صباح الخير صباح السياسه اللي تزهق

[SHNORY]

الواحد حاسس انه لو قالكم صباح الخير
حتقولوله صباح الدستور
خلاص حياتنا بقت منحصره في مرسي والبلد والسياسه والحكومه وسايبين نفسنا ؟؟
رصيدنا بدا يقل عند بعض جدا علي فكره
وعداوات وهميه طلعت بدون مبرر
والمحايدين زهقوا من دخول المنتدي
وانا بطلت اشارك او اكتب حاجه وناس كتير غيري مش انا بس
وناس كتير زهقت لدرجه القرف
هي الناس بتعمل كده ليه في نفسها ؟؟؟
شتيمه وسباب وتلبيخ
زي ما يكون خلاص الناس مبتعرفش تتكلم وثقافتها محدوده فبيرغوا في السياسه
فكرتوني بواحد قريبي كل ما يشوف وشي يقولي مش حتتجوز
في كل الاوقات بيقولها
في كل المناسبات
عندنا او عندهم
لو شافني في الشارع بيقولها
لحد ما ربنا كرمه وبطل يقولها
اصلي كرشته من المحل بتاعي لما كان معدي ودخل يكلمني في الموضوع ههههههههههههه

واحد شتم الريس ولا الحكومه
والتاني مؤيد للريس وللحكومه
واحد بيشتم في المعارضه
والتاني مع المعارضه
ايه لازمتها نخسر بعض ؟؟
حد فيكم لجان اليكترونيه وبيدفعوله ؟؟ اكيد لا
والمقابل الي بياخده مستاهل انه يقلل من نفسه او يشتم او يتشتم ؟ اكيد لا
خسرتم بعض وخسرتم احترام ناس ومظنش ان فيه مكسب
اللي بيدافع بيدافع لنفسه ومحدش حيصقفله
بس الي بيشتم الكل بيزدريه
زمان لما كنا نوقف حد كان بيعمل عضويه تانيه علشان مش قادر يبعد عن المنتدي
دلوقتي لما واحد بيتوقف بيعمل عضويه تانيه علشان يدخل يشتم
حتفضلوا كده كتير ؟؟
مكسبكم ايه ؟؟؟
غيرتوا ايه في البلد بالكلام ده ؟؟
كسبتوا ايه سواء مؤيدين او معارضين
مبقولش لحد متكونش مؤيد او متكونش معارض
بس فيه حدود مينفعش نتجاوزها
مش علشان رايك مش عاجبني تشتمني
مش علشان رئيسك مش عاجبني تهينني او تظن فيا السوء
ما كلنا في مركب واحده مش انت حتوصل وغيرك حيغرق
كلنا يا حنوصل سوا يا حنغرق سوا
اقسم بالله زمان كنت بدخل المنتدي علشان اضيع اكتئابي واقعد وسط الناس
دلوقتي المنتدي بقي مصدر للاكتئاب
محدش مستحمل التاني
كله متربص
كله حاطط السكينه ورا ضهره ومستني اللي قدامه يغلط علشان يمثل بيه
يا ريت محدش يرد ويقولي اصل فلان قال كذا علي الموقف السياسي المعين علشان كده رد الفعل بيكون كذا
ودا حيؤكدلي ان الناس مبتعرفش تتكلم غير في اللي بتسمعه في السياسه
ولا حد حلل
ولا حد فكر
مجرد نقل كلام برضه وخلاص
يا ريت حد يقولي عمل ايه لنفسه ولبيته
ماهو اللي حيعمله لنفسه برضه حيعود بالنفع علي البلد
خسرت كام واحد بسبب السياسه ؟؟؟
اهنت كام واحد ؟؟
كسبت ايه ؟؟؟
يا ريت نفوق لنفسنا ونحاول نعمل حاجه ملموسه بدل ما الحرب دايره ومفيهاش طرف كسبان ولا طرف خسران
يا الكل حيكسب يا الكل حيخسر

كلامي مش موجه لحد بعينه لاني معنديش عداوه مع حد ولا مؤيد لحد ولا متحزب ضد حد
كلامي للناس اللي خسرت وبتخسر بعضها

[friendship7897]

يا ريت نفوق لنفسنا ونحاول نعمل حاجه ملموسه بدل ما الحرب دايره ومفيهاش طرف كسبان ولا طرف خسران
يا الكل حيكسب يا الكل حيخسر

الله عليك
صباح الخير يا SHNORY من غير سياسة

[SHNORY]

:018a1d~146: الله عليك
صباح الخير يا shnory من غير سياسة

صباح الورد عليكي وعلي كل الناس الحلوين

[A.Saad]

