توليد الكهرباء مجانا .. هل هي حقيقة فعلا ..؟

[misry]

السلام عليكم ...

أنا شفت الفيديوهات دي على اليوتيوب وعاوز أعرف منكم هل ممكن فعلا اننا نولد

الكهرباء بالطرق دي ...؟

ولو حقيقية ازاي , ونشتري الحاجات دي منين ...؟

ياريت لو حد بيفهم في الكهرباء يفيدنا ...


[youtube]http://www.youtube.com/watch?v=WoaLGvJkoP8[/youtube]








شكرا ...

[misry]

[youtube]http://www.youtube.com/watch?v=g0i5mqRICNM[/youtube]

[misry]

ما حدش عارف وللا ايه ...؟

[AlGazar2]

انا مبفهمش فى الكهربا اووووى بفهم بس بسيط يعنى
بس فى مبدأ بسيط فى الفيزياء و هو الطاقه لا تفنى و لا تستحدث من العدم
يعنى مش هيجيلى طاقه كهربائيه من لا شئ - لازم يكون فى طاقه تانيه تتحول و تبقى طاقه كهربائيه

ممكن يبقى فى كهرباء ببلاش لكن عشان تعملها لازم هتدفع فى الاول و بتيجى من الخلايا الشمسيه او مزارع الرياح او طاقه الامواج و كلها مصادر متجدده للطاقه مبتخلصش و مش بتكلف غير تمن الوحده الى هتولد كهرباء و صيانتها لو ليها صيانه او تنظيفها كما الحال فى الخلايا الشمسيه

[AlGazar2]

و الفيديو الى فيه الطاقه من خط التليفون فده عندهم لانه قال ان الخط فيه بين 40:70 فولت و انه طلع عنده 57 فولت و هوه حولهم بدايره ما ل 110 تقريبا
و فى الفيديو التانى ده عن طريق موجات الراديو استقبل موجات الراديو و خلاها كهربا و لو فعلا ده موجود و انا اشك فى الفيديو بامانه يبقى كان زمانا دلوقتى ماشيين بننور بس عجبنى فيه النوكيا الاثرى 3310

[Ahmed_selmy]

على فكره موجات الراديو والواى فاى واى حاجه وير لس بتكون عباره عن موجات كهربيه ولكن البور بتاعه بيكون ضعيف , وبيعتمد على ان كل موجه ليها ذبذبه او Frequency معين وهى بتاخد الذبذبه اللى تخصها هى وتنقيها عن طريق فلتر وتطلع منها المعلومات فقط, هو موضوع كبير شويه.
بس بردوا الفكره مبتكونش ان يكون عندك 110فولت بس ولكن الباور بتاعك قد ايه" Watt" لان ممكن يكون عندى 110فولت بس الباور مايشغلش لمبه حتى.

[misry]

يعني الفكرة قابلة للتطبيق لكن لتشغيل لمبات صغيرة مثلا ...؟

تبقى حاجة حلوة برده لأنها كهرباء ببلاش ... أنا نفسي أجرب اللي في الفيديو بس مش عارف اجيب الحاجات

اللي بيقولوا عليها دي منين ...

[lanos2004]

كل ماسبق فى الفيديوهات كلام فاضى وتخاريف
الكهربا لا تتولد الا عن طريق توربينات تدار بضغط الماء او البخار او الرياح او امواج البحر
وعن طريق الخلايا الشمسيه او بعض التفاعلات الكميائيه

[lanos2004]

كل ماسبق فى الفيديوهات كلام فاضى وتخاريف
الكهربا لا تتولد الا عن طريق توربينات تدار بضغط الماء او البخار او الرياح او امواج البحر
وعن طريق الخلايا الشمسيه او بعض التفاعلات الكميائيه

[S O P H O S]

اعتقد كده فعلا ..

[misry]

طيب فيها ايه لما نجرب ... هنخسر حاجة ...؟

ياريت حد يقول الدايرة تتعمل ازاي ومنين أجيب الحاجات المطلوبة وانا اعملها واقول على النتيجة ...

[m_elkhishin]

طبعا خط التليفون فيه كهرباء، وهي بالطبع ليست من العدم لأن مصدرها الجهاز اللي متوصل عليه خط التليفون في السنترال اللي شغال بالكهرباء العادية.

خط التليفون بيكون عليه DC voltage 48-60 volts
والجرس بيكون AC 90V

المشكلة بقى ان مصدر الكهرباء ده محدود القدرة جدا. يعني في أحسن الحالات أقصى طاقة ممكن تاخدها من خط التليفون 300 mwatt يعني أقصى تيار تقريبا حوالي 5 ميللي أمبير. وده تيار ضعيف جدا جدا. يعني اخره زي ما حصل في الفيديو كده يشغل لمبة LED.

بالاضافة ان السنترال يقدر يكتشف الموضوع ده ويعملك مشكله خصوصا انه مخالف للقوانين.
عشان كده نلاحظ ان التليفونات اللي فيها وظايف متطورة وشاشة لازم يكون فيها بطاريات أو لها محول كهرباء خارجي، لان كهربة الخط مش كفاية.

[أحمد كمال]

على فكره موجات الراديو والواى فاى واى حاجه وير لس بتكون عباره عن موجات كهربيه ولكن البور بتاعه بيكون ضعيف , وبيعتمد على ان كل موجه ليها ذبذبه او frequency معين وهى بتاخد الذبذبه اللى تخصها هى وتنقيها عن طريق فلتر وتطلع منها المعلومات فقط, هو موضوع كبير شويه.
بس بردوا الفكره مبتكونش ان يكون عندك 110فولت بس ولكن الباور بتاعك قد ايه" watt" لان ممكن يكون عندى 110فولت بس الباور مايشغلش لمبه حتى.

موجات كهرومغناطيسية ........مش كهربية

[Ahmed_selmy]

موجات كهرومغناطيسية ........مش كهربية

شكرا للتصحيح التعبير....