مساعده فى هديه عيد الحب وبردو عيد ميلاد

[Hmatchy]

فكرت و احترت كتير وقولت اعرض الامر عليكو يمكن تساعدونى بعد ما احترت خالص
انا ان شاء الله هقراء الفاتحة على الانسانة اللى ربنا كرمنى بيها يوم الخميس اللى جاىان شاء الله (14/2/2013) خدو بالكوم من التاريخ
وطبعا فى هدية عيد الحب 14/2/2013
وكماااااااان عيد ميلادها 14/2/2013
دا اول عيد حب وعيد ميلاد يعدى علينا انا يدوب عرفتها من شهرين يعنى عايز اجيب حاجة معقولة وتفضل ذكرى طول العمر ومتكونش غاليه اوى
النضرات و الساعات مش دماغها
لما بفكر فى الدهب بقول انا كام يوم وهشترى الشبكة بأذن الله
برفنات والكلام ده مش هتبقى حاجة للذكرى
انا عايز حاجة قيمه وتكون فى رنج 600/700 بالكتير ونفضل فاكرينها
ياريت تفكرو معايا وياريت الزميلات الافاضل يقولولى هى ممكن تكون بتحب ايه ولو هيا مكانها ايه ممكن يخليها طايرة من الفرحة فى يوم زى ده وياريت لو حد يعرف مكان الاقى فيه هدايا كده يقولى ارجوكم

[AHMED12345678]

يا صديقى وعن خبرة ......
احلى حاجة تحبها البنات فى عيد الحب او عيد الميلاد
هى الورد ثم الورد ثم الورد ...... ثم الشيكولاتة

[speed_magnum]

أنا سعيد انك سألت السؤال ده


ومبروك مقدما

[hazoom2006]

تى شيرت الزمالك الجديد ده حاجة كدة للتاريخ

[dedi]

شئ محير أختيار الهدايا و انا موش معاك فى موضوع الذهب لانة ذكرى بتستمر و دية اول مرة بس مبلغ 600 او 700 جنية موش هاتعمل حاجة فى غلو الذهب يعن سوف تعمل 2 جرام تقريبا يعنى و لا حاجة
طيب اخبار الفضة اية معاها يعنى فية شغل نازل جديد جدا ممكن اشرح ليك اكتر عنة لو الموضوع شدك

[S O P H O S]

شايف ان الموضوع مش بفلوس الهدية
شايف انك تجيب ورد جميل ومعاه احلي حاجة فالدنيا مصحف
مجرد رأي ..

[شريف]

ورد و كارت فية كلام رقيق
علبة شيكولاتة جميلة من باشانيل او سويزا
دول كمرحلة اولي كفاية
اي حاجة بتتلبس يفضل انها تنقيها معاك لانك متعرفش زوقها في اللبس و الالوان كويس و نفس الشئ للبرفان ممكن ميعجبهاش او تجيب حاجة رقيقة ريحة فانيليا ناترال مثلا
الدهب اجمل هدية طبعا بس لو في شراء ذهب قريب يبقي مفيش داعي ووفر فلوسة في الشبكة احسنلك لان مع الدهب هتخش في مبالغ كبيرة فعلا
ممكن تغيرلها الموبايل لو خطيبتك عملية و موبايلها قديم
الافكار كتيرة بس فكرة الهدية عامة بتساوي و اكتر كمان نوع الهدية لاي انثي

[Hmatchy]

انا متشكر ليكو اوىىىىىىىىىىىى
هو انا اكيد هجيب ورد مهما كانت الهديه ودبدوبه حلوة
و الشيكولاته علشان كمان رايح البيت
و التورته طبعا
و الحمد لله انا اخدت برأى بعض الزملاء اللى قالو دهب قولت اجيب حاجة سيمبل كده
جبت عليقة سلسلة على شكل قلب وجبت اول حرف من اسمى وحطيتهم جوا بعض وبقى شكلهم حلو اوى
شكرا ليكو تانى ولو حد حابب يسأل عن حاجة يقولى علشان انا عارف اد ايه الموضوع محير

[|Mostafa|]

ورد ايه بس هي الناس اللي بتدي النصايح دي مواليد سنة كام؟ :d

لو كنت جبت حاجة غير الدهب كان الشراب المقلوب اشتغل....