صباح الخير يا حمادة
صاحى بدرى كدة ليه

[SHNORY]

صباح الخير يا حمادة
صاحى بدرى كدة ليه

سعدووووووووف صباح النور يا كبير
عامل ايه يا حاج واخبار الجواز ايه ؟؟
اجيب باكو مناديل واجيلك نمسح دموع الندم ؟؟
ههههههههههه

[alaa74]

يا ريت نفوق لنفسنا ونحاول نعمل حاجه ملموسه بدل ما الحرب دايره ومفيهاش طرف كسبان ولا طرف خسران
يا الكل حيكسب يا الكل حيخسر

كلامي مش موجه لحد بعينه لاني معنديش عداوه مع حد ولا مؤيد لحد ولا متحزب ضد حد
كلامي للناس اللي خسرت وبتخسر بعضها

صباح الخير يا كبير اليوران
اخيرا يا راجل
أيوه كده فوق الناس يا محمد بيه
كفايه بقى صراعات
كفايه بقى مشاحنات
كفايه بقى خناقات
كفايه بقى تحيز
كفايه بقى إنفعالات
الناس بتزعل من بعض ليه ؟
ايه اللى يستاهل تزعل حد او تزعل من حد علشانه ؟
المنتدى هنا جزء من المجتمع اللى عايشين فيه
كنا ولا زلنا بندخل علشان نغير المود بتاعنا وطبعا من الأوحش للأحسن
لكن لما تدخل وتلاقى الناس بتتخانق
لأ مش كده وبس ده فى ناس بتشتم بعض بطريق غير مباشر
لأ ده فى ناس بتشتم شتايم صريحه
علشان إيه ده كله
كلنا عندنا أخطاء
كلنا بنصيب وبنخطئ
مفيش حد كامل ولا خالى من العيوب
لكن كلنا مصريين سواء مسلميين أو مسيحيين
واكيد عاوزين نعيش كويس
وبلدنا تبقى كويسه
بس إزاى ؟؟؟؟؟
هتكون كويسه بدور كل واحد فينا
يعنى كلنا نحترم بعض الأول
وكلنا عنده حريات لكن بتنتهى عند حريان الاخرين
خلونا نكون إيجابيين
خلونا نكون فعالين
خلونا نستدعى الايجابيات اللى جوانا
خلونا نطرد كل السلبيات اللى مليانا
خلونا بجد نحترم بعض

شنورى شكرا على الموضوع ده
واتمنى إن كلنا نشارك ونتصارح ونتصالح بدون خناق وبدون زعل .

تقبلوا تحياتى

[SHNORY]

صباح الخير يا كبير اليوران
اخيرا يا راجل
أيوه كده فوق الناس يا محمد بيه
كفايه بقى صراعات
كفايه بقى مشاحنات
كفايه بقى خناقات
كفايه بقى تحيز
كفايه بقى إنفعالات
الناس بتزعل من بعض ليه ؟
ايه اللى يستاهل تزعل حد او تزعل من حد علشانه ؟
المنتدى هنا جزء من المجتمع اللى عايشين فيه
كنا ولا زلنا بندخل علشان نغير المود بتاعنا وطبعا من الأوحش للأحسن
لكن لما تدخل وتلاقى الناس بتتخانق
لأ مش كده وبس ده فى ناس بتشتم بعض بطريق غير مباشر
لأ ده فى ناس بتشتم شتايم صريحه
علشان إيه ده كله
كلنا عندنا أخطاء
كلنا بنصيب وبنخطئ
مفيش حد كامل ولا خالى من العيوب
لكن كلنا مصريين سواء مسلميين أو مسيحيين
واكيد عاوزين نعيش كويس
وبلدنا تبقى كويسه
بس إزاى ؟؟؟؟؟
هتكون كويسه بدور كل واحد فينا
يعنى كلنا نحترم بعض الأول
وكلنا عنده حريات لكن بتنتهى عند حريان الاخرين
خلونا نكون إيجابيين
خلونا نكون فعالين
خلونا نستدعى الايجابيات اللى جوانا
خلونا نطرد كل السلبيات اللى مليانا
خلونا بجد نحترم بعض

شنورى شكرا على الموضوع ده
واتمنى إن كلنا نشارك ونتصارح ونتصالح بدون خناق وبدون زعل .

تقبلوا تحياتى

ربنا يخليك يا علاء
ويا سيدي مش لازم نتصالح
بس منتخانقش ونهين بعض
الناس ممكن تنسي خناقه في موضوع بمرور الوقت
بس مش حتنسي شتيمه اتشتمتها من حد

[S O P H O S]

صباح كل خير
وعلشان يبقي خير يبقي خالي من السياسة ..

