مساعدة في أفضل موبايل أندرويد في حدود 1500 جنيه

[NaderNabil]

شباب نايل موتورز...

بدور حالياً على موبايل أندرويد في الشريحة السعرية ما بين 1200 ل 1800

رافض تماماً فكرة السامسونج...و محدش يسألني ليه

التركيز حالياً على سوني و HTC

سوني منزلة كمية موديلات كتيرة جداً الفترة اللي فاتت و كلها بتلعب السعر ده...و تقريباً إستقريت ان الXperia Sola أفضلهم

الHTC حاسس ان موديلاته كلها قديمة و مافيش جديد...و شاشتهم صغيره كمان...بس بيتميز بقوة التحمل و الجسم الصلب

المهم...إيه رأيكم يا عتاولة الموبايلات؟

[NaderNabil]

صباح الخير :)

[mramzy]

سونى وبس

[Mamoud salah H]

شوف كدة LG optimus l7 او L9

[askoda]

Interested & waiting but i can suggest galaxy ace plus

[itsonlyme]

الـ Sony Sola فعلاً موبايل جميل ومعايا ومبسوط بيه.

الشاشة دقتها عالية (الـ pixel denisty) والمواصفات عموماً كويسة بالمقارنة بكل الموبايلات اللي في سعره. مشكلته هو ان الشاشة صغيرة شوية وده متعب شوية لو بتكتب كتير. لو مش بتكتب عليه كتير مش هتبقى مشكلة خالص. شاشة دقتها فعلاً يستاهل.

المنافس الوحيد هو Samsung Galaxy S Duos لأن شاشته اكبر وسعره ازيد ب 100 جنيه فقط بس في المقابل دقة الشاشة اقل شوية.

في رأيي ماتخرجش عن الاتنين دول.

[itsonlyme]

Interested & waiting but i can suggest galaxy ace plus

ابعد خاااالص عن الـ Galaxy Ace Plus ... مواصفاته أقل بكتير من الـ Xperia Sola رغم انه سعره قريب قوي منه.

[malibu]

سوني منزلة كمية موديلات كتيرة جداً الفترة اللي فاتت و كلها بتلعب السعر ده...و تقريباً إستقريت ان الXperia Sola أفضلهم

Xperia Sola حلو و سريع و مفيش تهنيجه
الشاشه 3.7 بس رخمه اوى فى الكتابه بالطول او بالعرض
لو بتكتب بالطول الحروف هتبقى صغيره اوى
و لو بتكتب بالعرض الكيبورد هتاخد الشاشه كلها و مش هتشوف الكلام اللى انت بتكتبه

[NaderNabil]

الحمد لله...ربنا وفقني و طلبت الXperia Sola من على souq.com و هايوصل في خلال 3 أيام
سعره 1700...يعني أرخص من السوق ب 150 جنيه و توصيل لحد باب البيت

ألف شكر لكم جميعاً

[itsonlyme]

الحمد لله...ربنا وفقني و طلبت الXperia Sola من على souq.com و هايوصل في خلال 3 أيام
سعره 1700...يعني أرخص من السوق ب 150 جنيه و توصيل لحد باب البيت

ألف شكر لكم جميعاً

مبروك، اختيار موفق ... ان شاء الله يعجبك.

ولو عندك أي اسئلة فيه وفي تحديث الآندرويد اسأل.

على فكرة كل موبايلات Xperia عليها واقي شاشة (screen protector) ملزوق جاهز من المصنع. مش هتعرف انه موجود وهتفتكر ان مفيش عليه حاجة من كتر ما هو ملزوق كويس و على قد الشاشة بالظبط ومش باين.

لو حصل خدش ماتدايقش، ده خدش في واقي الشاشة مش الشاشة نفسها.
المشكلة ان واقي الشاشة ده سهل الخدش جداً، فلو عايز الزق عليه واحد اضافي.
أنا شخصيا لزقت عليه واحد وشيلته لأنه خلا الشاشة مزغللة.

[smsm2015]

ايه رايكم فى الكاميرا بتاعته يا جماعة وايضا علو الصوت ...

[smsm2015]

مكرر

[itsonlyme]

ايه رايكم فى الكاميرا بتاعته يا جماعة وايضا علو الصوت ...

فكرتني ... بصراحة ... الكاميرا سيئة وماكنتش اتوقعها من موبايل Sony.

الصوت متوسط ومش عالي، أعتقد السامسونج صوته أعلى.

[Land_Cruiser]

الف مبروك