يوم أجازة في حياة عضوه (للأزواج والزوجات فقط) !!!!

[friendship7897]

الحقيقه ان الأخت الزميله فتحت موضوع من اخطر و اهم ما يمكن او من الأخر جت علي الجرح
ربنا يعني و يعنكم علي تنفيذ حتي لو جزء بسيط من اللي فات و يديم علينا و عليكم نعمه الصحه و اهدوء البال و يبارك في اولادنا جميعا

عارف يا أ/ ahmedhilmy أنا كنت بحكي اللي شوفته في النادي مقصدتش إن أدوس على الجرح ، لكن واضح من مشاركة الأعضاء وعدد المشاهدين إن الموضوع خطير بجد
وربنا يهدينا كلنا للصلاح ، ولاقيت حوار حلو أوي من زوجة مش نكدية ( لكنها نكدية ) :-

هل تعلم يا زوجي لمادا انا نكدية

اتحدث لاتعيرني الاهتمام واذا حدث تبدأ بالقاء التهم في وجهي ده اذا كنت انا المخطئه وكأنها فرصه وجاتلك (تفش غلك)

انا نكديه لان
تعشق التلفزيون والكنبة اكثر من اي شئ وعندك استعداد ان تستغني عني ولاتستغني عنهم ابدا

انا نكديه لان
عندما اتعطروالبس احسن الثياب لاتكلف خاطرك وتقول لي كلمه حلوه (باحبط بعد عنكم)

انا نكديه لان
عندما يفيض بي الحال واسألك عن رأيك في شعري او لبسي او حتي العطر لااسمعالا همهمه لا افهم منها شئ والادهي انك لا تكلف خاطرك ان ترفع نظركالي

انا نكديه لان
اقضي النهار كله في المطبخ احضر ايشي حلووايشي حادق وارتب المائده فلا يكون رده فعلك الا ان تقول ان الاكل ناقص ملح واذاكان مظبوط تقول انه فيه طعم كده مش عارف ايه

انا نكديه لان
عندما تستعد للنوم واحاول ان ابقيك معي حبه تقعد مغمض العينين وكأنك في معسكر تعذيب وتنام مني حبه وحبه اسمع شخيرك وانا اتحدث اليك

انا نكديه لأن
عندما اتحدث اليك تشعرني كم انا تافهه وسطحيه التفكير وان كنت كذلك فبامكانك ان تاخذ بيدي وتهديني كتابا وتناقشني فيه

انا نكديه لأن
اطلب منك الكثير منالرعايه والحب والحنان ولااجد الا القليل بل اقل القليل
كيف تنتظر مني ان استقبلك بالابتسامه والقبله الحاره والحضن الدافئ وانت لا تبتسم الا في المناسبات والاعياد
كيف تطلب مني ان اتزين واتجمل وانت لا تكاد تراني

اذن الزوجه النكديه ليست لانها كده وبتحب النكد اكيد في حاجات بتأثر في المرأه بتخليها كده

[friendship7897]

انا اول واحد اقترحت موضوع اننا نروح ونبتسم حتى لو مش قادرين ونتكلم حتى لو تعبانيين وتاخد هديه
وقد كـــــــــــــــــــــــان:
اخدت علبه جاتوه وروحت البيت وابتسمت وضحكت واتكلمت واذ فجأه
انا ليا عندك 45ج جبت بيهم حاجات وكان فى 105ج من الشهر اللى فات ماخدتهمش وصرفت من فلوس البنت 50ج فعايزاهم بقه
بصراحه فضلت اضحك لدرجه انها اتنرفزت من ضحكى بسص طبعا انا كنت بضحك على الموضوع بتاع freindship
وقولتلها حقك على امى ودخلت نمت
ادى جزاء اللى يتكلم ويضحك ويبتسم ويجيب هدايا لا خلينا فى الروتين احسن

هههههه أنا قولت وردة مش علبة جاتوه
أهي طمعت فيك

[friendship7897]

كلام سليم وانا عن نفسى حجربها ... دى اول نقطه ايجابيه فى الموضوع... محتاجين دايما نكون ايجابيين وسط ضغوط الحياه

ها يا أ/ hossam_elwani عملت أيه ؟ جبت الورد ولا لأ ؟
وكانت نقطة إيجابية بجد ! ولا زي قلتها
أنا شخصياً جبت ثلاثة وردات ( واحدة حمرا ، وواحدة بيضاء ، وواحدة صفرا ) وحطهم في فازة صغيرة على الكمودينو ، بس جوزي للأسف جه متأخر أوي وأنا كنت نمت - صحيت على صوت كسر ( الفازة أتكسرت ، والورد وقع ) ، وزعق لي وقال حد يحط حاجة هنا ، قولت له : بس مأخدتش بالك من الورد ؟ قال لي : حلو حلو

