كنت عاوز اشركوا معايا فى موضوع هيجننى

[theking2690]

انا بعتبركوا فى مقام اخواتى فقلت لازم استشيركوا حصل انهارده موقف غريب جدا يا جماعه مخلينى خلاص هتجنن انا من عادتى انى بسيب مفاتيح الشقه بعد ما بدخل البيت ساعات فى المكتبه او بسيبها فى جيبى وانا بره عمر ما المفتاح بيطلع من جيبى المهم انا نزلت و جيت انهارده سبتها فى المكتبه و نمت و صحيت و نزلت تانى وانا راجع جى افتح الباب بالمفتاح لقيت المفتاح مش هو لقيتو اتغير بمفتاح تانى واحنا مكنش عندنا حد غريب غير الشغاله وواحده قريبتنا كانت بايته معانا فنا الصراحه شاكك فى الاتنين اولا لأن قريبتنا ديه بتمر بضائقه ماليه فى الوقت الحالى بس برضو بحاول اكدب نفسى و احساسى لأنى قريبتنا ديه احنا بنحبها جدا جدا وبنخاف عليها قوى و ياما وقفنا جنبها فى مواقف كتيييييير وبالنسبه للشغاله برضه بشك فيها بس برضه بكدب نفسى لأنى الشغاله ديه هى اللى مربيانى من وانا عندى سنتين و بنعتبرها زى اختنا وانا متأكد ان المفتاح د اتغير انهارده و اللى غيره غيره بغرض السرقه لأنو عارف ان احنا كلنا مسافرين الاسبوع الجاى مش عارف اعمل ايه انا خلاص هتجنن من كتر التفكير و هل خلاص فعلا الدنيا مبقاش فيها امان للدرجه ديه مستنى نصيحتكوا ليه علشان انا مش عارف اعمل ايه

[TICOXX]

غيير الكالون :)

[MMamdouh]

حرص ولا تخون... غير الكالون فورا

MMamdouh

[Ahmed Samy]

هاتعمل ايه يعني ؟؟
غير الكالون و خلاص
بس حاول تعمل كمين فلوس للاتنين (سيب ميتين جنيه مرميين قدام واحدة فيهم) و تابع

و يارب تطلع الشغالة يا سيدي

[kareem_Ashmawy]

مبقاش فى حاجة غريبة اليومين دول
حرص و لا تخون
و غير الكالون فورا

[farafiroooo]

لو وصل انك تركب باب حديد مش مهم
غير الكالون وركب واحد اضافي
مدام فيه نية للسرقة يبقي لازم تشوف موضوع المفتاح ده راح فين وازاي ودور علي المفتاح فكر سم فالشقة
واشتغل مخبر شوية كدة لحد ماتطمن
ومتظنش فالناس اللي حواليك لان جايز يبقوا مظلومين
وربنا يستر

[theking2690]

انا فعلا هغير الكالون بكره الصبح بس موضوع الباب الحديد ده مش هقدر اعمله غير لما ارجع من السفر قبل كده مش هقدر بس انا فعلا عاوز اعرف مين اللى عمل كده لأن الموضوع ده هيخلينى اشك فى كل اللى حواليا

[Ramy_Tantawi]

الأول استخير الله وتذكر ان بعض الظن اثم وحاول قدر المستطاع ان تتجنب هذا الاثم ان شاء الله وطبعاً الحل الأول هو تغيير الكالون بس حاول تستفيد من موضوع تغيير الكالون يعني اكيد حضرتك لما تغير الكالون اللي مع حضرتك في البيت هيحتاجوا يغيروا مفاتيحهم هم كمان وبالتالي ده هايثير تساؤل هو انت ليه بتغير الكالون ؟ حاول تجاوب في حضور كل اللي مع حضرتك في البيت بما فيهم قريبة حضرتك والشغاله وقولهم ( حصل معايا موقف غريب يا جماعه المفاتيح بتاعتي من يومين بافتح بيها مافتحتش وواضح انها اتبدلت بمفتاح تاني !!!! طبعاً ده هايثير تساؤل عند اللي عندك وهو يعني ايه ؟ حاول انت وقتها تراقب الوشوش من تحت لتحت وقول انا شاكك في حد بس الله اعلم انا مش عاوز اظلم حد واسكت شويه ................................................قد يتطوع احد الحاضرين ويقولك شاكك في مين يعني ........رد بسرعه وقول اكيد مش هنا في البيت يعني,,,,,,,,, (تأكد ان الجزء ده في الكلام لو احد الحاضرين لا قدر الله هو صاحب المشكله هيبان اي تأثر على وشه اللحظه دي )واكمل كلامك....انا شاكك في حد من صحابي مثلاً أو اختار انت اي حد من بعيد يعني ماحدش يعرفه عشان تسبك الدور ..... اهم شيء تراقب الوشوش ورد الفعل بهدوء ومن تحت لتحت وان شاء الله هايتبين لحضرتك ايه اللي حاصل .

