نعمة باى النادي الشمس ؟؟؟

[شريف]

السلام عليكم
حد راح نعمة باى قبل كدة اللي جنب مجمع الاسكواش و السيرك و يا تري الدخول لاعضاء النادي بس
و هو فية كافيهات و لا مطاعم و المستوي عامل اية ؟
جزاكم اللة خيرا

[Moustafa_Kamel]

لا يا باشا الدخول لاي حد و ممكن تركن جوا النادي بخمسه جنيه علي ما اعتقد لو مش عضو في النادي و ليها باب من جوا النادي و ده لو ما لاقيتش مكان بره
هي فيها مطاعم و كافيهات و باند شرقي و غربي و لذيذه في اعياد الميلاد و خلافه
و فيها اماكن للعب الاطفال
و اسعارها مش بطاله و علي ما اعتقد فيها حفله في١٨ فبراير لكريم محسن
في المناسبات بيبقي فيها مينيمم شارج (مش فاكر كام)و في الايام العاديه مافيش
بتبقي حلوه بالليل و خصوصا يوم الخميس و الاجازات

[أبو صلاح]

دي مكانها فين بالظبط؟

[شريف]

لا يا باشا الدخول لاي حد و ممكن تركن جوا النادي بخمسه جنيه علي ما اعتقد لو مش عضو في النادي و ليها باب من جوا النادي و ده لو ما لاقيتش مكان بره
هي فيها مطاعم و كافيهات و باند شرقي و غربي و لذيذه في اعياد الميلاد و خلافه
و فيها اماكن للعب الاطفال
و اسعارها مش بطاله و علي ما اعتقد فيها حفله في١٨ فبراير لكريم محسن
في المناسبات بيبقي فيها مينيمم شارج (مش فاكر كام)و في الايام العاديه مافيش
بتبقي حلوه بالليل و خصوصا يوم الخميس و الاجازات

اول حاجة شكرا يا باشا علي الرد
يعني الدخول مجاني من غير تذكرة ب 20 جنية زي بقية بوابات النادي جميل جدا
طب مستوي الكافيهات هناك اية ؟ زي تيفولي كدة ؟ سيلانترو و كافيشوب كمبني مثلا و لا عادية ؟
و في اماكن مفيهاش شيشة و عائلية ؟
معلهش لو ممكن اخد اسامي الاماكن دي كمان ؟

[Moustafa_Kamel]

اول حاجة شكرا يا باشا علي الرد
يعني الدخول مجاني من غير تذكرة ب 20 جنية زي بقية بوابات النادي جميل جدا
طب مستوي الكافيهات هناك اية ؟ زي تيفولي كدة ؟ سيلانترو و كافيشوب كمبني مثلا و لا عادية ؟
و في اماكن مفيهاش شيشة و عائلية ؟
معلهش لو ممكن اخد اسامي الاماكن دي كمان ؟

مستوي الكافيه هناك مش بطال ابدا وفيه زي بحيره صغيره فوقيها كوبري صغير بحب اقعد جمبها
هي اوبن دور و فيها شيشه طبعا في اي حته ( ده انا اصلا بروح هناك علشان اشيش)بس فيها مكان داخلي بس صغير و ما بحبش اقعد فيه
و هي من ناحيه العائليه فهي عائليه جدا و خصوصا لو عندك اطفال صغيرين
و علي فكره هي مش كبيره قوي من جوه زي ما باين عليها من بره
فيها هناك مطعم مشاوي بس بصراحه عمري ما اكلت هناك
و الاحلي للاطفال ان فيها مكان زي مراجيح و العاب و فيه هناك باند بالليل و دي جيه
بصراحه انا باخد فيه مراتي و العيال لانه قريب و عائلي جدا و كله اسر و عائلات

عموما الدخول هناك ببلاش يعني ممكن تبص علي القعده اذا ما عجبتكش مش هاتخسر حاجه بس روحه بالليل لانه الصبح بيبقي ممل لانه ما بيبقاش فيه حد و هو علي ما اعتقد بيشتغل كويس من الساعه اربعه

الاسعار هناك اخر مره اخدت هوت شوكلت و بيبسي و تفاح بالقرفه و شيشه و وجبه اطفال ناجتس و بطاطس و دفعت ١٠٠ جنيه (اصل انا كنت لسه هناك يوم الخميس)