سؤال بخصوص ال printers

[sasa44]

السلام عليكم ورحمة الله وبركاته
يا جماعه انا كنت عاوز اشتري طابعه عندي فى الشغل بس تكون 3 فى 1
وكان عندي شوية اسئلة
1 - ايه الفرق بين deskjet و inkjet , laserjet وأيهما افضل؟؟؟
2- ايه افضل الانواع الموجوده canon , samsung , hp
3- ايه الفرق بين الحبر السائل والبودرة وأيهما افضل؟؟؟
4- عدد الورق اللي بتعمله الحبارة وطريقة الملئ والسعر
5- اشتري ايه فى حدود 700 جنيه ويكون اعادة ملئ الحبارة مش غالي وبيعمل ورق قد ايه

علما بأن الاستهلاك بتاعها هيبقي كتير شوية ..... بس مش مهم السرعة يعني مش مهم تطبع كام ورقة فى الدقيقة
ياريت يا جماعه اللى يعرف اي اجابة للاسئلة دي يجاوبني وجزاكو الله خيرا

[RAPID]

السلام عليكم ورحمة الله وبركاته
يا جماعه انا كنت عاوز اشتري طابعه عندي فى الشغل بس تكون 3 فى 1
وكان عندي شوية اسئلة
1 - ايه الفرق بين deskjet و inkjet , laserjet وأيهما افضل؟؟؟


الـ deskjet والـ inkjet واحد بيشتغلوا بتقنية الحبر النفاث (السائل) اما طابعات الـ laserjet فتعمل بتقنية الحبر الجاف (البودرة)

2- ايه افضل الانواع الموجوده canon , samsung , hp


الانواع اللى ذكرتها كلها ممتازة لكن اشهرهم فى السوق واكثرهم فى التداول هو hp وهتلاقى ليها قطع غيار واماكن ملء احبار منتشرة وكمان اسعارها معقولة واعتمادية جدا ومشاكلها قليلة

3- ايه الفرق بين الحبر السائل والبودرة وأيهما افضل؟؟؟


الحبر السائل بتملاه كل فترة قصيرة وغالى ولو مستعملتوش لفترة طويلة بينشف ولازم تغيره وعدد اوراق طباعته قليل لكن البودرة (الليزر) بتملاها كل فترة ولو مستعملتش الطابعة لفترة طويلة عادى مفيش مشاكل ورخيص مقارنة بالحبر السائل وعدد اوراق طباعته اكتر من السائل، والبودرة افضل طبعا

4- عدد الورق اللي بتعمله الحبارة وطريقة الملئ والسعر


فى الحبر الجاف (الليزر) حوالى الف ورقة كل مرة بتملا فيها الكارتردج وممكن تملاه عند اى محل بتاع طابعات وممكن تجيب انت الحبر وتملاه بنفسك والسعر من 30 الى 50 جنيه

5- اشتري ايه فى حدود 700 جنيه ويكون اعادة ملئ الحبارة مش غالي وبيعمل ورق قد ايه


ممكن تبص على واحدة من دول


Buy online in Egypt HP Pro P1102w Laser printer for only 850 EGP the best price


Buy online in Egypt HP Pro P1102 Laser printer for only 577 EGP the best price

[sasa44]

الف شكر ليك يا باشا على الرد بس معلش كمان سؤالين
1- ايه هو ال printer officejet
2- الكارتيج السائلة بكام وبتعمل كام ورقة

ومعلش لو بتاقل عليك يا كبير

[RAPID]

الف شكر ليك يا باشا على الرد بس معلش كمان سؤالين
1- ايه هو ال printer officejet

تقريبا ده نوع من طابعات الحبر السائل بس سرعة طباعته اعلى واجود من الطابعات العادية وبتكلفة اقل فى الحبر


2- الكارتيج السائلة بكام وبتعمل كام ورقة

بصراحة انا مستخدمتش حبر سائل قبل كدة بس سعر العبوة 1 لتر تقريبا كان بـ 100 جنيه واكيد دلوقت اسعاره زادت


ومعلش لو بتاقل عليك يا كبير

تحت امرك يا باشا فى اى وقت

[sasa44]

الف شكر ليك يا باشا مرة تانيه على الرد
وربنا يجعله فى ميزان حسناتك

[blazer]

أنا بدور زيك ولاقيت ان افضل 3 موديلات ليزر فيهم سكانر وبرينتر هما دول
hp_M1132 سعرها 750
samsung_SCX-3405 سعرها 680
xerox_workcentre_3045B سعرها 700

وانا شايف ان ال xerox افضلهم وناوى اشتريها بس لما تيجى لى فلوس

[AlGazar2]

لو بتطبع الوان يبقى inkjet لان الليزر منها غالى و محتاج تصريح

و البرينتر بيتملى عادى الحباره بتاعته اخر مره اشتريت الحبر كان النص ليتر *4 بحوالى 120 جنيه تقريبا و كل ما تزود الكميه السعر بيقل و الحباره بتاعتها الاصليه الاتنين بحوالى 180:250 على حسب رقم الحباره

بس لو طباعتك اسود بس يبقى الافضل الليزر و الحباره بتاعه الليزر من 250:300

الليزر ممكن يوصل الورق ل 1000 فى الحباره و الانك جت على حسب الحباره نفسها بس مبتقلش عن 200:300 ورقه فى الموديلات القديمه و بتوصل ل 700 ورقه فى الجديد

[dede_dodo88]

أنا كنت جايب دي من كام شهر من كمبيومي
Brother DCP-7055 MultiFunction Printer - e3050 Egypt
و أخترت الليزر عشان أستخدامها أحسن و أسرع في طباعة كميات كبيرة و الحبر مش بينشف لو فضلت متستخدمهاش فترة على عكس طابعات الحبر..

أنا طبعت بيها لحد دلوقتي ما يقرب من 1000 ورقة بالكارتردج اللي كانت جاية فيها اللي هي تعتبر تجريبية و الحبر يادوبك لسة أبتدى يخلص..
و جبتلها كارتردج أحتياطي زيادة كانت بـ180 جنيه بس لسة محتجتش أركبها..

[abdelaziz-waleed]

انها لسة شاري الطابعة ديه من مول البستان ب 800 جنيه
Canon U.S.A. : Consumer & Home Office : imageCLASS MF3010
وبتاخد كارتردج الجبر 85A بتاع اتش بي عادي جدا وسعره 130 اما الكارتردج بتاعها ب 180

[sasa44]

أنا بدور زيك ولاقيت ان افضل 3 موديلات ليزر فيهم سكانر وبرينتر هما دول
hp_m1132 سعرها 750
samsung_scx-3405 سعرها 680
xerox_workcentre_3045b سعرها 700

وانا شايف ان ال xerox افضلهم وناوى اشتريها بس لما تيجى لى فلوس

ممكن اعرف يا باشا افضل مكان اشتريهم منه ؟؟؟؟؟؟؟

[blazer]

hp_m1132 سعرها 750
samsung_scx-3405 سعرها 710 فى gamma stores
xerox_workcentre_3045b السعر دا فى كارفور 670 جنيه