إعـــــــلان

Collapse

.

,
See more
See less

السلطة يا منى ........ !!

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    السلطة يا منى ........ !!

    السلام عليكم


    حبيت أوصل نصيحة من أخوكم المجرب وأوجه رسالة لكل شاب وكل فتاة وكل رجل وكل إمرأة متزوجة إذا أرادت أن تساعد زوجها في تقليل وزنه الزائد وتنحيف وسطه المنتفخ وإزالة كرشه الممتلئ

    ما عليها سوى أنها قبل كل أكلة - إفطار - غداء - عشاء - حلو ولا طبيخ دسم

    تقدم له صحنا " طبقا " من السلطة المشكلة والتي تحتوي على كثير من الخضروات المقطعة بطريقة شيك ومهذبة سواء جرجير وخس وبقدونس وشبت وكسبرة خضراء وكرافس أخضر وملفوف ( الملفوف ساعات كترته بتعمل غازات ) أو أي حاجة خضرة

    ومعاها طماطم ومبشور جزر وخيار وحبة بهارات خاصة بالسلطة

    وتقلبهم مع قليل من زيت الزيتون ( لو بيحب طعمه ) وكمية مناسبة من الخل الأبيض وخل التفاح


    ولا تقدم له أي شئ قبل أن تتأكد من أنه من كتر الجوع ( يا ولداه ) لهط " أكل " الطبق كله ولم يترك منه فتفوته


    وبعد كده تقدمله ما تشاء من كل ما لذ وطاب

    وطبعا حتى لو قدر ياكل بعد السلطة حاجة كتيرة ( ولو ما أكلش يبقى أحسن وفر والميزانية اشتري بيها دهب آخر الشهر هههههه ) - لكن حتى لو أكل أي شئ بأي كمية فأؤكد لكم عن تجربة شخصية أن كرشه المتين سوف ينهار ووزنه الزائد سوف ينخفض - إن شاء الله



    دي طبعا خطوات لن تغني عن الرياضة لكن الرياضة أيضا لا تغني عنها - وكل ما الواحد وزنه خف هيقدر يعمل رياضة ويقدر يتحرك أكتر والحركة في المقابل تقلل وزنه أكتر فيتحرك أكتر وهكذا

    وكده جسمه هيشد كمان وكمان

    والشكل العام والصحة إن شاء الله يبقوا تمام




    ودي نصيحة من أخوكم المجرب إن أهم حاجة هي " السلطة " .... يا ..... منى !




    تحياتي للجميع
















    [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]
    الكلمات الدلالية (Tags): السلطة, منى, يا
  • #2
    كلام جميل
    بس مين ينفذ
    اقوى واغلى 10 اسلحه بالعالم
    http://technology-mmm.blogspot.com/
    http://imageshack.com/a/img850/6764/4fdl.jpg

    Comment

    • #3
      موضوع عاوز ارادة و الواحد فشل فية كذا مرة
      ياترى اجبار الكرش عندك اية و بتنفذ هذا الكلام الواحد مرات بيجيلة صدة نفس من السلاطة و الذبادى و العيش السن
      كل مرة ابدا ريجيم اروح مشترى كيس كبير عيش سن و اول ماتشوفة المدام تشتغل ضحك و تعرف انة الموضوع سيفشل بعد يومين تلاتة
      الحمد للة

      Comment

      • #4
        و انا مستغرب

        موضوع ليوسف فى الاجتماعى و عنوانه فى اسقاط على شخصيه مشهوره

        قولت اكيد غلط و عمل الموضوع فى مكانه الغلط

        تسلم ايدك على الموضوع و فعلا عندك حق

        بس الكلام ده مش مع الشعب المصرى

        لان الراجل يا دوب هايضرب معلقيت من السلطه و ينظر لزوجته شزرا و يقولها هو مفيش اكل الا السلطه النهارده و لا ايه

        تقوم ترد عليه فى محاوله الهائه و تقوله اصل باقى الاكل ناقصله شويه على النار عقبال ما تاكل شويه السلطه دوول

        هايقوم رازع بالكف على الترابيزه (او شئ اخر ) و يقول : طيب قعدينى ليه من بدرى و قولتيلى يالا الاكل جاهز

        و مش عاوز اقولك ايه بعدها اللى هايحصل
        [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
        [RIGHT]------------------[/RIGHT]
        [CENTER][COLOR=blue]بسم الله الرحمن الرحيم[/COLOR][/CENTER]
        [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
        [CENTER][COLOR=blue]صدق الله العظيم[/COLOR][/CENTER]
        [CENTER][COLOR=blue]التوبة 105[/COLOR][/CENTER]
        [COLOR=#ff0000][/COLOR]

        Comment

        • #5
          تــسلـم ..