وايضا موضوع الهدايا
له مفعول السحر لكلا الطرفين (هو فى كلتا الحالتين انت اللى دافع) بس والله بيرفع المعنويات للسماء
ويارب يجعل لكم فى بيوتكم السكينه والمحبه

يا رتني قريت مشاركتك دي قبل ما أجي الشغل - علشان كنت طلبت منه ثمن الفازة والهدية

[أبو صلاح]

الموضوع ده رائع جدااااا
انا متجوز بقالي سنة و4 شهور وفعلا بدأت احس بالموضوع ده
والمشكلة كمان موضوع الغربة زاد الطين بلة كمان مع وجود طفل 8 شهور الموضوع بقى خل خالص

لكن صراحة بنحاول نسيطر على الموقف بقدر الامكان
المشكلة عندي اني بحب اخرج ومش بحب قعدة البيت واجي بالليل بعد الشغل اقول لمراتي تعالي نخرج تقولي مش قادرة (صراحة ربنا يكون في عونها بسبب الولد وقلة النوم والارهاق المستمر)

المشكلة التانية اللي عندي اني مش بعرف اشتري هدايا مطلقا يعني مش بعرف اختار
وكل ما افكر في حاجة اخاف زوقي ما يعجبها او يكون عندها نفس الحاجة
طيب اعمل ايه؟

[M.Hosni]

المشكلة يا جماعة الحاجة الايجابية ممكن تتفهم غلط

يعني لو جايب ورد وراجع بيه البيت علشان تفرح بيه

تسمع بقى كلام من عينة

- شكلك عامل مصيبة و عايز تداري عليها ,

- و لا أعترف و قول عملت ايه النهاردة

- يا ستي و الله مفيش حاجة

- اومال الورد ده جايبه ليه

- علشانك انتي

- و ايه المناسبة

- مفيش مناسبة ,

- آآآه , مش بقولك عامل مصيبة

[المنسي]

الزوجة لما تعوز تخرج يبقي لازم نخرج
الزوج لما يعوز يخرج تقول له لا اصل انا تعبانة طول اليوم
ودى حقيقة موجودة فى كل البيوت
لما الزوج بيخرج مع زوجته علشان ميزعلهاش اكيد بيبقي تعبان فبيطلع بالشكل اللى انتى شفتيه
لما الزوجة بتخرج بتخرج فى حالة واحدة لما بيبقي ليها مزاج

[friendship7897]

المشكلة التانية اللي عندي اني مش بعرف اشتري هدايا مطلقا يعني مش بعرف اختار
وكل ما افكر في حاجة اخاف زوقي ما يعجبها او يكون عندها نفس الحاجة
طيب اعمل ايه؟

حاول وهتقدر وبالتعود هتعرف اللي بتحبه واللي محتاجاه ( تهادوا تحابوا )

المشكلة يا جماعة الحاجة الايجابية ممكن تتفهم غلط

عندك حق - أنا لما جوزي يبعت لي ماسدج بيقول لي فيه بحبك أو وحشتيني وبصراحة بفرح بيها أوي - وبالرغم من كدة بقلق وأرد عليه بماسدج وأقول له : شاكلك عامل مصيبة - الموضوع يعدي ، ويعاتبني كمان : ليه تقولي كدة ولا مصيبة ولا حاجة ، ولما ما علقش ولا أرد عليه أو أرد عليه : وأنا كمان بحبك - آلاقيه بيكلمني ويقول لي هضطر أبات عند ماما إنهاردة

الزوجة لما تعوز تخرج يبقي لازم نخرج
الزوج لما يعوز يخرج تقول له لا اصل انا تعبانة طول اليوم
ودى حقيقة موجودة فى كل البيوت
لما الزوج بيخرج مع زوجته علشان ميزعلهاش اكيد بيبقي تعبان فبيطلع بالشكل اللى انتى شفتيه
لما الزوجة بتخرج بتخرج فى حالة واحدة لما بيبقي ليها مزاج

واضح إن الزوج النكدي أو الزوجة النكدية مقولة معروفة في أغلبية الأسر ، والنكد دا مش بندأ حياتنا الزوجية بيه – وأكيد فيه أسباب هو اللي بيولد هذا المصطلح بين الزوجين يمكن يكون أسباب أقتصادية أو نفسية
لكن أكيد لمعالجة هذه الأسباب بيحتاج كل من الزوجين نوع من الحكمة والصبر وحسن العشرة لأن عشرة الزوجين وحسن معاملتهم لبعض أكيد هيمحو اللي بيعكر صفوهم ، يعنى أنا أعتقد من ناحية الزوجة الحل الأمثل الطاعة لو هو الصح أو هي الصح وأعتقد الطاعة دي هتخلي الزوج يغفر لزوجته ويتسامح معها ويقف مع نفسه ويدرك إن زوجته تتحمله وتتحمل أخطاءه في حقها وعليه أن يقدر لها طاعتها وصبرها معها وأكيد دا هيؤدي إلى تحسنه ولو بعد فترة لأن الله تعالى يقول ( إدفع بالتي هي أحسن فإذا الذي بينك وبينه عداوة كأنه ولي حميم) – فما بالكم باللي بنحبه ويحبنا ؟!