[mesaharaty]

صباحك جميل يا شنورى بك ...
كفايانا خلافات ومشاحنات
بقى وبزيادة صراخ وعويل وإكتئاب
مافيش حاجة مستاهلة كل ده
كلنا مخطئين ومافيش حد معصوم من الخطأ
إحنا محتاجين نزود شحنة الود والإحترام المتبادل بيننا كمصريين فى وطن واحد
إحنا عاوزين نحترم بعضينا ونحترم بلدنا
قبح الله السياسة إللى خليتنا بقينا ناكل فى بعضينا بالشكل المقزز ده

[ahmad--ezzat]

بص يا شنورى باشا
طووووووووول ما المنتدى السياسى ده مفتووووووووح هيبقى فى صراعات ووقف اعضاء ومشاحنات وشتايم بالهبل

مش عارف ليه الاداره مش قادره تفهم ان دة منتدى سيااااااااااااااااااااااارات سياااااااااااااااااارات

والمنتدى الاجتماعى يدوب بيكسر الاطار بتاع المواتير والزيوت والمكن وخلافه

ليه بقى احول شارع مصرى مش فاهههههههههههههههههههههههههم؟؟؟

[mrs-kadous]

بعيدا عن السياسه التجاوزات اصبحت في كل مكان حتي في حياتك اليوميه تلاقي واحد واقف صف رابع وقافل الشارع كله علشان ما يميش 3متر واذا سالته ليه حضرتك واقف كده تتشتم ..،، طيب حضرتك بتشتم ليه??يقولك ان حر للاسف نظريه اللي مش معايا يبقي ضدي اصبحت لغه العصر وقطعا يختلف الثبات الانفعالي للاشخاص تبعا للمرحله العمريه والحاله المزاجيه وازاي تكيف نفسك انك تكون بارد واسمح لي لو كل الناس بطلوا يتكلموا في السياسه علشان بيتشتموا او حتي بيتقتلوا ماكنتش حريتنا رجعتلنا برغم كل التحديات اللي شايفنها علشان تتسرق منا تاني ...ااعتذر للكلم في السياسه وتقبل تحياتي للموضوع الجيد

[SHNORY]

صباح كل خير
وعلشان يبقي خير يبقي خالي من السياسة ..

صباح الفل يا باشا
مش لازم يكون خالي من السياسه بس الكلام يكون بالمعقول

صباحك جميل يا شنورى بك ...
كفايانا خلافات ومشاحنات
بقى وبزيادة صراخ وعويل وإكتئاب
مافيش حاجة مستاهلة كل ده
كلنا مخطئين ومافيش حد معصوم من الخطأ
إحنا محتاجين نزود شحنة الود والإحترام المتبادل بيننا كمصريين فى وطن واحد
إحنا عاوزين نحترم بعضينا ونحترم بلدنا
قبح الله السياسة إللى خليتنا بقينا ناكل فى بعضينا بالشكل المقزز ده

ربنا يديم الود والمعروف بيننا ونتجمع دايما علي الخير
والناس تفهم ان كل دي فتره وحتعدي

بص يا شنورى باشا
طووووووووول ما المنتدى السياسى ده مفتووووووووح هيبقى فى صراعات ووقف اعضاء ومشاحنات وشتايم بالهبل

مش عارف ليه الاداره مش قادره تفهم ان دة منتدى سيااااااااااااااااااااااارات سياااااااااااااااااارات

والمنتدى الاجتماعى يدوب بيكسر الاطار بتاع المواتير والزيوت والمكن وخلافه

ليه بقى احول شارع مصرى مش فاهههههههههههههههههههههههههم؟؟؟

لما الواحد بيدخل مكان فيه اكل بياكل الي علي نفسه
مبياكلش حاجه تتعبه او ميقدرش عليها
اللي ميقدرش يمسك اعصابه في وضع معين
ميحطش نفسه في الوضع ده
علشان ميضايقش نفسه ويحرق دمه

بعيدا عن السياسه التجاوزات اصبحت في كل مكان حتي في حياتك اليوميه تلاقي واحد واقف صف رابع وقافل الشارع كله علشان ما يميش 3متر واذا سالته ليه حضرتك واقف كده تتشتم ..،، طيب حضرتك بتشتم ليه??يقولك ان حر للاسف نظريه اللي مش معايا يبقي ضدي اصبحت لغه العصر وقطعا يختلف الثبات الانفعالي للاشخاص تبعا للمرحله العمريه والحاله المزاجيه وازاي تكيف نفسك انك تكون بارد واسمح لي لو كل الناس بطلوا يتكلموا في السياسه علشان بيتشتموا او حتي بيتقتلوا ماكنتش حريتنا رجعتلنا برغم كل التحديات اللي شايفنها علشان تتسرق منا تاني ...ااعتذر للكلم في السياسه وتقبل تحياتي للموضوع الجيد

