ايه رائيكم فى كوتش pull n' bear ضرورى

[iwantes350]

السلام عليكم ورحمة الله وبركاته
يا شباب انا عايز اجيب كوتش فى حدود ال 200 او 250 عجبني واحد فى pull على الموقع بتاعهم اا
المهم هل النوع ده كويس ومريح ؟؟؟

Pull&Bear Egypt - MAN - MEN'S SHOES

المشكلة انى نزلت ال outlet بتاع Adidas فيصل وملقتش حاجة كويسة كله سبورت وحاجات ضخمة وانا بحب الحاجات الهادية البسيطة اوى
هل محل انتر سبورت مول العرب عنده حاجات حنينة
وهل كوتشات pull كويسة من ناحية الاهلاك وليس الاستهلاك
انا اسف على الاطاله

[Ahmed_Ramadan]

متابع .... أنا جايب واحد نفس الماركة بس من بره كان عليه عرض و لسه معرفش أخباره إيه

[أبو_يوسف]

دا مريح في الجري ولا مينفعش؟
وايه المناسب للجري

[iwantes350]

والله يا شباب انا زيكم مش عارف
انا نازل النهاردة ان شاء الله
وناوى اجيبه ان شاء الله بس حيران

[Ahmed_Ramadan]

دا مريح في الجري ولا مينفعش؟
وايه المناسب للجري

ده كوتش كاجوال مش جرى خالص .... عاوز كوتش جرى هات adidas ,nike,reebok, diadora كده يعنى

[mxz911]

بص يا باشا انا هقولك من الاخر
عاوز كوتشى يبقى تروح لحد متخصص فى كوتشيات زى ما قالولك الاخوه هنا
Adidas ,Nike,Reebok, Diadora
وضيف عليهم
Lotto , Geox , Puma , CAT , Clarks

غير كده فاااااكس جدا وكوتشيات Pull n' bear مع احترامى لأى حد طبعا بيجيبها يعنى انت ممكن تجيب زيها من وسط البلد ومش عشان شكل وبس اصدى . بس هما مش بتوع كوتشيات

عكس مثلا الجواكت لو عاوز تجيب هقولك متروحش غير
Pull n' bear لأنه عنده جواكت تحفه . والتى شيرتات كويسه
لكن قلشت منه اوى فى الكوتشيات والجزم بصراحه

وعموما لو نزلت ال Factory outlet اللى فى جسر السويس شارع السبق عامل Sale رهيب


انا عن نفسى مش بستريح غير ف كوتشيات Adidas Running بعد تجارب كتير مع ماركات كتير

[omar-saad]

بص ياباشا
الحاجات بتاعة pull & pear
مش كويسة اوى زى ما انتا متخيل
وخصوصا فى الجزم
لو انتا فعلا عايز حاجة تستحمل وتعيش
هتزود شوية وتجيب حاجة من اديداس
لانه فعلا هو التوب فى الكوتشى
وعندة جميع الاشكاال اللى ممكن تعجبك دا غير الجودة حتى لو تقفيل صينى
انما الحجات من pull & pear او zara او springfiled
مش بتستحمل الهلك او الاستخدام الكتير عن تجربة

[iwantes350]

شكرا ليكم يا شباب
انا نزلت النهاردة واحبط جدا
خلاص انا هجيب اى حاجة \لوقتى تمشي معايا
متشكر ليكم على التعب

[حماده المصري]

لا متدايقش نفسك في محلات كتير جدا

فيه big stone في شارع شهاب وليه فرع تاني في الميرغني والله اعلم بالفروع الاخرى

بس فعلا بيج ستون ومعاهم سبرنج ومعاهم معظم المحلات الي بتبيع جزم مش بتبيع جزم للجري كلها حاجات كاجوال

انت لو عايز عليك وعلى نايك ريبوك ممكن اكتف كمان

بس انت لازم تفصل بين كتشي الجري وكوتشي لبس الخروج

[Ahmed_Ramadan]

شكرا ليكم يا شباب
انا نزلت النهاردة واحبط جدا
خلاص انا هجيب اى حاجة \لوقتى تمشي معايا
متشكر ليكم على التعب

قولنا أحبطت ليه يا باشا