الكهربا قاطعه ليييييييه

[AlGazar2]

النور قاطع ليه يا حكومه فاشله
فين الحلول الذكيه و الطاقه المستدامه و الكهرباء النظيفه
فين استغلال الاسطاع الشمسى الاعلى على مستوع العالم طول السنه
فين استغلال طاقه الرياح فى مناطق زى الزعفرانه و المنيا و العلمين
فين استغلال طاقه الامواج فى البحرين الحلوين الى عندنا فين
استغلال الطرق السريعه فى توليد الكهرباء من الازاحه بتاعه العربيات الى ماشيه
فين استغلال طاقه باطن الارض سواء الى فى الصحراء او فى البحر
و السؤال الاصعب هى فين الحكومه اصلا

الموضوع مش سياسى على قد ما هو فضفضه و عارف انه مش زنب الحكومه الحاليه لانهم مستلمينها خرابه بس مش معنى كده انهم يكملوا على الخرابه دى و يسيبوها على خرابها
و الى يقولى مفيش فلوس يعمل كل ده هقوله دول اوروبا نفسهم يعملوا المشاريع دى فى مصر و دول افريقيا مقابل جزء من الكهربا الى هاتطلع منها
و الخامات الى بتتصنع منها الحاجات دى كلها موجوده فى مصر و بكثره كمان و خصوصا الى بتتصنع منها الخلايا الضوئيه

[Magoda]

يعنى الكهربا مكنتش بتقطع زماااااااااااان
احنا المطلوب منا اننا نصبر
الحكومة مش هتقدر تعمل كل حاجه فى وقت واااحد
البلد مش ههتقوم فى 4 سنين ولا ف 5 ولا ف 10 سنين
بعد ما الحكومة ديه تمشى هتيجى حكومة تانيه لازم نصبر عليها

[nab!l]

يعنى الكهربا مكنتش بتقطع زماااااااااااان
احنا المطلوب منا اننا نصبر
الحكومة مش هتقدر تعمل كل حاجه فى وقت واااحد
البلد مش ههتقوم فى 4 سنين ولا ف 5 ولا ف 10 سنين
بعد ما الحكومة ديه تمشى هتيجى حكومة تانيه لازم نصبر عليها

انت مقتنع بالى بتقوله
انت بتقول ايه

[lanos2004]

الكهربا قاطعه عندنا فى الشركه -المهندسين من الساعه 4 حتى قبل ربع ساعه من الان

[Mahmoud Mosaad]

ومن شوية في زهراء مدينة نصر كمان

امال هيحصل ايه في الصيف

[mando800]

انتو غلطانين يا جماعه
علشان تقطع الكهربا تقومو تعملو موضوع هنا
لا
المفروض اعتصام و مظاهرات و عصيان مدني
على طول
ازاي الكهربا تقطع ساعه
ولا اتنين
بتقول ايه ؟؟ بيعملو صيانه ؟
ليه يعملو صيانه
ليه
ليه

[MTAK]

بالراحه كده و هدى نفسك

اولا يجب ان تكون عقلانى عند الطلب

يعنى لازم الاول اعرف يعنى ايه طاقه من الرياح او الشمس و ازاى استفيد منها و بعدها احاسب الحكومه و اقولهم يا فشله

لعلم سيادتك ( لو عاوز تعرف ) انما انا بصراحه اشك فى هذا و اظن موضوعك من سبيل موضوعات اللى كلنا عارفينها

-----
اهى معلومه يمكن تنفع واحد تانى هايشوف الموضوع و اجرنا على الله

انشاء محطات التوليد الكهرباء من الرياح مثلا يتطلب اولا دراساتت كبيره و تكلفه عاليه

نظرا لان معظم المكونات خارجيه و لها تكلفه صيانه

الزعفرانه بها مشروع توليد الكهرباء من الرياح فعلا و من ايام مبارك بس المشروع تلاقى معظمه واقف لاسباب كتير

الطاقه الشمسيه نفس الكلام
مش مجرد هاجيب لوح و احطه فى الشمس يطلع كهربتا انور البلد بها

