استفسار هام : بخصوص برنامج Truecaller الي على الاجهزة الذكية !!

[Y a r i s]

استفسار هام : بخصوص برنامج Truecaller
الي على الاجهزة الذكية !!

البرنامج ده ياشباب بيشتغل ازاي !!!
يعني هو معروف انو. لمن بتستب البرنامج ده عندك اي حد بيتصل عليك ورقموا مش معروف ... الموبايل على طول يعملك سيرش عن اسم المتصل من خلال الانترنيت. ... السؤال هنا. هو بيحمل سيرش منين بالزبط ؟؟
يعني بيدخل على ( جهات الاتصال) في الموبايلات الي شغاله على النيت وبيلقط اسم المتصل المجهول من هذه الموبايلات ولا من خلال سايت ولا ايه !

وازاي الواحد يسجل اسمو بحيث ميطلعش اسمك غير فلان
مش كل ما تيجي تتصل على واحد يقلك ده انا شفت اسمك سمسم والي يقول ده اسمك طلعلي بتاع اليارس والي مسميني كلابيظو. وهلما جره وربنا يستر من زميلاتنا في العمل مسميانا ايه وبكدة مش هنخلص انا كل يوم اعمل سيرش على رقمي الاقي عليه اسم جديد. ياترى ايه الحكاية. هو البرنامج ده بيجيب الاسماء منين بالزبط وازاي الواحد يقدر يثبت اسم معين عليه !!!

@@@@@@@@@@@

وتحياتي

[amz2011]

متابع

[NaderNabil]

أعتقد فكرة البرنامج قايمة على انك لما بتنزله على الجهاز...بياخد النمر اللي عندك و يحطها على السيرفر و بالتالي لما واحد يتصل من رقم منهم على أي واحد تاني منزل البرنامج هايطلعله الإسم اللي انت منزله بيه

يعني مثلاً انا عملت سيرش على رقمي لاقيت إسمي متسجل Nader Work

المهم انا رفضت تماماً انزل البرنامج عندي علشان بعتبر ان ده إنتهاك للخصوصية

[eng/muhamad]

هى الفكرة بالظبط ان اى حد بينزل البرنامج ده كل الارقام اللى عنده بتتنقل للداتا بيس بتاعت البرنامج و بناء عليه لو فرضنا ان شخص معين اسمه محمد عنده البرنامج و مسجل شخص تانى باسم جوجو مثلااا و جوجو ده اتصل بحضرتك و انت اصلا عمرك ما ترفعه هيظهرلك اسمه جوجو زى ما هو متسجل عند محمد بالظبط
اتمنى تكون الفكرة وضحت

[Y a r i s]

طيب ماهو كده او كده حتى لو انا مش منزلوا
ووجيت اتصل على واحد منزلوا. فالبرنامج هيدور في جميع اجهزة الشباب وممكن ياخود اسمي من على موبايل اخت صديقه شقيقة عزيزة فاضلة مسمياني مشمش. مثلاً ساعتها يبقى ازي الحال !!!!
بالذات لمن يكون عندك وحدة بتتلكك ؟
ومين ومييين الي مسمياك مشمش وانتا ازي تسمحلها بكدة ... وهلوما جرررة !
وانا بقول افرض مثلاً مثلاً يعني اني خصمتك يوم ... فبقول مثلاً
علشان محدش يفهمني غلط :)

فازاي احفظ اسمي. باسم محدد بحيث الي يدور ميطلعلهوش غير اسم محدد وواضح وصريح
@@@@@@@
وتحياتي

[sha2e]

طيب ماهو كده او كده حتى لو انا مش منزلوا
ووجيت اتصل على واحد منزلوا. فالبرنامج هيدور في جميع اجهزة الشباب وممكن ياخود اسمي من على موبايل اخت صديقه شقيقة عزيزة فاضلة مسمياني مشمش. مثلاً ساعتها يبقى ازي الحال !!!!
بالذات لمن يكون عندك وحدة بتتلكك ؟
ومين ومييين الي مسمياك مشمش وانتا ازي تسمحلها بكدة ... وهلوما جرررة !
وانا بقول افرض مثلاً مثلاً يعني اني خصمتك يوم ... فبقول مثلاً
علشان محدش يفهمني غلط :)

فازاي احفظ اسمي. باسم محدد بحيث الي يدور ميطلعلهوش غير اسم محدد وواضح وصريح
@@@@@@@
وتحياتي

البرنامج مش بيختار اى اسم عشوائي متخزن بالرقم بمزاجه
لكن بيحاول ينتقى اكتر اسم متفق عليه
يعنى مثلا لو فى رقم واحد متسيف على خمس اجهزه مثلا
واحد باسم مشمش وواحد باسم ميدو وواحد باسم حماده واتنين باسم ياريس
فى الحاله دي البرنامج ياخد باسم ياريس لان فيه اجماع اتنين عليه