          Comment

          • #6
            والله يا عزيزي dedi عيش السن بينفع معي يومين تلاتة وبعدين البطن بتتعود عليه والكرش يقولك " كمااااان "


            لكن السلطة الحمد لله بدأت تدي نتائج طيبة



            المهم تاكل كمية كبيييييييييرة ( ويا ريت المدام تعملك السلطة بطريقة وشكل يعجبك علشان ما تزهقش منها )


            وتكون قبل كل الوجبات




            .
            [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

            Comment

            • #7
              على فكرة أنا بقيت مدمن سلطة لدرجة إن زوجتي الحنون قبل ما نبدأ تنبه على وبكل رقة وحنية ( بص السلطة دي مش لك لوحدك - ولا أقولك أنا هأحطلك نصيبك على جنب علشان العيال كمان يعرفوا ياكلوا هههههههههه )




              .
              [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

              Comment

              • #8
                الفكره تحفه و جربتها و مهما تقعد تحشر في بطنك اخرك نص الكميه المعتاده و ده بسبب انك مليت بطنك سلطه فيادوب اقل كميه هتقفل
                لاء وانت حاسس بالشبع كانك واكل اكلك كله كالمعتاد عشان دي اخر حاجه كلتها
                ولو فيه تطورات كل كام يوم هوافيكم بها

                Comment

                • #9
                  انا قعدت فترة مواظب على موضوع طبق السلطه مع الاكل , وكنت بابقى قايم شبعان جدا رغم اني واكل كمية نشويات اقل بكتير جدا من اللي اتعودت اكلها

                  مع شوية مواظبة على المشي بالإضافة لطبق السلطه نزلت 15 كيلو من وزني ,

                  بس للاسف رجعت تاني اكل براحتي من غير سلطه وزدت 10 كيلو من ال15 اللي نزلتهم , بس موضوعك شجعني اني ارجع تاني لطبق السلطه و اقلل في المقابل النشويات

                  Comment

                  • #10
                    المشاركة الأصلية كتبت بواسطة yousef1978 مشاهدة المشاركة
                    على فكرة أنا بقيت مدمن سلطة لدرجة إن زوجتي الحنون قبل ما نبدأ تنبه على وبكل رقة وحنية ( بص السلطة دي مش لك لوحدك - ولا أقولك أنا هأحطلك نصيبك على جنب علشان العيال كمان يعرفوا ياكلوا هههههههههه )




                    .
                    صدقنى يا اخ يوسف موضوعك شدنى و شجعنى انى ابدا و ادينى بدات بالسلطة فى الغذاء و العشاء انا عارف انة اكبر مشكلة هى العشاء انا عارف ناس كتير عندهم عزيمة بعدم العشاء نهائى بس انا مااقدرش
                    ياريت تقول لنا نزلت كام كيلو على موضوع السلطة و فى وقت اية
                    تحياتى
                    الحمد للة

                    Comment

                    • #11
                      عن تجربه بردو كاس من المياه البارده قبل الاكل تقلل من النهم فيه ^_^
                      يعني بمعني اصح تشرب كوبايه مايه ساقعه قبل الاكل هتحس ان نفسك اتقفلت شويه
                      عن تجربه امامي
                      تقبل تحياتي

                      Comment

                      • #12
                        المشاركة الأصلية كتبت بواسطة a_h_m_a_d مشاهدة المشاركة
                        انا قعدت فترة مواظب على موضوع طبق السلطه مع الاكل , وكنت بابقى قايم شبعان جدا رغم اني واكل كمية نشويات اقل بكتير جدا من اللي اتعودت اكلها