ربنا يسعدك عموما :)

[rina abdallah]

هتلاقى هنا اكتر من حاجة و كمان بلاسعار اللى تناسبك
All product prices and discounts from all online shops in Egypt - Bkam ? بكام

[fepsceasar]

انا متشكر ليكو اوىىىىىىىىىىىى
هو انا اكيد هجيب ورد مهما كانت الهديه ودبدوبه حلوة
و الشيكولاته علشان كمان رايح البيت
و التورته طبعا
و الحمد لله انا اخدت برأى بعض الزملاء اللى قالو دهب قولت اجيب حاجة سيمبل كده
جبت عليقة سلسلة على شكل قلب وجبت اول حرف من اسمى وحطيتهم جوا بعض وبقى شكلهم حلو اوى
شكرا ليكو تانى ولو حد حابب يسأل عن حاجة يقولى علشان انا عارف اد ايه الموضوع محير

ربنا معاك انت لسة فى اول الطريق

[Hmatchy]

ورد ايه بس هي الناس اللي بتدي النصايح دي مواليد سنة كام؟ :d

لو كنت جبت حاجة غير الدهب كان الشراب المقلوب اشتغل....

ربنا يسعدك عموما :)

ههههههههههههههههههههههههههه
كلامك صح خصوصا انها اول هدية اجيبها و كمان لانى عرفت من واحد صاحبى انو المفروض اول هدية لعيد ميلادها تكون دهب و الا هيقولو بخيل
بس بعد كده ممكن اخليها هى اللى تجيبلى هدية فى عيد ميلادها
بس بينى و بينكو هيا تستاهل بس انا اللى مكنتش استاهل ادفع كل ده

[Hmatchy]

ربنا معاك انت لسة فى اول الطريق

يا رب انا متشكر ليك لانى فعلا محتاج الدعوة دى
و بجد الموضوع بجانب انه للاستشارة كنت بفضفض معاكو لان ربنا يعلم بمشاكل الحياه ومسئوليتها عاملة ازاى



اما بقى الناس المتجوزة ليكو عندى شوية افكار تحفة زى علبة الميك اب الكاملة ب 350 وفى من اول 150
حاجة كده للبيت طبعا وبتفرح اوى ان الست تحس ان الزوج حريص انو يشوفها احلى واحدة فى الدنيا

[mrs-kadous]

يا رب انا متشكر ليك لانى فعلا محتاج الدعوة دى
و بجد الموضوع بجانب انه للاستشارة كنت بفضفض معاكو لان ربنا يعلم بمشاكل الحياه ومسئوليتها عاملة ازاى



اما بقى الناس المتجوزة ليكو عندى شوية افكار تحفة زى علبة الميك اب الكاملة ب 350 وفى من اول 150
حاجة كده للبيت طبعا وبتفرح اوى ان الست تحس ان الزوج حريص انو يشوفها احلى واحدة فى الدنيا:b4_007:

ربنا يسعدك ....والف مبروك السعاده مش بس في الهدايا السعاده في توفيق ربنا بزوجه او زوج صالح ودي بتكون احسن هديه من عند ربنا ..

[Hmatchy]

ربنا يسعدك ....والف مبروك السعاده مش بس في الهدايا السعاده في توفيق ربنا بزوجه او زوج صالح ودي بتكون احسن هديه من عند ربنا ..

ربنا يكرم حضرتك ويبارك فيكى و اكيد طبعا الهدية مش فى قيمتها ولكن فى معناها بشرط انها تكون اقصى ما اقدر عليه و انا الحمد لله ربنا كرمنى بيها علشان كده كنت محتار اجبلها ايه و اعرفها ان مقامها عندى غالى اوى