قال جملة حلوة اوي:Angel_anim:
"رأيي صواب يحتمل الخطأ ورأي غيري خطأ يحتمل الصواب"

وبرده نرجع نقول ان الاختلاف في الرأي لايفسد للود قضية :Angel_anim:
وزي ماقلت في اكتر من مشاركة ليا اللي بيفضل يتجوز اجنبية ومقتنع تماما بده مفيش مشكلة ابدا انه يقول رأيه وينفذه كمان لو حب بس بدون تجريح في البنت المصرية وتطليع كل عيوب الدنيا فيها لإن كلنا بني ادم والانسان دائما مخلوق ناقص يبحث عن الكمال اللي عمره ماهيالاقيه لإن ببساطة الكمال لله وحده.
يعني زي مالبنت المصرية فيها عيوب ففيها ايضاً مميزات وزي مالراجل المصري مليان مميزات ففيه برده عيوب ونحاول مع بعض شوية نلقي الضوء علي المميزات ونبص لنص الكوباية المليان ونخف شوية من تسليط الضوء على العيوب عشان يبقي النقاش فيه شوية توازن بس مش اكتر.
وتقبلوا تحياتي جميعاً بما فيكم المعارض لرأيي بشده والمؤيد برده.
واتمني ميكونش في اي حد زعل من اي رد او مشاركة ليا تكون جرحته ولو من بعيد يعني لإني فعلا لم ولن اقصد التجريح في اي حد تماماً

[aif]

المساعي المشكورة دي بتاعت مدرسة المشاغبين؟

دوكها كانت مدرسة الأخلاق الحميدة ...... مين حميدة دي???
لكن المساعي المشكومة دي كانت one man show

[NOOR]

اخر كلام بناء على تجربتى

بعيدا عن مين احسن المصرية او الاجنبية
انا كنت حكيت لكم عن تجربتى فى الجواز من اجنبية التى اعتبرها ناجحة والحمد للة
يوجد نقطتين مهمين لازم الكل يعرفهم
1
لو ناوى تجوز اجنبية يبقى لازم تكون مشارك تماما فى تربية الاطفال علشان تقدر تعودهم على تقاليدنا وعاداتنا ودى نقطة مهمة جدا
انما لو مصرية مش هتبقى النقطة دى موجودة
وخلو بالكم دى مهمة جدا
2
الستات المصرية زى الاجنبية بعد الجواز
الفرق الوحيد ان الاجنبية هتقولك نفس الكلام بتاع المصرية بس بالانجليزى
زى انت شغال علطول وسايبنا
مفيش فرق جوهرى بين كل الستات على وجة الارض فى الخر نفس التفكير

واتمنى انى اكون ساعدتكم وشكرا

[Adham]

معلش بس كلمة اخيرة

البنات المصريين لية زعلانين ان الشاب المصري بيفضل الاجنبية ( ومش علشان الجنسية و الاقامة و الكلام الخايب دة)

ما البنات المصريين كمان بيفضلوا "العريس العربي"
وياما قصص عن البنات اللي سابت حبيبها و ابن الجيران و راحت اتجوزت "عريس عربي" و سافرت دولة عربية كام شهر و رجعت بعيل على كتفها وورقة طلاق في جيبها و قصص عن شغلها "خدامة" ل"متعددي الزوجات" وعن حاجات تانية بيجبرهم عليها مايصحش تتقال هنا,

بس معلش الفرق كبير بين اللي بيبيع لحمه علشان الفلوس

و اللي بيتجوز واحدة اجنبية علشان جمال و رقة و احترام و طريقة التفكير و تربية الاطفال و كفاءة في إدارة شئون البيت

[hh]

دوكها كانت مدرسة الأخلاق الحميدة ...... مين حميدة دي???
لكن المساعي المشكومة دي كانت one man show

مش فاهمة يعني ايه one man show?

على فكرة انا بشكرك يا استاذ احمد على ردك عليا لأن انا اتعودت ان اغلب مشاراكاتي يتم تجاهلها تماما زي ما تكون ما بتظهرش غير في الكمبيوتر بتاعي انا بس

[hh]

معلش بس كلمة اخيرة

البنات المصريين لية زعلانين ان الشاب المصري بيفضل الاجنبية ( ومش علشان الجنسية و الاقامة و الكلام الخايب دة)

ما البنات المصريين كمان بيفضلوا "العريس العربي"
وياما قصص عن البنات اللي سابت حبيبها و ابن الجيران و راحت اتجوزت "عريس عربي" و سافرت دولة عربية كام شهر و رجعت بعيل على كتفها وورقة طلاق في جيبها و قصص عن شغلها "خدامة" ل"متعددي الزوجات" وعن حاجات تانية بيجبرهم عليها مايصحش تتقال هنا,

بس معلش الفرق كبير بين اللي بيبيع لحمه علشان الفلوس

و اللي بيتجوز واحدة اجنبية علشان جمال و رقة و احترام و طريقة التفكير و تربية الاطفال و كفاءة في إدارة شئون البيت

استاذ ادهم جواز المصريات من العرب عشان الفلوس بطريقة البيع دي غالبا بتبقى في الطبقات الادنى ثقافيا و اجتماعيا مش حاجة ممكن نعممها على المصريات.

