ليلة (ليلة الدخلة ) ولية في البيت ؟

[Kareem.ElAraby]

انا مش عاوز حد يجيلي ولا أستقبل حد
انا و مراتي ولا حد تالتنا و طيران علي أي مكان جوه أو بره من غير ما حد يعرف مكاننا ولا قرارنا و هأقفل تليفوني و تليفونها
و يبقوا يطمنوا علي بنتهم لما نرجع (ايه المغزي غير البجاحه ما هم مش ساينها مع واحد من الشارع يعني)
ايه الحشريه و التدخل في اللي ما يخصش حد !

[MaZaGAngeE]

الفكرة من ليلة الدخلة في البيت
عشان تكون على راحتك تماما و كمان بتكون عامل استعدادك لو حصل مشاكل غير ما تكون في فندق و تحصل فضيحة ..
ومش كل الناس بتشيل عيالها على ايديها قبل الجواز ... فيه ناس كتير جدا بيستنوا و كل حاجة في وقتها حلوة

اما بقى زيارة امها الصبحية عشان تطمن على البنت ان محصلش مشاكل ... و متنسوش ان فيه رجالة غشيمة برضه و بنات من كسوفها تحصلها مشاكل

[amrelsha3er]

كلامك صح والله
عاده بايخه اوى ان شاء الله مقرر بعد الدخله نطلع المطار هنسافر الغردقه ولا حد يبقى معانا ولا حد يجلنا
المفروض حوار الصباحيه ده بطل بقى

[أحمد كمال]

الناس اللي بتقول تحسبا للمشاكل

مشاكل ايه يا جدعان هو احنا هنحارب و لا هنعمل عملية زرع مخ ؟؟؟؟؟؟؟؟؟

[midooo_119]

هو للاسف فعلا فيه رجاله بيبقوا غشيمه لا بيكونوا قروا فالحاجات ديه ولا فاهمين فعشان كده بيحصل مشاكل فاهل البنت بيبقوا خايفين و عاوزين يطمنوا لكن هو المفروض الاهل بيجوا عالعصر كده و ربع ساعه و بيمشوا يعنى مش حكايه

[bmya]

محدش بيجي الصبح اصلبا غير ممكن في الارياف بقه
انا لما اجوز اهل مراتي ماجوش غير بعد الفرح ب 3 ايام بس اطمنوا علينا بالتليفون
واهلي انا هما اللي جولي بس جم متاخر وقعدوا نص ساعم ومشيوا

الموضوع بيكون على حسب تفكير كل واحد وعادات وتقاليد وكده

[casperinoo]

اول يوم في فندق احسن ميت مره وتاني يوم سافر علي طول ..
انا عملت كده رغم اني معملتش فرح اصلا ..

بس انا كان ليا سبب تاني ..افتكرت نفسي انا واصحابي لما بنشوف زفه جايه الشارع عندنا وعريس وعروسه بقي..
بنحقد عليهم حقد :)
غير بقي لو لقيناه نازل يشتري حاجه بعد يومين ولا حاجه((مع انه عادي جدا )). تلاقي بقي التعليقات السخيفه بينا وبين بعض ..
فتجنبا للشباب الهايف اللي زينا ..
اتجوز بره وسافر ..وارجع خش بيتك بهدوء :)

[lanos2004]

الفكرة من ليلة الدخلة في البيت
عشان تكون على راحتك تماما و كمان بتكون عامل استعدادك لو حصل مشاكل غير ما تكون في فندق و تحصل فضيحة ..
ومش كل الناس بتشيل عيالها على ايديها قبل الجواز ... فيه ناس كتير جدا بيستنوا و كل حاجة في وقتها حلوة

اما بقى زيارة امها الصبحية عشان تطمن على البنت ان محصلش مشاكل ... و متنسوش ان فيه رجالة غشيمة برضه و بنات من كسوفها تحصلها مشاكل

رجاله غشيمه وبنات من كسوفها--بنات من كسوفها

انتو ناس طيبين قوى
حضرتك مبتروحش افراح
العروسه بقت رقاصه
العروسه بقت رقاصه
انا بقه مبعملش افراح -هوة انا ارجوز الناس تتفرج عليا انا والمدام

[human]

عشان يتأكدوا انهم فى التمام