عرضين سفر ومحتار

[viper911s]

السلام عليكم
بصراحة
انا جايلى عرضين سفر الى السعودية
شركات مقاولات
الاولى (بن ظفرة للمقاولات ) سمعتها كويسة اوى لكن الراتب قليل
الثانية (الميال للمقاولات )سمعتها مش اد كدة مرتبها اعلى شوية

اروح للى سمعتها احسن ولا للفلوس الاكتر
علما بانى حاليا مفيش شغل
الى الان انا ميال الى سمعتها اكبر وكيان اكبر لكن بجد محتار
ياريت تساعدونى
شكرا

[viper911s]

نسيت اقول
اىتنين موفرين السكن والتأمين والانتقالات
الميال ليها فروع فى جدة ومكة
بن ظفرة فى الرياض

[amribrahim]

بلاش الرياض هتندم ... الرياض ديه ميتة و التشدد فيها أعلى ... جدة حلوة و لذيذة .. هتحس بالغربة في الرياض

[zangry]

خد السمعة ومتخدش الفلوس :d

[drmsadek1979]

شوف
لو الفرق بسيط اختار الكيان الي سمعته احسن بدون تردد

[wawamoha]

اه و خللي بالك اللي مرتبها اعلى ممكن تكون معاملتهم سيئه ...يعني ممكن ماتاخدش راتبك عل الاقل في مواعيده
بس برضه ممكن تكون شركه كويسه برضه و معاملاتهم كويسه - محتاجه تسال حدج هناك
ربنا يوفقك - انت محتاج تصلي استخاره كتير

[hossam_elwani]

بلاش الرياض هتندم ... الرياض ديه ميتة و التشدد فيها أعلى ... جدة حلوة و لذيذة .. هتحس بالغربة في الرياض

مش للدرجه دى الدنيا اتغيرت .. هو فعلا جده فكه عنها لكن برضو الرياض حلوه انا كنت قاعد هناك 10 سنين والوالد قعد 21 سنه

[youssef_u]

جده تعتبر كلها مصريين ،،، شارع فلسطين زي طلعت حرب عندنا :)

[viper911s]

شوف
لو الفرق بسيط اختار الكيان الي سمعته احسن بدون تردد

بصراحة الفرق مش كبير عادى يعنى (500)

اه و خللي بالك اللي مرتبها اعلى ممكن تكون معاملتهم سيئه ...يعني ممكن ماتاخدش راتبك عل الاقل في مواعيده
بس برضه ممكن تكون شركه كويسه برضه و معاملاتهم كويسه - محتاجه تسال حدج هناك
ربنا يوفقك - انت محتاج تصلي استخاره كتير

والله انا فى حاجات شفتها زاولتنى يعنى العقد بتاع الشركة الى مرتبها اعلى فى شرط جزائى لو تم فسخ العقد عن طريقى بتحرم من دخول السعودية 3 سنين وبتدفع فلوس حاجة كدة

الشركة التانية فى البند دة كاتبين انو فى حالة فسخ العقد عن طريقى بدفع انا تذاكر سفرى بس كدة

واللة دماغى تعبت

مش للدرجه دى الدنيا اتغيرت .. هو فعلا جده فكه عنها لكن برضو الرياض حلوه انا كنت قاعد هناك 10 سنين والوالد قعد 21 سنه

يعنى هتعايش فيها علشان فى ناس كتير قالتلى جدة احلى ومش هتحس بالغربة ومش عارف بصراحة
والرياض هتحس فيها بالغربة علشان العاصمة وكدة

[hossam_elwani]

بصراحة الفرق مش كبير عادى يعنى (500)



والله انا فى حاجات شفتها زاولتنى يعنى العقد بتاع الشركة الى مرتبها اعلى فى شرط جزائى لو تم فسخ العقد عن طريقى بتحرم من دخول السعودية 3 سنين وبتدفع فلوس حاجة كدة

الشركة التانية فى البند دة كاتبين انو فى حالة فسخ العقد عن طريقى بدفع انا تذاكر سفرى بس كدة

والله دماغى تعبت






يعنى هتعايش فيها علشان فى ناس كتير قالتلى جدة احلى ومش هتحس بالغربة ومش عارف بصراحة
والرياض هتحس فيها بالغربة علشان العاصمة وكدة

جده ثم الرياض

[Land_Cruiser]

خد السمعة ومتخدش الفلوس :d

+1
اللى سمعتها كويسه احسن و تقدر تبقى تطمن من ناحيتها على الاقل بالنسبه للفتره الاولى اللى هى بتبقى أصعب مرحله و بعد كده يبقى ربنا يسهل و المرتب يزيد لما تثبت نفسك ان شاء الله

[viper911s]

انا شايف الاغلبية بتقول السمعة
ربنا يقدم ما فية الخير
لو فى اراء تانية ياريت تقولوا انا منتظر ردودكم

[tamerosman]

بلاش الرياض هتندم ... الرياض ديه ميتة و التشدد فيها أعلى ... جدة حلوة و لذيذة .. هتحس بالغربة في الرياض

كﻻم سليم عن تجربة الحياة فى الرياض كئيبة ..... بس ارحم من ام الدنيا فى ظل انعدام اﻻمن اللى احنا فيه


روح جدة او المنطقة االشرقية حتﻻقى الحياة لذيذة هناك ....علما ان الرياض الحياة فيها سهلة و مريحة بس كئيبة

اهم نقطة . ... الشركات التعبانة فى الرياض ممكن تقد 6 شهور متفبضش مرتبك و يقولك مفيش سيولة و مستنين نصرف مستخلصات و نقبضك ...يبقى خليك فى شركة محترمة و اسئل بيتاخرو فى صرف المرتبات و ﻻ منتظمين .

[viper911s]

كﻻم سليم عن تجربة الحياة فى الرياض كئيبة ..... بس ارحم من ام الدنيا فى ظل انعدام اﻻمن اللى احنا فيه


روح جدة او المنطقة االشرقية حتﻻقى الحياة لذيذة هناك ....علما ان الرياض الحياة فيها سهلة و مريحة بس كئيبة

اهم نقطة . ... الشركات التعبانة فى الرياض ممكن تقد 6 شهور متفبضش مرتبك و يقولك مفيش سيولة و مستنين نصرف مستخلصات و نقبضك ...يبقى خليك فى شركة محترمة و اسئل بيتاخرو فى صرف المرتبات و ﻻ منتظمين .

ما هى الشركة الى مش قد كدة فى جدة والى عرفتوا ان اول ثلاث شهور من غير راتب وبتاخد سلف


التانية الى سمعتها كويسة الراتب من اول شهر بس فى الرياض

[A_H_M_A_D]

ما هى الشركة الى مش قد كدة فى جدة والى عرفتوا ان اول ثلاث شهور من غير راتب وبتاخد سلف


التانية الى سمعتها كويسة الراتب من اول شهر بس فى الرياض

طبعا اوعى تروح للشركة التعبانه اللي بتأخر المرتبات دي , هايطلعوا عنيك و في الاخر هايمشوك من غير ولا مليم , خليك في الشركة المحترمة و مش هاتفرق رياض من جده انت رايح تشتغل مش تتفسح