حادث سطو مسلح + التفاصيل والصور-واقعه حقيقية

[ahmedhilmy]

الحمد لله انك بخير و ربنا ينتقم من كل بلطجي و قاطع طريق

[Formulator]

الحمد لله على سلامتك،

- بس صحيح: ليـــــــه محاولتش تجرى أول ما لقيتهم بيزنقوا عليك؟؟
ولما نزلوا عليك بالسلاح.. ليه بردو مادوستهمش!!

ولا انت إتخضيت من الموقف والسلاح؟!!!

حسبنا الله ونعم الوكيل فـ كل مجرم قاطع طريق.
ربنا يسترها علينا جميعا ان-شاء الله..

[ahmed4000]

مهو تقريبا بيقول كانوا قفلوا عليه بالعربية
وبعدين اذا كان الحيوان ده ضرب نار على القزاز علشان يوقعه اومال لو كان جريوا كانوا حيعملوا ايه

هى مفيش راجل يعرف يشد البلد دى ويعدلها ليه؟

[Ahmed_Adham]

ألف سلامه عليكو وحسبي الله ونعم الوكيل ف كل واحد بيرفع سلاح يقتل أو يخوف بيه الناس.

[Mo3taz Selim]

حمدا لله على سلامتك

ربنا يسترها معانا جميعا

[midooo_119]

الف سلامه عليك ربنا يعدى الايام دى عالخير بقى

[tarekmomo]

لا حول ولا قوة الا بالله حمد الله على يلامتك ربنا يستر طريقك وطريقنا

[memoo305]

لا حول ولا قوة إلا بالله
ماتمشيش في الطريق ده بالليل تاني

[assaf]

الحمدلله علي سلامتك
و الحمدلله انك بخير فداك العربيه
بس المكان دا عند الكوبري اللي بيتبني جديد صح
اصل هناك المفروض في كمين شرطة عسكريه

[mr_sameh]

الف سلامه والطريق ده سئ جدا

[beautiful0mind]

الف حمدلله على سلامتك , وفداك اى شئ

وحسبى الله ونعم الوكيل فى مثل هؤلاء

[salah_86]

ايوة فعلا 122 دى البلا لا خالص
يعنى انا مرة ناس زى اللى حضرتك بتتكلم عليهم دول زنقوا عليا عند طريق السويس وانا كنت خارج من شغلى بليل ( المطار ) والكاوتش ضرب منى بس الحمد لله كان الخلفى يمين ومرضيتش اقف لحد ما دخلت بالعربية عديت الجزيرة ودخلت قدام قيادة الطريق السريع اللى موجودة هناك الطريف انى من اول مزنقوا عليا كنت طلعت الموبايل وكلمت 122 ولا حياة لمن تنادى
وطلعت بان الجنط باظ وكانت لاول مرة انزل الاستبن ورحت اشتريت غيرة استيراد بكاوتش جديد ومن ساعتها مبقتش امشى من الطريق دا بليل متاخر كدا



بس انا بسال حضرتك انت ليه وقفت اصلا؟

[midooo_119]

ايوة فعلا 122 دى البلا لا خالص
يعنى انا مرة ناس زى اللى حضرتك بتتكلم عليهم دول زنقوا عليا عند طريق السويس وانا كنت خارج من شغلى بليل ( المطار ) والكاوتش ضرب منى بس الحمد لله كان الخلفى يمين ومرضيتش اقف لحد ما دخلت بالعربية عديت الجزيرة ودخلت قدام قيادة الطريق السريع اللى موجودة هناك الطريف انى من اول مزنقوا عليا كنت طلعت الموبايل وكلمت 122 ولا حياة لمن تنادى
وطلعت بان الجنط باظ وكانت لاول مرة انزل الاستبن ورحت اشتريت غيرة استيراد بكاوتش جديد ومن ساعتها مبقتش امشى من الطريق دا بليل متاخر كدا
بس انا بسال حضرتك انت ليه وقفت اصلا؟

لاحول ولا قوة الا بالله الحمد لله انك سليم و فكرت كده

[salah_86]

لاحول ولا قوة الا بالله الحمد لله انك سليم و فكرت كده

الحمد لله رب العالمين ربنا الهمنى انى اكمل لحد اليوترن وامشى عكسى الشوية الصغيرين دول لحد قيادة الطريق انا كنت مخضوض فعلا بس الحمد لله انى عرفت اتصرف ولما حسبتها بسرعة قلت فى داهية الجنط طالما هعرف افلت بالعربية والحمد لله ان ربنا نجانى وطبعا اول س ما هوبت ناحية قيادة الطريق جريوا البهوات الحمد لله انهم مكنوش بجحة ودخلو ورايا
ربنا يسترها علينا كلنا وعلى اللى زينا

[speed_magnum]

ايوة فعلا 122 دى البلا لا خالص
يعنى انا مرة ناس زى اللى حضرتك بتتكلم عليهم دول زنقوا عليا عند طريق السويس وانا كنت خارج من شغلى بليل ( المطار ) والكاوتش ضرب منى بس الحمد لله كان الخلفى يمين ومرضيتش اقف لحد ما دخلت بالعربية عديت الجزيرة ودخلت قدام قيادة الطريق السريع اللى موجودة هناك الطريف انى من اول مزنقوا عليا كنت طلعت الموبايل وكلمت 122 ولا حياة لمن تنادى
وطلعت بان الجنط باظ وكانت لاول مرة انزل الاستبن ورحت اشتريت غيرة استيراد بكاوتش جديد ومن ساعتها مبقتش امشى من الطريق دا بليل متاخر كدا



بس انا بسال حضرتك انت ليه وقفت اصلا؟

وقفت لانها ما كانش ليها حل تاني
انا ماشي علي سرعة عشرين
غير متحفز
وصلت البيت تقريبا
عمال العب في الكاسيت
فجأه عربيه بالعرض قدامي شباكها نازل ورشاش متوجهلي
ما جاش في بالي غير اني اشيل مفتاح العربيه ما طلعش
حاولت احط ايدي عالفتيس اجيبه علي البارك علشان اطلع المفتاح ما لحقتش ولا جه في بالي اكسر المفتاح
لو انا متحفز او شايفه من بعيد وهو بيقطع عليا او ماشي بسرعه عاليه اكيد ما كنتش هقف لكن تقريبا ساعتها كنت ماشي علي سرعة 20 او اقل
علشان بس ما حدش يسألني السؤال ده تاني