مشكلة في الجالاكسي نوت محتاج رأي الخبراء فيها

[د.محمود صلاح]

السلام عليكم ورحمة الله
ارجو المساعدة في تفسير وحل تلك المشكلة
جهازي هو سامسونج جالاكسي نوت 32 جيجا وكما هو معروف فإن الذاكرة الداخلية متقسمة الى 2 جيجا للبرامج وحوالي 6 جيجا لنظام الأندرويد نفسه و الباقي متاح للتخزين ، ولكن ال2 جيجا بيخلصو بسرعة فاضطريت لنقل بعض البرامج على الذاكرة الخارجية
......

بعض البرامج لدي نقلتها لكارت الذاكرة الخارجية وهو من نوع scandisk 16 GB class 10

واواجه تلك المشكلة المبينة في الصورة بين الحين والآخر حيث تختفي ايقونات البرامج الموجودة على كارت الذاكرة ولا تظهر الا بعد عمل ريستارت او اذهب للإعدادت واعمل unmount لأل memory card و اركبه تاني ,, ثم تعاود الإختفاء خلال ايام قادمة





هل هناك تفسير ؟ هل الكارت تالف او به خلل ؟ .

[SAMEH_FOUAD]

طيب هنعمل حاجة الاول انك تجرب كارت ميمورى تانى وتشوف هيعمل معاك كدة ولا لأ ؟؟

لو عمل كدة تانى , يبقى هتعمل format للجهاز , بس اعمل الاول backup للData

[ahhazem]

أغلب الظن انه الكارت هو اللي فيه مشكله

[د.محمود صلاح]

لا مش الكارت لان كنت مركب كارت 4 وكارت 8 جيجا قبل ده وكان نفس الموضوع ...

[د.محمود صلاح]

حدثت الجهاز للجيلي بين واختفت المشكلة دي والحمد لله

[D . a .\ AYMAN]

هل المشكلة بالفعل تم حلها

لأنها موجودة عندي وكمان في مشكلة في الكلمات اللى بالعربي على كارت الذاكرة

بس أنا عندي الكارت 64 جيجا على النوت 10.1

وعملت فعلا التحديث بتاع الجيلي بين ونزلت الروم الأصلية بتاعته من على الأودين ولكن المشكلة لا زالت موجودة

هل فيه حد واجهته المشكلة دي في النوت 10 مع كارت الذاكرة

[ramymechanics]

معلش يا وحوش سؤال رفيع .. هو الجيلى بين دة هو بتاع الأس 3 والنوت 2 ؟؟ وأزاى اعمل تحديث للأندرويد بتاعى وهل ممكن الحاجت المتسيفة على الجهاز تضيع ؟؟ الأرقام والنوتس واللعب وكدة ؟؟

[Ahmed_selmy]

بالنسبه للتحديث فهو بتطلعلك لمحده يقولك ان فيه تحديث للجهازبالنسبه للتحديث هو بيطلع لوحده يقولك ان فيه تحديث للجهاز
اما بالنسبه للداتا اللى عليه بتفضل موجوده زى ما هى بس الافضل انك تعمل باك اب احتياطى قبل اى تحديث

[د.محمود صلاح]

خلصنا من مشكلة اختفاء ايقونات البرامج دلوقتي عندي مشكلة انطفاء الجهاز تماما لوحده حتى وهو مشحون

[D . a .\ AYMAN]

بصراحة ... أنا زعلان إني سيبت السوني اللى طول عمره ما قصر معايا على اختلاف موديلاته من زمان جدا .. تليفونات محترمة جدا

للأسف قلت أجرب اللى الناس كلها بتقول عليه إنه ما فيش أروع منه

هو بس السوني ناقص شوية الروشنة البسيطة جدا اللى بتحطهم سامسونج في تليفوناتها واللي في النهاية لا تقارن بجودة إنتاج سوني من جميع النواحي

هو في جذابة في سامسونج مش عارف إيه هي .. ولكن المسكة المحترمة والبرمجة النظيفة موجودة في سوني

عموما بالنسبة للمشكلة بتاعتي .. أعتقد إني وصلت لحل بس لسة ما جربتوش كفاية .. وهو إني مسحت البيانات اللى على الكارت تماما وحطيت الكارت في التلفون السوني نيو القديم بتاعي وعملتله فورمات من عليه وبعد كدة شيلته حطيته تاني في السامسونج ونقلت الملفات عليه من خلال توصيل الكابل بتاع التليفون في الكمبيوتر ونقلت البيانات كلها (43 جيجا) عن طريقه وليس عن طريق وضع كارت الميموري في الكمبيوتر

الطريقة دي ميزتها إن الفورمات بتاع السوني نيو .. برغم إنه إتعمل ex-fat برضه لكنه بيقرأ الملفات اللى إسمها بيكون بالعربي .. هو برضه بطيء شوية مش زي الـ ex-fat اللى بيتعمل على اللاب .. بس التاني مش بيقرأ أي ملف مكتوب بالعربي

هو مشكلة الكروت الكبيرة دي إنها ما ينفعش تتفرمت fat 32 لأنه آخره 30 جيجا

لغاية دلوقتي الملفات والفولدرات كلها شغالة تمام سواء أسمائها بالعربي أو اللاتيني ومافيش أي فقد في البيانات حصل ... الله أعلم بقى كمان شوية هايعمل نفس الحركة ولا هايتعدل بإذن الله

[D . a .\ AYMAN]

خلصنا من مشكلة اختفاء ايقونات البرامج دلوقتي عندي مشكلة انطفاء الجهاز تماما لوحده حتى وهو مشحون

المشكلة دي إحتمال كبير تكون من البطارية بتتهز ولا حاجة خصوصا لو كان وقع منك كتير قبل كدة على الأرض

إتأكد منها بإنك تشيل الغطا بتاع البطارية وهو شغال وتحاول تهزها بإيدك وانت باصص على الشاشة لو لاقيته طفا وانت بتهزها يبقى منها ... وساعتها تحاول تزنقها بورقة عشان ما تتحركش تاني