وأعتقد من ناحية الزوج تقليل العبوس في وجه الزوجة وحرمانها من الإبتسامة ، وإذا كانت الإبتسامة في وجه أخيك تقربك من الله فما بالكم في وجه الزوجة ( وتبسمك في وجه أخيك صدقة ) فتبسمك لمراتك بلا شك أشد قربة إلى الله تعالى .

[M.Hosni]

عندك حق - أنا لما جوزي يبعت لي ماسدج بيقول لي فيه بحبك أو وحشتيني وبصراحة بفرح بيها أوي - وبالرغم من كدة بقلق وأرد عليه بماسدج وأقول له : شاكلك عامل مصيبة - الموضوع يعدي ، ويعاتبني كمان : ليه تقولي كدة ولا مصيبة ولا حاجة ، ولما ما علقش ولا أرد عليه أو أرد عليه : وأنا كمان بحبك - آلاقيه بيكلمني ويقول لي هضطر أبات عند ماما إنهاردة

.

سبحان الله , نفس الكلام

هو انتوا كلكم كده ,

طيب دي جينات نسائية و لا إيه ؟؟؟

[المنسي]

المشكلة يا جماعة الحاجة الايجابية ممكن تتفهم غلط

يعني لو جايب ورد وراجع بيه البيت علشان تفرح بيه

تسمع بقى كلام من عينة

- شكلك عامل مصيبة و عايز تداري عليها ,

- و لا أعترف و قول عملت ايه النهاردة

- يا ستي و الله مفيش حاجة

- اومال الورد ده جايبه ليه

- علشانك انتي

- و ايه المناسبة

- مفيش مناسبة ,

- آآآه , مش بقولك عامل مصيبة

- شكلك عامل مصيبة و عايز تداري عليها ,
بسمع الجملة دى كتيييييييييييييير

[friendship7897]

ولما ما علقش ولا أرد عليه أو أرد عليه : وأنا كمان بحبك - آلاقيه بيكلمني ويقول لي هضطر أبات عند ماما إنهاردة

سبحان الله , نفس الكلام

هو انتوا كلكم كده ,

طيب دي جينات نسائية و لا إيه ؟؟؟

أنت بصيت على نصف الكوباية المليان - أنت ليه مقريتش النص دا !!!
يعني مش جينات ولا حاجة - بتكون شوكي في محلها - وأنا إديت مثل إنه هيبات عند ماماته - أو يقول أتغدوا أنتوا أنا أتغديت - أو هسهر مع صحابي إنهاردة - دي بسبب المسادج اللي أنا مردتش عليها - بمسدج غلاسة - ورديت عليه بمسدج حب
يعني الغلاسة بتجيب نتيجة

[M.Hosni]

[/right]


أنت بصيت على نصف الكوباية المليان - أنت ليه مقريتش النص دا !!!
يعني مش جينات ولا حاجة - بتكون شوكي في محلها - وأنا إديت مثل إنه هيبات عند ماماته - أو يقول أتغدوا أنتوا أنا أتغديت - أو هسهر مع صحابي إنهاردة - دي بسبب المسادج اللي أنا مردتش عليها - بمسدج غلاسة - ورديت عليه بمسدج حب
يعني الغلاسة بتجيب نتيجة

طيب يعني هو مش من حقه يسهر يوم مع أصحابه أو يروح لوالدته

و ممكن يكون رايحلها علشان حاجة مينفعش يقولك عليها مثلا

يعني ليه الست بتعتبر ان الراجل لو قابل اصدقاؤه مرة في الشهر و لا حتى في الاسبوع إساءة في حقها

[friendship7897]

طيب يعني هو مش من حقه يسهر يوم مع أصحابه أو يروح لوالدته

و ممكن يكون رايحلها علشان حاجة مينفعش يقولك عليها مثلا

يعني ليه الست بتعتبر ان الراجل لو قابل اصدقاؤه مرة في الشهر و لا حتى في الاسبوع إساءة في حقها

