واحد قريبى بيشترى شقه فى اسكندريه وخايف يتنصب عليه

[احمد المصرى]

السلام عليكم


واحد قريبى عايز يشترى شقه فى اسكندريه فى قريه اسمها الروضه الخضرا فى الكيلو 19 لو حد يعرفها


صاحب العماره اتفق على ان ثمن الشقه 235 الف مقدم 80 الف والباقى على 3 سنوات ولكنه عايز يكتب عقد بيع نهائى بمبلغ 80 الف فقط لا غير والباقى يكون بوصل امانه


يعنى الشقه هتكون بعقد نهائى وبيقول انه هيكتبها باقل من ثمنها بس بعقد نهائى علشان الضرائب وطبعا دا كلام غريب اول مره اسمع عنه


جميع الشقق فى العماره بيها كهرباء


هل الطريقه دى طبيعيه فى اسكندريه ولا كدا فى عمليه نصب

[matrix_it]

بص انا مش عارف ! بس مبلغ زى دة اعتقد يجيب شقة صغيرة جوة البلد مش الكيلو 19
ثانيا هوممكن يكون فى حاجة فعلا ! محدش عارف

[alexaway]

سعر عالي جدا بالنسبة للمكان

[احمد المصرى]

طيب سعر المنطقه تقريبا كام ........ دى قريه سياحيه وقريبه جدا من البحر

[alexaway]

طيب سعر المنطقه تقريبا كام ........ دى قريه سياحيه وقريبه جدا من البحر

عايز نصيحة شخصية بلاش ياخد شقة مصيف او حتي سكن فى امكان بعيدة كدا
لانه لو خادها مصيف حيزهق لانه كل سنه حيصيف في نفس المكان وحيبقي عايز يغير ومش حيبقي ليه لازمه وحيدلل عليها بعد كدا علشان يبعها.
اما لو حياخدها سكن فالمناطق دي فى الشتاء بتبقي مفهاش حد ومفهاش خدمات كتير وحيتعب .

[احمد المصرى]

عايز نصيحة شخصية بلاش ياخد شقة مصيف او حتي سكن فى امكان بعيدة كدا
لانه لو خادها مصيف حيزهق لانه كل سنه حيصيف في نفس المكان وحيبقي عايز يغير ومش حيبقي ليه لازمه وحيدلل عليها بعد كدا علشان يبعها.
اما لو حياخدها سكن فالمناطق دي فى الشتاء بتبقي مفهاش حد ومفهاش خدمات كتير وحيتعب .

هو هياخدها مصيف .... وكمان فى شم النسيم والعياد وكدا يعنى وموضوع الزهق فى ناس بتزهق فعلا وناس تقولك انا رايح شقتى ملكى ومش بيزهق خالص هو من النوع دا

[AlGazar2]

تمن كتير على شقه فى الكيلو 19 هيه المنطقه هناك قريبه من العجمى و فيها خدمات اه بس منطقه مستواها مش عالى اوى ممكن يشوف حاجة فى قرى سياحيه هناك عشان الامان اهم حاجة و انه يبقى مطمن على شقته او شاليهه هناك

[matrix_it]

انا رائى يا جوة العجمى يا اما داخل قرية سياحية

[matrix_it]

و برضه يحاول يفاصل فيها ويشترط انه العقود بالمبلغ كامل !!

[new_man]

الشقق فى العجمى هانوفيل بتبدى من 50 الف تمليك وبتبص على البحر..وعن تجربه شخصيه

[shaddadfalcon1]

بلاش منها احسن لان السعر عالي وكمان ممكن يكون نصبه عشان مش راضي يعمل العقد بالسعر الكامل

تخيل لو هو حب يبيع بعد كده واللي هيشتري طلب العقد الأصلي وشاف السعر اللي هو 80 هيعمل ايه ؟

[ahmedkhairy]

سعر عالى
عقد نهائى بسعر تانى غلط

[احمد المصرى]

الف شكر ليكم يا شباب والحمد لله الراجل رجع فى كلامه وهياخد المقدم وربنا يرزقه بافضل منها

[Mr.Lawyer]

الف شكر ليكم يا شباب والحمد لله الراجل رجع فى كلامه وهياخد المقدم وربنا يرزقه بافضل منها

أفضل شىء وربنا ان شاء الله هيرزقه بشقه افضل منها لان اكيد المقاول او الشخص اللى بيبيع الشقه دى نصاب وكده هيبقى عقد الشقه معيب وقابل للطعن فيه ( ده لو ان سعر المنطقه +200 الف ) ومش بعيد يكون داخل شركه مع حد وعايز ينصب وياخد الفرق فى جيبه وغيرها ،،، فأحسن حل انه ينفض للشقه دى مش ناقصه مشاكل ووجع دماغ

[A.Saad]

ممكن يتلعب عليه بحق الشفعة