                        مع شوية مواظبة على المشي بالإضافة لطبق السلطه نزلت 15 كيلو من وزني ,

                        بس للاسف رجعت تاني اكل براحتي من غير سلطه وزدت 10 كيلو من ال15 اللي نزلتهم , بس موضوعك شجعني اني ارجع تاني لطبق السلطه و اقلل في المقابل النشويات
                        طب خد الوصفه دي بس ما تنساش تدعي لي
                        كل الغدا بتاعك على مرتين مره للنشويات و مره للبروتينات
                        يعني مثلا الساعه ٤ اضرب السلطه و بعديها الرز بالخضار
                        الساعه ٧ اضرب السلطه و بعديها اللحوم او الاسماك او الدجاج
                        و الساعه ١٠ زبادي بالعسل و فاكهه
                        بالطريقه دي جسمك هضم كل الاكل كويس جدا و عمرك ما هتجوع عشان اللي بيربك عمليه التمثيل الغذائي اللي اصلا بتقل بدايه من الظهر الجمع ما بين البروتين و النشويات والاكل بيفضل في جهازك الهضمي فتره كبيره
                        جزء بيتهضم و جزء بيتخمر و يتقلب دهون مباشره و ده من اهم اسباب السمنه انك تلقى واحد اكله مش للدرجه بس بيتخن و ده بسبب عسر الهضم مش الاكل الكتير
                        وياريت العيش يكون الصبح فقط يعني ممكن نص رغيف في الفطار و ثمرة فاكهه بين الفطار و الغدا

                        Comment

                        • #13
                          المشاركة الأصلية كتبت بواسطة dedi مشاهدة المشاركة
                          صدقنى يا اخ يوسف موضوعك شدنى و شجعنى انى ابدا و ادينى بدات بالسلطة فى الغذاء و العشاء انا عارف انة اكبر مشكلة هى العشاء انا عارف ناس كتير عندهم عزيمة بعدم العشاء نهائى بس انا مااقدرش
                          ياريت تقول لنا نزلت كام كيلو على موضوع السلطة و فى وقت اية
                          تحياتى


                          أنا قرأت سابقا إن اللي بيعمل رجيم المفروض ما يتابعش وزنه نهائي وخصوصا في بداية المرحلة

                          مش بعد كل أكلة ولا بعد ما يطلع من الحمام يروح وازن نفسه هههههههههه


                          الأهم من الوزن هو إحساسك وتغير مقاييس جسمك - وإنخفاض الوزن هييجي بعدين


                          اللي عجبني في الموضوع ده إنه بيخليني آكل براحتى وبأضطر أقلل من كمية الحاجات اللي بتخن ومن غير ما أحس بالجوع

                          واللي بيحصلي إني بأحس بطني مليان خالص وبعد شوية ألاقي " كرشي " خف خالص ( نسبيا ) وكمان السلطة مع خل التفاح خصوصا بتريح معدتي وبتساعدني في عملية الهضم وحركة القولون فمش بأحس بإلإمساك المزمن اللي بيكون من نتائجه غير الإرهاق والإحساس بالضيق إنه بيكون أحد عوامل السمنة



                          من المهم أن تكون السلطة بها خل تفاح - ولو طعمه مش مستساغ قوي ممكن نخليه شوية خل تفاح وشوية خل أبيض - وأهم شئ في السلطة هي الخضروات اللي فيها ألياف ( جرجير - خس حاجات زي كده ) - أما الخيار فليس فيه ألياف وفيه ناس كتير بيتعبلها القولون وعشان كده المفروض نقلل منه في السلطة


                          مهم كمان إن قاعدة السلطة تكون في كل الوجبات وإلا اللي هنعمله هنخسره تاني

                          واللي عنده نتائج يفيدنا



                          تحياتي





                          .
                          [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

                          Comment

                          • #14
                            ملحوظة : الفواكه تتاكل قبل الأكل مش بعده - ولأسباب كتيرة



                            .
                            [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

                            Comment

                            • #15
                              والله موضوع رائع احييك عليه لانى فعلا مجربه قبل كده وان شاء الله هبتدى من انهارده وكمان موضوعك جه فى وقته حيت انهارده اول يوم ليا فى الجيم :d
                              لازم الواحد ياخد وقفه مع النفس ويظبط جسمه ورشاقته وكفايه كده اكل وحشر بقى
                              دايما وانت بتاكل افتكر رغيف العيش الزياده ده هتاكله فى كم ثانيه بس عشان تفقده بقى من جسمك هياخد من اكتر من يوم حرق
                              [FONT=Comic Sans MS]elsha3er[/FONT]

                              Comment

                              السابق template التالي
                              Working...
                              X