اعتذر عن اسلوب كونان ده بس برضه الواحد اكيد احسن ليه يتأكد بنفسه بدل ما يشك في اللي حواليه وفي نفسه لئن ليها مساوئ كتير ان الواحد يكون شاكك في حد معاه.

يا رب اكون اضفت حاجه وان شاء الله ربنا يكرمك وتعرف ايه اللي حاصل .......كمان مصيدة الفلوس دي امر وارد برضه بس الخوف الفلوس تتاخد ومانعرفش مين اخدها برضه يبقى هانضطر نرجع لعم كونان عشان نعرف من اخد المفاتيح ومين اخد الفلوس.

[KarimAbulEla]

فعلا موقف صعب و انا اعتقد انك سواء كانت قريبتك او سواء كانت الشغالة اللى معاكم من زمان فالفجيعة سوف تكون متساوية و انا اتمنى من قلبى ان يكون المشتبه به خارج هذه الدائرة من اصله او تكون شكوكك غير صحيحة حتى ينتهى الموضوع ، و طبعا موضوع الكالون ده اساسى و ياريت تغيره من غير ما حد يحس ، و ربنا الحامى و طمنا فى الاخر

[theking2690]

ما هى المشكله انى قريبتى مشيت انهارده و فعلا انا بفكر اغير الكالون من غير ما حد يعرف غير طبعا اخواتى و ماما و بابا و نفسى فعلا انا الموضوع ده كلو يطلع على فاشوش لأن لو طلع اى حد من الاتنين دول صدمتى هتكون كبيره اوى انا قاعد لحد دلوقتى افكر مش عارف انام

[Chicco]

هو موقف فعلا صعب و محير بس فيه درس مهم للنهارده و طول العمر ...بالظبط زاي ما الاخوة ما قالوا ...حرص و ما تخونش ....و اتقى الظن إن بعض الظن إثم ....غير الكالون و اعتبر الموضوع كأن لم يكن و ربك الستار إن شاء الله

[جمال]

بدل ماتغير الكالون ممكن تغير السلندر فقط وهى الجزء النحاس الصغير اللى بيدخل فيه المفتاح وطبعا السلندر الجديد بمفاتيحه
ودى ممكن تغيرها بنفسك و فى هدوء بدون علم المشكوك فيهم وقبل السفر طبعا
وده أأمن وزى ماقالوا الاخوة حرص و لا تخون

[ehabradwan]

بالظبط كده زي ما هيما قال غير القلب بس ود مش هياخد ربع ساعة
بس انت متاكد ان المفتاح اتغير فعلا

[Noha.M]

هاتعمل ايه يعني ؟؟
غير الكالون و خلاص
بس حاول تعمل كمين فلوس للاتنين (سيب ميتين جنيه مرميين قدام واحدة فيهم) و تابع

و يارب تطلع الشغالة يا سيدي

فكرتنى يا احمد بمامتى عملت كمين لل servant اللى كانت عندنا ب 800 جنيه و اتطلتشو كلهم و ماما تقولها كان فيه هنا فلوس و كدة و البنت تقولها والله ما اخدت و عمالة تدور مع ماما و ماما سابتها و نزلت هيهيهيهىى :p

بص يا كينج اساساي تغير كالون الباب و حرص و لا تخون

[جمال]

فكرتنى يا احمد بمامتى عملت كمين لل servant اللى كانت عندنا ب 800 جنيه و اتطلتشو كلهم و ماما تقولها كان فيه هنا فلوس و كدة و البنت تقولها والله ما اخدت و عمالة تدور مع ماما و ماما سابتها و نزلت هيهيهيهىى :p

بص يا كينج اساساي تغير كالون الباب و حرص و لا تخون

حلوة يانهى
ده كان كمين لمين بالضبط ؟