ليس دفاعا عن الحكومه و لكن فعلا تلك المشاريع بتاخد وقت و فلوس على ما تجيب نتيجه

و انظر الى الدول اللى عندها طاقه زى امريكا

هتلاقى برضه عندها مفاعلات نوويه

الطاقه المجانيه دى مابتجبش طاقه عاليه اوى

----
لو عاوز تفيد نفسك و بلدك

فكر تتعلم و تفيد نفسك و بلدك و اعمل سخان شمسى

او على سطح البيت حط لوحه شمسيه و اعرف سعرها و ركبها و نور و لو حتى نور سلم البيت

يبقى وفرت فلوسك ووفرت للبلد و اتعلمت حاجه جديده

[ahmedsrs]

الكهربا بتقطع عشان فى مصدر مطلع طلع قال ان مفيش غاز يشغل المحطات وان فى 500 ميجاوات طلعت من الشبكة (طبعا على ذمة اليوم السابع) يعنى ناموا بدرى عشان تنهضوا الصبح بدرى وتوفروا الكربا

[midnightman_74]

البلد مش ههتقوم فى 4 سنين ولا ف 5 ولا ف 10 سنين

[midnightman_74]

بتقول ايه ؟؟ بيعملو صيانه ؟
ليه يعملو صيانه

ومين قال أنهم بيعملوا صيانة ؟؟؟
دول بيقطعوا الكهرباء بانتظام عن كل المناطق بالتبادل عشان الكهرباء مش كفاية للاستهلاك
ابقى سلملى على الاستثمار

[mando800]

الكهرباء بقالها مثلا 3 اسابيع مقطعتش عندنا في الحي الشعبي المكتظ بالسكان

[|Mostafa|]

هي دي النهضة يالي عصرتوا اللمون.....ولا تلومن إلا أنفسكم :)

[هشام.النجار]

مفيش غاز طبيعي يشغل المحطات ، متوقع صيف قادم فيه إظلام تاريخي للمحافظات

[mrs-kadous]

النور قاطع ليه يا حكومه فاشله
فين الحلول الذكيه و الطاقه المستدامه و الكهرباء النظيفه
فين استغلال الاسطاع الشمسى الاعلى على مستوع العالم طول السنه
فين استغلال طاقه الرياح فى مناطق زى الزعفرانه و المنيا و العلمين
فين استغلال طاقه الامواج فى البحرين الحلوين الى عندنا فين
استغلال الطرق السريعه فى توليد الكهرباء من الازاحه بتاعه العربيات الى ماشيه
فين استغلال طاقه باطن الارض سواء الى فى الصحراء او فى البحر
و السؤال الاصعب هى فين الحكومه اصلا

الموضوع مش سياسى على قد ما هو فضفضه و عارف انه مش زنب الحكومه الحاليه لانهم مستلمينها خرابه بس مش معنى كده انهم يكملوا على الخرابه دى و يسيبوها على خرابها
و الى يقولى مفيش فلوس يعمل كل ده هقوله دول اوروبا نفسهم يعملوا المشاريع دى فى مصر و دول افريقيا مقابل جزء من الكهربا الى هاتطلع منها
و الخامات الى بتتصنع منها الحاجات دى كلها موجوده فى مصر و بكثره كمان و خصوصا الى بتتصنع منها الخلايا الضوئيه

احنا زهقنا حضرتك من الكلمه دي اللي عايز يشتعل بيشتعل .. وبعدين حضرتك بتطلب الكلام ده من مين هو فيه بلد ولا في ريس ولا في حكومه اصلا

[ahmedhilmy]

يعنى الكهربا مكنتش بتقطع زماااااااااااان
احنا المطلوب منا اننا نصبر
الحكومة مش هتقدر تعمل كل حاجه فى وقت واااحد
البلد مش ههتقوم فى 4 سنين ولا ف 5 ولا ف 10 سنين
بعد ما الحكومة ديه تمشى هتيجى حكومة تانيه لازم نصبر عليها

بقي ده اسمه كلام برده لأ طبعا مكنتش بتقطع ايوة مفارنه بدلوقتي مكنتش بتقطع فعلا نصبر ايه و لا علي ايه احنا في عز الشتا و الكهربا بتقطع بالساعه و الاتنين يوم و يوم الناس دي مش عارفه حاجه و بيخبطوا و ادينا صبرين