عايز دولار اجيب من اين؟

[hussein]

كنت عايز لو عايز دولار اجيب من اين و بيكون سعره ايه
ولو معايا ريال سعودى و عايز ابدلهم بدوبلر ياترى هيبدلوهم ازاي
طبعا انا مش عايزه عشان احوشه ولا اركنه
انا عايزه فى شغل
حد يقدر يفدني؟

[mostafa3000]

عادي من الصرافة. والريال هيغيرة بدولار

[hussein]

بكام؟
ومتوفر ولا لا

[magic girl]

معرفش انت لاقيت ولا لسة.. بس واحدة صاحبتي مسافرة و كانت عايزة تحول لأي عملة و اتفقت مع صرافة قريبة منها " في أول مكرم تقريباً"... كانت بتكلمهم كل ساعة و تشوف جيه ولا لأ.. و كل ما يتوفر أي مبلغ تنزل تجيبه.. للأسف هو حل رخم بس الدولار مش موجود تقريبا يعني البنت جابت 300 دولار بالعافية و الباقي كملت عملات تانية !!!

[ahmedhilmy]

من الصرافه بس عايز صبر

[jackson_75]

لو عايز دولأر كلمنى يا باشا

[Hondawy_2008]

هو الدولار نشتريه بكام الأيام ديه ؟

[Evo]

سمعت والله أعلم بـ 8 جنيه لو المبلغ 10 الاف فما فوق و 8.25 اقل من كده

100 و 200 والمبالغ دي مبيطلعوهاش


في الاستيراد في ناس عندها استعداد تدفع أعلى من كده لأن شغلها هيقف من غير دولار وأهو كله بيتحمل على الزبون في الاخر !

[amrelsha3er]

ياجماعه موجود فى بعض البنوك بسمش مبالغ كبيره والصرافه ب 7.10 او 7.25 بالكتير اكتر من كده محدش يشترى حرام

[amrelsaqqa]

المبلغ اللى انت محتاجه قد ايه ؟

[hussein]

محتاج حوالى 30 الف دولار

[amrelsaqqa]

يااه ربنا معاك وتعرف تدبر المبلغ انا اعرف واحد صاحبى معاه مبلغ حوالى 7 الاف دولار وكان عايز يبدلهم عشان يكمل عليهم ويجيب عربية ، بس مش عارف غيرهم ولا لسة ولا صرف نظر عن الموضوع

[bekatcho]

بص هقولك على حاجة
انا كلمت واحد دلوقتى كان قدامة مبلغ كبير وصحبة ماكنش عايز يقطعة
كلمت دلوقتى قالى لا هو عايز يبيع المبلغ مرة واحدة
فى واحد تانى معاة دولارات وعايز يبيعها بس هيجيلى الرد منة بكرة او بعدة بالكتير
او ما يجيلى الرد هبلغ حضرتك بالسعر وكل حاجة ولو لسة محتاج نظبطها ان شاء الله

[Land_Cruiser]

ربنا يكون فى عون اللى شغله متوقف على الدولار. الموضوع بالنسبه له اكيد مأساه . لأ و عاملين حد أقصى اعتقد على الدولارات اللى الواحد يقدر يجيبها معاه من بره : ٥ الاف دولار تقريبا فقط يعنى لا يرحموا و لا يسيبوا رحمه ربنا تنزل

[hussein]

ياريت فعلا اللى قدامه حد عايز يبيع يقولى السعر والكمية