علشان كده لو عايز تثبت اسم معين لرقمك مفيش قدامك غير حل واحد
انك تسبت الاسم الى انت عايزه على الرقم فى أكتر من سيم " شريحه" وجهاز فون متثبت عليهم البرنامج
وبكده هيحصل عملية الانتقاء لاكتر أسم متفق عليه " الى انت مختارة "

[MaZaGAngeE]

ده شكله حوار جامد
ياترى الناس مسجلاني باسم ايه ؟

[MaZaGAngeE]

هوه البرنامج ده ؟

https://play.google.com/store/apps/details?id=com.truecaller&feature=search_result

[Ahmed_Adham]

طيب ماهو كده او كده حتى لو انا مش منزلوا
ووجيت اتصل على واحد منزلوا. فالبرنامج هيدور في جميع اجهزة الشباب وممكن ياخود اسمي من على موبايل اخت صديقه شقيقة عزيزة فاضلة مسمياني مشمش. مثلاً ساعتها يبقى ازي الحال !!!!
بالذات لمن يكون عندك وحدة بتتلكك ؟
ومين ومييين الي مسمياك مشمش وانتا ازي تسمحلها بكدة ... وهلوما جرررة !

ساعتها مشمش هيتفعص يا ريس

[Ahmed_Adham]

ده البلد كلها متسجله يا جماعه! بس الحمد لله نمرتي مش موجوده لسه هههههههههه بس واللهي لو أعرف بس واحد من أصحابي ينزل الزفت ده على موبايله لقفله الموبايل وأخليه يحتاس بيه! أكتر حاجه تضايقني انتهاك الخصوصيه! ده أنا بنشف ريق أي حد يقابلني في مول ويقولي سحب وبتاع وادينا رقم البطاقه والتليفون وبعد تنشيف الريق بقلبها تهزيء وبعدين أمشي في وسط الكلام مش عارف ازاي الناس بتستهون بخصوصيه الناس بالشكل ده. ده أنا مره اتصلت بفودافون وأنا متنرفز قوي عشان جالي رساله اعلانيه وقلتلهم أنا مش بدي رقمي لحد معرفوش فلو جالي رسايل اعلانيه تاني هرفع عليكو قضيه ومن ساعتها مجاليش ولا رساله دعايه من بره فودافون!

[pro_samir]

ده طلع مليان درر

[sas5]

السلام عليكم ورحمه الله
ياجماعه البرنامج خطير وجدا ولاداعى لتحميله.
لان تحميله موافقه على الاطلاع على جهازك بصفه مستمره طوال اليوم
ومش مستبعد يطلع على الرسائل بتاعتك ايضا

يعنى من الاخر انت اعطيك موبايلك لشخص غريب متعرفش نيته ايه ولا فى ماذا سوف يستخدم البيانات مستقبلا.

اعتقد ان هذا البرنامج اختراع جهاز مخابرات فى الاساس

[Hesham_91]

برنامج اقل ما يقال عنه انه فضيحة :d .. طبعا اول حاجة عملتها دخلت على السايت بتاعه و مسحت الاسم اللي متسجل على رقمي بس مينفعش تسجل اسم على الرقم

[Ahmed.Ali]

الناس الي شايفه البرنامج انتهاك للخصوصيه مهو برضوا الـWhatsApp و الـ Viber بيعملو كدا انا شايف ان البرنامج دا اختراع يا كوتش اولا سعات كتير بنسي اخفظ الرقم الغريب الي جالي البرنامج بلمسه واحده يعملو ادد للكونتاكت

مره كلمني رقم و طلعلي اسمه علي البرنامج Dont و انا مسدقتوش و كلمت الرقم تاني طلع سيلز سخيف و رخم. كمان انت ممكن تعمل لارقام السيلز و النصب انها Spam ودا هيفيد كل الي بشوف الـ Ranking بتاع الرقم

اصلا ربط الرقم بأسمك انا شايفه كويس عشان النصب الي كتر اوي

[A_H_M_A_D]

البرنامج ده مصيبة بجد , وكارثة من كوارث التكنولوجيا

انا قدرت و انا بلعب عليه شوية اني اجيب نمره هيفاء وهبي و اسامه الباز و عصام الحضري و وائل جمعه و عماد متعب وحامد الشيتي وغيرهم

بجد برنامج بينتهك كل الخصوصية بتاعة الناس , بس خلاص دلوقتي مبقاش فيه اي خصوصيه في عالم الجاسوسية اللي احنا عايشين فيه ده من اول الفيس بوك مرورا بكل برامج المحادثة و الشات و اخيرا البرنامج الكارثة ده