مع كامل احترامي لوجهه نظر حضرتك
بس هو علشان الواحد بيشتم في الشارع وفي الشغل وخلال سواقته
لازم كل مكان يدخله يكمل شيمه فيه ؟؟؟
مينفعش ان الفعل يخلص ويخلص معاه رد الفعل بتاعه ؟؟؟
وهي الثوره حترجع بشتيمه الناس في بعض؟؟
الثوره ليها اسس واحداث وتعاملات الشتيمه مش جزء منها
وحضرتك اتكلمي في السياسه زي ما يعجبك دي حريه حضرتك الشخصيه ومحدش يقدر يقولك فيها حاجه
انا بس بقول ان لكل مقام مقال
بلاقي مواضيع عاديه في اقسام ملهاش علاقه بالسياسه واتقلبت سياسه بدون اي هدف
الا التنكيل وحرق دم البعض

[mrs-kadous]

عذرا انا اقصد ان في تحديات كتير قابلت الثوار زمان الولها كان التشكيك في اخلاقهم وتانيها كان شتيمه واخرها كانو عملاء وجواسيس .،لو كانوا اهتموا وخافو ماكنتش الثوره نجحت.نفس اللي بيحصل دلوقتي بس زايد عليه التحرش الجسدي والفكري للمراه وده اسلوب رخيص حتي النظتم البائد لم يجرؤ علي استخدامه

[SHNORY]

عذرا انا اقصد ان في تحديات كتير قابلت الثوار زمان الولها كان التشكيك في اخلاقهم وتانيها كان شتيمه واخرها كانو عملاء وجواسيس .،لو كانوا اهتموا وخافو ماكنتش الثوره نجحت.نفس اللي بيحصل دلوقتي بس زايد عليه التحرش الجسدي والفكري للمراه وده اسلوب رخيص حتي النظتم البائد لم يجرؤ علي استخدامه

طيب ما حضرتك تريحي من السياسه شويه وتنضمي معانا شويه في المنتدي الاجتماعي بعيدا عن احوال الشارع المصري
وخلينا في اجتماعياتنا
واهلا بحضرتك معانا في المنتدي
انا شايف ان تسجيل دخول حضرتك من وقت قريب وتقريبا مدخلتيش غير قسم الاحوال
لو اخدتي جوله في المنتدي حتلاقي اوجه استفاده كتير تضيع حرقه الدم بتاعه قسم الاحوال
الواحد يدخل الاحوال يتحرق دمه
يطلع ياخد جوله يشم شويه هوا في الاجتماعي علي شويه عوادم في الورشه
ويشوف شويه عربيات بتجري في الاقسام
ويرجع يكمل خناق في الاحوال

[mrs-kadous]

طيب ما حضرتك تريحي من السياسه شويه وتنضمي معانا شويه في المنتدي الاجتماعي بعيدا عن احوال الشارع المصري
وخلينا في اجتماعياتنا
واهلا بحضرتك معانا في المنتدي
انا شايف ان تسجيل دخول حضرتك من وقت قريب وتقريبا مدخلتيش غير قسم الاحوال
لو اخدتي جوله في المنتدي حتلاقي اوجه استفاده كتير تضيع حرقه الدم بتاعه قسم الاحوال
الواحد يدخل الاحوال يتحرق دمه
يطلع ياخد جوله يشم شويه هوا في الاجتماعي علي شويه عوادم في الورشه
ويشوف شويه عربيات بتجري في الاقسام
ويرجع يكمل خناق في الاحوال

بصراحه ان عامله العضويه دي بالذات علشان احوال الشارع المصري وكتبت موضوع عن ده بس اترفع علشان زي ملبتقول حضرتك مابتقول اتقلب سياسه ،،في اراء كتير استفزتني وكنت عايزه اعرف بيفكروا ازاي ...عموما هاعمل بنصيحتك بس مش بمزاجي لاني للاسف مش عارفه اكتب في القسم ده بالذات وعلشان ااكدلك اني مقتنعه بكلامك جزئيا هاسالك سؤال ?ماتعرفش شريط الايرباج بتاع الياريس بيتباع فين مش لاقياه خاص وماشيه من غير كلاكس مع الزحمه طبعا صعب ﺟﺪﺍ