اخيرا دا حصل في بلد الأزهر.الحمدلله

[mahmoudselim]

القوات المسلحة ترفع الحظر عن الملتحين و المنتقبات من الدخول الي نواديها

حيث كانت هناك تعليمات بمنع دخول أى ملتحي أو منتقبة الي تلك النوادي في عهد المشير حسين طنطاوي ... في حين انه كان يسمح للقساوسة و الراهبات بالدخول دون ادني حرج

تحية و شكر واجب للسيد وزير الدفاع الفريق أول عبد الفتاح السيسي

[S O P H O S]

الحمد الله ..

[dolly13]

مبروك ونتمنى زوال كل الفروق بين المصريين

[alrabeh]

بشرك الله بالخير مكن مصدر الخبر

[wahba87]

اخيرا , كفاية عنصرية بقى

مرة و انا فى الجيش كتبت على الفيس بوك "الجيش أكبر مؤسسة عنصرية فى مصر" , ضابط فى الوحدة شاف البوست و عاملى حوار , و قالى ممكن اوديك الامن الحربى و بتاع

الموضوع ده كان مثال واضح و صريح للعنصرية !

[AboELsoud]

الحوار ده فعلا كان زباله و ظالم جداااااا
يعني جوه الجيش ممنوع تربيه اللحيه ده (في رأيي) صح عشان يبقى كله زي بعضه
انما النوادي ليه نفس الحوار يعني الظابط مراته منقبه هو يدخل و هي لا
او انت عامل فرح و قرايبك معظمهم ملتحيين يقوم مينفعش يدخلوا
انا فعلا من كام يوم كنت في دار الدفاع و فعلا شفت ما شاء الله كميه لحى و نقاب خلتني احس انه في تغير حصل

[mahmoudysf]

خبر كويس جدا
ولا يصح الا الصحيح
كان قرار المنع ملوش معنى

[|Mostafa|]

المهم اللي داخلة منتقبة يتكشف وشها ويتم التحقق من شخصيتها. ويتم تسجيل كل المنتقبات اللي دخلوا واخد صور من بطايقهم. اللي يعمل كدا ست طبعا عشان محدش يكون له حجة يعمل مشكلة.

مجرد رأي...علما بأن جزء من اهلي منتقبين.

[muslim_nsb]

الحمد لله يارب رد لنا الاسلام ردا جميلا
عقبال كمان الجلباب للرجال يكون عادي حتى في الافراح
لان من كام سنه رحت احجز لفرح اخويا في نادي الهيئه بالسويس وكان معايا زوج عمتى كبير في السن وكان لابس جلابيه اول كلمه اتقالت ممنوع دخول الجلباب في النادي
رحنا قلنا طظ في النادي واصحابه لان احنا صعايده واغلب الناس اللي هاتيجي الفرح عمد يعني بالجلابيه

[احمد المصرى]

الحمد والشكر لله

[mahmoudselim]

بشرك الله بالخير مكن مصدر الخبر

الصفحه الرسميه للدكتور محمد مرسي رئيس الجمهوريه

https://www.facebook.com/Egypt.President.Morsi?ref=ts&fref=ts

[alrabeh]

أخى الفاضل بحثت فى كل محتويات الصفحة ولم أجد الخبر
يا ترى ممكن تاخد نسخة من الكلام وتنقله لينا هنا
شكرا على مجهودك

[شريف]

القوات المسلحة ترفع الحظر عن الملتحين و المنتقبات من الدخول الي نواديها

حيث كانت هناك تعليمات بمنع دخول أى ملتحي أو منتقبة الي تلك النوادي في عهد المشير حسين طنطاوي ... في حين انه كان يسمح للقساوسة و الراهبات بالدخول دون ادني حرج

تحية و شكر واجب للسيد وزير الدفاع الفريق أول عبد الفتاح السيسي

في النوادي و الادوار كلها ؟
دول بيمنعوا الملتحيين و المنقبات من حضور الافراح حتي لو كانوا مقربين من العروسين و حصلت قدامي كذا مرة بيدوا استثناء للام و الاب بس
و با تري بالنسبة للاجانب زي السوريين يدخلوا كمان و لا لازم يجيبوا تصريح علشان يحضروا اي فرح في دار جيش

اخيرا , كفاية عنصرية بقى

مرة و انا فى الجيش كتبت على الفيس بوك "الجيش أكبر مؤسسة عنصرية فى مصر" , ضابط فى الوحدة شاف البوست و عاملى حوار , و قالى ممكن اوديك الامن الحربى و بتاع

الموضوع ده كان مثال واضح و صريح للعنصرية !

خلي بالك لان لا يكتب فيك تقرير

[mahmoudselim]

أخى الفاضل بحثت فى كل محتويات الصفحة ولم أجد الخبر
يا ترى ممكن تاخد نسخة من الكلام وتنقله لينا هنا
شكرا على مجهودك

بص هو عامتا اغلب الصفحات الاسلامية علي الفيس منزلة البوست دا من امبارح . وممكن تدخل علي جوجل برضوا. ودا لينك للخبر من العربي نيوز مرسى يعلن : رفع الحظر عن دخول الملتحين والمنتقبات لنوادى القوات المسلحة – العربى الناصرى الاخبارية . والافضل انت ممكن تتصل بنادي من نوادي القوات المسلحة وتتأكد من الخبر بنفسك وتأكدلنا الخبر هنا كمان. في انتظار تأكيدك اخي الكريم!

[mahmoudselim]

في النوادي و الادوار كلها ؟
دول بيمنعوا الملتحيين و المنقبات من حضور الافراح حتي لو كانوا مقربين من العروسين و حصلت قدامي كذا مرة بيدوا استثناء للام و الاب بس
و با تري بالنسبة للاجانب زي السوريين يدخلوا كمان و لا لازم يجيبوا تصريح علشان يحضروا اي فرح في دار جيش

ماهو علشان كدا طلع قرار عدم منعهم واحنا فرحانين بالقرار دا! موضوع الاجانب دا القوات المسلحة عارفة الافضل امنيا لها يعني شؤون داخلية ملناش فيها. بس منع اي مصري لاسباب عنصرية وفي بلدة لينا فيها ونص كمان!