عاوز رايكم يا جماعة

[dedi]

من فترة واحد قريبى قال لى نشترى ميكروباص و نشغلة لنقل الطفال فقط يعنى العربية موش ها تشقى فكنت عاوز رايكم اية افضل ميكروباص فى الانواع الصينى و لية و اية الفرق بينهم لانى ماعنديش اى خبرة بهذا الموضوع
تحياتى لكم جميعا

[amdd]

بص يا سيدى كلامى مش عن خبره بس سمعت ناس كتير هنا بتشكر فى السوزوكى فان 7 راكب
خصوصا ان تقسيطها محترم

[dedi]

بص يا سيدى كلامى مش عن خبره بس سمعت ناس كتير هنا بتشكر فى السوزوكى فان 7 راكب
خصوصا ان تقسيطها محترم

ماعلش انا باتكلم عن 14 راكب و شكرا لرد حضرتك

[Nistelrooy]

واية يخليني اثق اني اديلك حد من الاطفال !!

[dedi]

واية يخليني اثق اني اديلك حد من الاطفال !!

انا موش فاهم قصدك اية
هم راكبين مع دراكولا مثلا و بعدين ما تركبهمش معانا w6266d
و بعدين ما تقلقش يا سيدى هو المشوار داخل البلد ز لن يتجاوز ال5 كيلو و هو شبة انة ميكروباص خاص
و لو قصد حضرتك انة صينى م تنساش انة كل شئ صينى فى البلد دة حتى الموش صينى بقى صينى يعنى سياراتنا 80% ان لم يكن أكثر من قطع الغيار صينى مضروب تحت مسمى انها يابانى او كورى ......................
وعلشان أتأكد من الافضل فى الصينى علشان كدة انا بأسأل بالرغم من انة يوجد انواع فى الصينى تقل عن مثيلاتها 10000 او 15000 جنية
انا بافاضل بين نوعين وهم باو و هو توكيلة مرسيدس بنز و نوع اخر اسمة كنج تونج تقريبا هذا ان لم يكن توجد ماركة افضل منهم
بعد الشرح السابق هاتركب الاطفال معانا و لا لا
تحياتى لك

[Nistelrooy]

هههههههههه لاء انا ماقصدتش دراكولا ولا حاجة قصدي علي الامان يعني مين هيضمن يدي لحضرتك اولادة في ظل عدم الامان الي احنا فية ده ..

[ahmedhilmy]

هههههههههه لاء انا ماقصدتش دراكولا ولا حاجة قصدي علي الامان يعني مين هيضمن يدي لحضرتك اولادة في ظل عدم الامان الي احنا فية ده ..

حضرتك مجوز و عندك اولاد؟ لو كده يبقي ربنا يباركلك فيهم هتبقي اكيد عترف خجم ماساه باصات المدارس و غلوها و تناكتهم اللي بتخلي نسبه كبيره من الناس تلجا لحلول بديله و علي فكره المشروع ده منتشر جدا و شغال زي الفل

[hugan]

مفيش غير الموديل شبيه التويوتا من94 الي 2008
شايف انه انتشر جامد
اللي اعرفه ان قطع غيار التويوتا بتركب عليه

[maka]

الصينى عندك نوع تبع مرسيدس و نوع تقليد للتويوتا الشيب القديم , المرسيدس اوسع بس بحس انه مش ماسك نفسه على الطريق اما اللى شبه التويوتا فهو اضيق بس محترم و العربية ماسكة نفسها و منتشرة اكثر من المرسيدس

[Nistelrooy]

حضرتك مجوز و عندك اولاد؟ لو كده يبقي ربنا يباركلك فيهم هتبقي اكيد عترف خجم ماساه باصات المدارس و غلوها و تناكتهم اللي بتخلي نسبه كبيره من الناس تلجا لحلول بديله و علي فكره المشروع ده منتشر جدا و شغال زي الفل

لا متجوز ولا عندي اولاد .. بس الموضوع مقلق لو ماجاش من معارف كويسة

[sha2e]

لصاحب الموضوع اعتقد ان Nistelrooy قصده ان الناس دلوقتى بقت فى حالة رعب على اولاده
وصعب ان حد يشترك لاولاده مع باص شاف ليه اعلان او احد مش عارفه كويسه
ده من مبدأ حرصه على مالك عشان ماتدخلش مشروع وماينجحش لا قدر الله
فلازم قبل ما تفكر فى الوضوع ده يكون معاك بالفعل ناس عايزه تشترك من دلوقتي

بخصوص رأي الشخصي :
1-الميكروباصات الصيني بتكون فى رينج الـ 100 الف جنيه تزيد او تقل تلات او اربع الاف حسب النوع والتكييف ( حسب الاسعار القديمه معرفش تأثير الدولار عليها ايه)
والمكروباصات دي قدامك ليها حل من الاتنيين
أ - انك ترخصها بنمر أجره ( ودي بتكون غاليه وبتدفع عليها ضرايب كتير ) ومينفعش انها تمشي فى اى حته فى المدينه لان بيكون لها خط سير المفروض تلتزم بيه ( لكن فيه طريقه انك تطلع جواب من المرور او حاجه زي كده لو عايز تشغلها للمدارس لكن للاسف مش عارف كل بياناته)
ب - انك ترخصها رحلات تبع اى شركه ودي بتكون تمن الترخيص اول مره اقل كتير بالاضافه الى الترخيص السنوى وكمان بتكون مرنه شويه فى الحركه بدون خط سير