لأ طبعاً حقه
لكن الإعتراض في: ليه تضحك عليا بماسدج كاتب فيها بحبك ؟
ما أنت لو قولت لي إنك رايح تسهر مع أصحابك أو رايح عند والدتك ( مش هرفض ) ولا أقدر أعترض .
عموماً حلو أوي إننا نتناقش النقاش دا علشان نعرف الطرف التاني بيفكر إزاي
علماً بإني بطنش كتير - ودا سببه إني معاكم هنا في المنتدى اللي أغلبية رجال ، وبشوف إعتراضكم بيكون في أيه وعلى أيه وبحاول أتجنبه

[M.Hosni]

لأ طبعاً حقه
لكن الإعتراض في: ليه تضحك عليا بماسدج كاتب فيها بحبك ؟
ما أنت لو قولت لي إنك رايح تسهر مع أصحابك أو رايح عند والدتك ( مش هرفض ) ولا أقدر أعترض .
عموماً حلو أوي إننا نتناقش النقاش دا علشان نعرف الطرف التاني بيفكر إزاي
علماً بإني بطنش كتير - ودا سببه إني معاكم هنا في المنتدى اللي أغلبية رجال ، وبشوف إعتراضكم بيكون في أيه وعلى أيه وبحاول أتجنبه

هو مش موضوع بيضحك عليكي بكلمتين حلوين

هو ممكن تعتبريه نوع من أنواع تزويق الكلام , علشان ممكن الراجل يكون فاهم انه لو قال حاجة بطريقة مباشرة , كلامه هيقابل بنوع من الرفض مثلا

و كويس انه حضرتك بتحاولي تتجنبي الحاجات اللي تضايق زوجك

انا برضه الحمد لله مراتي لو لقت حاجة دايقتني مرة , بتتحاول متعملهاش

[Ahmed_Adham]

أنا قريت كلامكو كله وهقولكو أنا على الوصفه السحريه للسعاده الزوجيه.

فيه هنا مشكلتين. أولهم انها اسمها الحياه الزوجيه وكل واحد نفسه يعيش يوم من العزوبيه.
المشكله التانيه ان الخلافات بتبقى دايما على الخروج.

طيب هقولكو أنا عملت ايه واللي عملته ده فرق معايا كتير. الفكره يا جماعه ان الخروج نفسه يبقى روتين فمتحسوش بفايدته يعني انتو بتخرجو كل خميس او جمعه أو سبت وده مقرر اسبوعي فبقى زيه زي الشغل بالظبط. الدراسه هتيجي أهي خلو عيالكو في المدرسه في يوم وأنا عن نفسي بفضل الحد دايما عشان أول يوم في الاسبوع وكل الناس بتبقى في شغلها والدنيا رايقه في المولات وخدو اجازه انتو الاتنين من شغلكو واخرجو مع بعض بالنهار من غير العيال. الخروج بالنهار بيجيب السعاده لكن الخروج بالليل بيبقى للهدوء. وانتو محتاجين شويه فرفشه. أنا بحب أروح مول العرب بالنهار وخصوصا ان اليومين دول الجو حلو بالنهار مهوش حر. وأحلى حاجه في مول العرب انه فيه مكان مفتوح منه للسما وكافيهات محترمه تقعد فيها تتشمس وترغي وانت مبسوط. لو المكان بعيد عليكو شوفو مكان بديل قريب منكو بس المهم يكون مفتوح مش مول كله حيطان زيه زي البيت. أحنا بنخرج الساعه 11 مثلا ونرجع البيت على الساعه 2 والبنت بتيجي من الحضانه الساعه 3.

نيجي بقى للخطوه التانيه انكو متجيبوش سيره البيت ولا العيال وتتكلمو زي أيام الخطوبه كأنكو لسه بتتعرفو على بعض. أنا بقعد أحكي لمراتي مواقف هيه محضرتهاش زي مواقف أيام الجامعه أو المدرسه الخ الخ وهيه برضه تحكيلي عن صاحباتها واخواتها المهم تتكلمو في أي حاجه ملهاش علاقه بأنكو زوج وزوجه وبينكو بيت وعيال والحاجات دي. الموضوع ده ممكن تعملوه مره كل شهر هيفرق معاكو كتير.

ياريت أسمع رأيكو في الفكره دي وجربوها كده وقولولي انطباعكو ايه.

[friendship7897]

طبعاً فكرة كويسة الخروج لوحدنا دي يا أ/ ِAhmed _Adham - بس تطبيقها صباحاً بيكون صعب ( بالنسبة ليا على الأقل ) إني آخد أجازة من شغلي ، بس كتير بنعملها أنا وجوزي في أيام الدراسة ليلاً علشان أبني بينام بدري من مجهود اليوم الدراسي - وفعلاً بتفرق معانا كتير .
شكراً على إقتراحك ، وياريت نشوف رأي المشاركين في إقتراحك دا ؟