للاستعلام عن طرد للبريد السريع الدولى

[alfath8]

السلام عليكم ورحمة الله وبركاته
انا بعت اوراق للبنك عن طريق خدمة الهيئة القومية للبريد
عن طريق البريد السريع الدولى ems
عايز اتاكد او اعرف ان الاوراق وصلت البنك ازاى
هل فيه طريقة استعلم بيها من الهيئة نفسها
او من اى جهة للضرورة افادكم الله

[alfath8]

محدش يعرف يا رجالة نايل موتورز

[bobbozo4b]

ممكن عن طريق رقم الايصال اللى معاك بيكون ليه ايضا رقم كودى عليه
والله اعلم

[mohamed_selim]

الكلام ده بقاله كام يوم؟
بالرقم اللى على الايصال تسال فى البريد السريع اذا كان وصل ولا لسه ... ده لو البوسطه شغاله !

[alfath8]

ممكن عن طريق رقم الايصال اللى معاك بيكون ليه ايضا رقم كودى عليه
والله اعلم

فيه رقمين فى الايصال مش عارف استعلم باى فيهم او ازاى استعلم اصلا
رقم بجانب كلمة الهيئة القومية للبريد وعبارة عن 8 ارقام بتسلل معين
وفيه رقم تانى اسمه رقم البعيثة
انا اصلا مش عارف استعلم باى رقم فى الاتين وازاى استعلم واتاكد ان فعلا الورق وصل البنك فعلا عن طريق البريد

الكلام ده بقاله كام يوم؟
بالرقم اللى على الايصال تسال فى البريد السريع اذا كان وصل ولا لسه ... ده لو البوسطه شغاله !

الطرد اتبعت يوم الاحد اللى فات
انهى رقم فى الاتنين اللى انا ذكرتهم فوق وفين مكان البريد السريع ده لو تعرف اصلا
معلش انا اول مرة اتعامل مع البريد ومحتاج اتاكد من اى جهة ان الطرد وصل البنك فعلا

[naser_56]

هو المفروض يامحمد في رقم للتبع عموما شوف الرابط ده وحط فيه رقم التتبع وشوف واذا ما كانش هو ممكن انته استعملت بريد اخر شوف ورد لي حصل ايه معاك

Post/EMS tracking - track-trace

[mohamed_selim]

البريد السريع فى مبنى البوسطه فى شارع الجيش ورا الديلابوست او جرب الموقع اللى الاخ كاتبه

[bobbozo4b]

بص ياباشا انت تعمل الاتى
تروح لاقرب مكتب بريد او المكتب اللى انت بعت منه الطرد السريع او توصل لرقم تليفونه
وتستفسر بالرقم اللى موجود جنب كلمة "رقم البعيثة - item no "
وكمان تتصل بالبنك اللى انت باعت ليه الطرد يعنى الفرع اللى انت باعت ليه
وتخليهم يحولوك على الادارة المختصه وتسال على الطرد انه وصل
وان شاء الله يكون وصل بالسلامه
تحياتى

[alfath8]

هو المفروض يامحمد في رقم للتبع عموما شوف الرابط ده وحط فيه رقم التتبع وشوف واذا ما كانش هو ممكن انته استعملت بريد اخر شوف ورد لي حصل ايه معاك

post/ems tracking - track-trace

انا دخلت كل الارقام اللى على وصل البريد موصلتش لاى نتيجة
الف شكر ليك استاذ عاطف

البريد السريع فى مبنى البوسطه فى شارع الجيش ورا الديلابوست او جرب الموقع اللى الاخ كاتبه

اللى هوا مجمع التأمينات حاليا صح ممكن يبقى مقفول الايام دى انتا عارف الظروف

بص ياباشا انت تعمل الاتى
تروح لاقرب مكتب بريد او المكتب اللى انت بعت منه الطرد السريع او توصل لرقم تليفونه
وتستفسر بالرقم اللى موجود جنب كلمة "رقم البعيثة - item no "
وكمان تتصل بالبنك اللى انت باعت ليه الطرد يعنى الفرع اللى انت باعت ليه
وتخليهم يحولوك على الادارة المختصه وتسال على الطرد انه وصل
وان شاء الله يكون وصل بالسلامه
تحياتى

المشكلة مفيش مكاتب فاتحة خالص والف شكر انك نبهتنى على رقم وهو رقم البعيثة
هحاول ان شاء الله لما البريد يشتغل تانى
ما هوالسبب اللى مخلينى خايف هوا عدم وصول الاوراق لان الموضوع مهم جدا
ويار ب يكون وصل
الف شكر ليك

[alfath8]

هل يوجد ما يسمى بخطاب علم الوصول البريد هايبعته على عنوانى بعد ا الطرد يتبعت
حد يأكدلى المعلومة دى

[mohamed_selim]

لا طبعا مفيش حاجه اسمها كده