2- السيارات ذات ال 10 مقاعد : عشان تترخص ملاكي بدون الدخول فى مشاكل تراخيص الاجرة ومصاريفها الكتير وكمان رخصة السائق
وفى منها الجديد والمستعمل
الجديد زي السوزكي الغزاله
المستعمل فى منه كتير بدايه من الفولكس المنتشره فى الجيزه لحد الميكروباص الهيونداي الي كان ديما سياحه اعتقد ان اسمه تقريبا H1
فى برضو الميكروباص الهيونداي العادي القديم (موديل التسعينات تقريبا) شوفت أكتر من واحد معلق ملاكي بس هوا نفس شكل اخوه بس ده قصير شويه " اعتقد انه 12 راكب لكن هما بيمشوها ملاكي "
الميكروباص ده قليل شويتين لانه كان بيستعمل فى بعض السفارات الاسيويه والافريقيه قبل نزول H1 عشان كده ممكن تلاقي منه حالات نظيفه
وفي كمان العربيات الامريكي زي بتاعت السفارات وفى منها كان بيستعمل فى الوزارات المصريه ( بس دول لازم تتأكد ان كان قطع غيارهم موجوده بسعر كويس ولا لأ )

[dedi]

شكرا لكل الاحباء الذين شاركوا هو الموضوع بسيط هم مجموعة اطفال سيقوم الميكروباص بتوصيلهم المشوار كلة لن يكون اكثر من 5 الى 15 كيلو و ارجاعهم يعنى موش مشاوير طحن
بس برضة لسة لم نصل لمعلومة مؤكدة عن اى ميكروباص افضل اعتقد انة المفاضلة الان بين الباو و الكنج تونج هم شكلهم واحد 14 راكب مثل التويوتا الشكل القديم بس مش عارف ايهم افضل يعنى سمعت انة فية موديل عيبة فى الكارتة بتاعت الكمبيوتر و دية سعرها غالى المشكلة انة كل ما تسال سواق يقعد يفتكس من 6 سنوات تقريبا كنا عاوزين نشترى ميكروباص تويوتا 16 راكب الجديد و عند سؤال السواقين سمعنا حوارات الذى يقول عربية عالية و سوف تنقلب بكل سهولة و الذى يقول الموتور موش مجهز لحجم السيارة الكبير و تاليف و عبط كتير
ياريت الذى عندة معلومة لا يبخل بها و شكرا لكم

[sha2e]

انا عملت سيرش عشان اوضحلك بالصور الى اقثده بالظبط

دي صوره للهيونداي العادي (القصير)


ودي صورة للهيونداي السياحي القديم


وده الشكل الجديد منه


ودي صورة بنوع من الامريكي


حظك حلو وانا بعمل سيرش لاقيت صورة ميكروباص ميتسوبيشى بلوح ملاكي

[dedi]

انا عملت سيرش عشان اوضحلك بالصور الى اقثده بالظبط

دي صوره للهيونداي العادي (القصير)


ودي صورة للهيونداي السياحي القديم


وده الشكل الجديد منه


ودي صورة بنوع من الامريكي


حظك حلو وانا بعمل سيرش لاقيت صورة ميكروباص ميتسوبيشى بلوح ملاكي

الف شكر لتعبك طيب انت لفت نظرى كدة للميكروباص المتسوبيشى يا ترى اخبار سعرة اية و من توكيلة
طبعا الهيونداى محترم و لكن سعرة سوف يكون اوفر علينا
تحياتى لحضرتك

[sha2e]

الف شكر لتعبك طيب انت لفت نظرى كدة للميكروباص المتسوبيشى يا ترى اخبار سعرة اية و من توكيلة
طبعا الهيونداى محترم و لكن سعرة سوف يكون اوفر علينا
تحياتى لحضرتك

بخصوص الميتسوبيشي مانصحش بيه طبعا لانه مش منتشر
انا اقصد انى الفت نظرك للمستعمل لاسباب كتير
1- فرق السعر حيكون مغري جدا
2- الميكروباصات 12 راكب في منها حالات تعتبر كسر زيرو حتى لو كانت موديلات اواخر التسعينات او اوائل الافينات وممكن تلاقى واحد معملش 50 الف كيلو لان اغلبها مكنش بيشتغل اجره لكن كان تبع سفارات ( لو عرفت توقع واحد من دول هيبقى اكتر صفقه رابحه ليك )
3- ان الى هيركبه هيبقى اطفال وهيبهدلوه من جوه فحرام انك تشتري زيرو والاطفال يبهدلوه
4- انك لو هاتجيبه 12 كرسي ممكن ترخصه ملاكي ودي هتفرق معاك كتير سواء فى الترخيص والضرائب الى هتدفعها سنويا غير الترخيص لاول مره بالاضافه انه لو ملاكي ممكن يتساق برخصه خاصه مش مهنيه لو كان اجره
5-المسافه الى هيشتغلها حاجه بسيطه مش شغل بجد يستحق عربيه جديده