[Adham]

مش دي اللي جنب مدرسة "أبو الهول"

[R A N A]

بعيدا عن مين احسن المصرية او الاجنبية
انا كنت حكيت لكم عن تجربتى فى الجواز من اجنبية التى اعتبرها ناجحة والحمد للة
يوجد نقطتين مهمين لازم الكل يعرفهم
1
لو ناوى تجوز اجنبية يبقى لازم تكون مشارك تماما فى تربية الاطفال علشان تقدر تعودهم على تقاليدنا وعاداتنا ودى نقطة مهمة جدا
انما لو مصرية مش هتبقى النقطة دى موجودة
وخلو بالكم دى مهمة جدا
2
الستات المصرية زى الاجنبية بعد الجواز
الفرق الوحيد ان الاجنبية هتقولك نفس الكلام بتاع المصرية بس بالانجليزى
زى انت شغال علطول وسايبنا
مفيش فرق جوهرى بين كل الستات على وجة الارض فى الخر نفس التفكير

واتمنى انى اكون ساعدتكم وشكرا

الله ينور عليك والله

كده حضرتك قلت المفيد فعلاً

بجد رغم اني استغربت لومك عليا في المشاركة اللي انا قلتها وافتكرتني بقصد ان كل مصري يتجوز اجنبية يبقي مريض نفسي وده مكنش القصد طبعا وانا عمري ماعممت اي قاعدة ودايما بعتز بمقولة ان لكل قاعدة شواذ ومش كل الناس وحشة ولا كل الناس حلوة (درسنا كده في المنطق "كل وبعض ومعظم")وفي فئة معينة فقط هي اللي بتلجأ للجواز من اجنبية عشان المصالح وبس .

وربنا يباركلك في زوجتك وولادك وتنشئ منهم جيل يشرفنا بجد في مصر وبره مصر

[R A N A]

استاذ ادهم جواز المصريات من العرب عشان الفلوس بطريقة البيع دي غالبا بتبقى في الطبقات الادنى ثقافيا و اجتماعيا مش حاجة ممكن نعممها على المصريات.

بالضبط كده
وارجع واقول للمرة ال 70000 البنات المصريين مش زعلانين ان الشباب المصري بيتجوز اجنبية وبيفضلها عليها

احنا بنزعل لمل تطلعونا احنا وحشين جدا وسيئين جدا وتطلعوهم هما ملايكة جدا وقمرات جدا ومحترمين جدا جدا جدا وتقعدوا تطلعوا فينا القطط الفاطسة احنا لوحدنا دونا عن بنات العالم كله و تذكروا في كل السلبيات اللي مجمعة من شوية خبرات سيئة مش اكتر وتتعمم وتبقي قاعدة تنطبق علي كل المصريات وبكده سمعة بنات مصر تضرب في العالم كله ويتقال اهوه مالشباب المصري هو اللي بيقول هو احنا جبنا حاجة من عندنا وشهد شاهد من اهلها اتفرج ياعم علي بنات مصر
والكلام ده ممكن يطمع فينا كل الناس ويخليهم هما كمان يسيئولنا بشدة. وبدل ماشبابنا هو اللي يدافع عن اخته وزميلته وقريبته ومراته وبنته يبقي بيهاجم وبس.

بس كده

انتهي

[eng/muhamad]

معلش بس كلمة اخيرة

البنات المصريين لية زعلانين ان الشاب المصري بيفضل الاجنبية ( ومش علشان الجنسية و الاقامة و الكلام الخايب دة)

ما البنات المصريين كمان بيفضلوا "العريس العربي"
وياما قصص عن البنات اللي سابت حبيبها و ابن الجيران و راحت اتجوزت "عريس عربي" و سافرت دولة عربية كام شهر و رجعت بعيل على كتفها وورقة طلاق في جيبها و قصص عن شغلها "خدامة" ل"متعددي الزوجات" وعن حاجات تانية بيجبرهم عليها مايصحش تتقال هنا,

بس معلش الفرق كبير بين اللي بيبيع لحمه علشان الفلوس

و اللي بيتجوز واحدة اجنبية علشان جمال و رقة و احترام و طريقة التفكير و تربية الاطفال و كفاءة في إدارة شئون البيت

ارفعلك القبعه بشده
كلام مظبوط فعلا الفرق كبييييييييييييير