الكائنات.....قصة سخيفة

[A7MED_PHARMA]

ملل

كوب الشاي الدافئ

الصيدلية

كلمات لاتحتاج لجمله حتى تعرف كيف أنا الأن

.

يقتحم الباب

رجل يحمل فتاة .. مهشمة الأوصال كما يبدو

أنهض أستقبل الرجل بإهتمام حقيقي

طفلة دون العاشرة

ترقد على ارض الصيدلية .. خدوش تملأ الوجه الملائكي المتسخ

آلام وصراخ

أتحسس جسد الفتاة بحثا عن كسور

هذا كسر..وهذا آخر

تنتفض الفتاة مع الألم ..

قطيع من الكائنات البشرية تقتحم المكان

كائنات سمينه قذرة .. تزيحني بعنف عن الفتاة

يتسابق الذكور من القطيع لحمل الجسد المهشم

"" محدش يحط إيده على البنت يابهايم""

كانت تلك صرختي

ولا آذان

الذكور يتصارعون الفتاة بينهم

أيهم يظهر كــ (دكر) وينقذ الفتاه...ذلك الخاطر بعقولهم

خاطر من شيطان أحمق

"" البنت يابهايم""

ولاحياه

تنازعوها كدببه تتنازع وعل جريح

.

أطرد الدببه بالخارج يتشاجرون أيهم يلتهم الغنيمه وحده

لعنة الله على الكائنات

[RAPID]

مفردات تنم عن نرجسية شديدة

[A7MED_PHARMA]

سريع
في الحكم على الناس
سريع

[RAPID]

سريع
في الحكم على الناس
سريع

لا يا عزيزى لم اصدر حكما عليك
بل الكلمات هى من اوحت الى بذلك الشعور
كلمات من قبيل ...

قطيع من الكائنات البشرية
سمينة قذرة
الذكور من القطيع
يا بهايم
اطرد الدببة بالخارج
لعنة الله على الكائنات

كل تلك المفردات القاسية والتشبيهات المتعالية
كان يمكن توصيل معناها الى القارئ بمفردات اقل حدة واكثر انسانية

تقبل تحياتى

[mohammedabdallh]

وانت عاوز ايه ياحمد يعنى من ناس ميعرفوش يعنى ايه اسعافات اوليه

[S O P H O S]

فعلا تصرفات غريبة من الناس !

[A7MED_PHARMA]

الكلمات دي يازميلي
أقل وصف مهذب قدرت أقوله

[RAPID]

هههههه الله يكون فى عونك
وعموما انا اسف لو كان كلامى ضايق حضرتك

[mazher_m]

خير يا دكتور
اين باقي التفاصيل؟

[SHNORY]

ازاي يقولك انت نرجسي يا احمد وتسكتله

وازاي يا باشا ترجع تعتذر وتقول اسف

مينفعش الكلام ده

خلوا دول هنا حروح مشوار وجاي
اوعوا حد يضرب التاني بحاجه

[hossam_elwani]

عقول متحجره ... المهم البنت اخدوها ولا عالجتها ؟؟

[mazagngi2010]

اللى مايعرفش يقول عدس
انا بروح للراجل ده كل شويه لصيدليته
ربنا يصبره على الاشكال اللى بيقابلها
تلك كائنات لاتستحق ..

[RAPID]

ازاي يقولك انت نرجسي يا احمد وتسكتله

وازاي يا باشا ترجع تعتذر وتقول اسف

مينفعش الكلام ده

خلوا دول هنا حروح مشوار وجاي
اوعوا حد يضرب التاني بحاجه

هههههههه شنورى باشا هو انت بتلطف الاجواء ولا حاجة
بصراحة انا اتغظت فى الاول من القصة
ولذلك قلت نرجسى
بس رجعت وقلت يمكن شاف مواقف الله اعلم بيها
وانا مش طبعى والله ازعل حد منى
الا يعنى ايه نرجسى يابالحاج

[SHNORY]

هههههههه شنورى باشا هو انت بتلطف الاجواء ولا حاجة
بصراحة انا اتغظت فى الاول من القصة
ولذلك قلت نرجسى
بس رجعت وقلت يمكن شاف مواقف الله اعلم بيها
وانا مش طبعى والله ازعل حد منى
الا يعنى ايه نرجسى يابالحاج

دي شتومه وحشه اوي اوي يا حاج
ومعرفش هو سكتلك ليه بصراحه
واضح ان فارما قلبه بقي ضعيف
او انك ماسك عليه ذله
هههههههههههههههههههههههههه
وانا مالي بقي انا عملت اللي عليا

[A7MED_PHARMA]

يعني أطلع المطوة الامريكاني
وأستدعي الفريق الملثم
ونطلع على بركه الله ياقرصان؟