عن الحب و الهوي اتحدث

[شريف]

السلام عليكم

لو الواحد بيحب بنت و لما جاء وجد الجد مع اهلها ظهرت امها بشخصية براوية و قليلة الزوق جدا و المهم بعد ما الموضوع انتهي و بدات صفحة جديدة و خطبت مقدرتش اكمل الخطوبة لاسباب كثيرة بس فضلت البنت دي متعلقة في بالي
السؤال بقي اختار مما يلي فيما لا يزيد عن اجابة واحدة

1-فكك منها و من امها ال............( اللهم اني صايم)
2-حاول ترجع و تقنع امك انك مش هتقدر تعيش من غيرها (بس انا امي حالفة لا تخش بينهم تاني)
3-اخترع اي اجابة تراها مناسبة

نراكم بعد الفاصل

[mohamed_selim]

بسم الله الرحمن الرحيم .. الاجابه نمره 1

[Sherif Khalifa]

1
بعد العشرة البنت هتكون واخدة من امها ما لم يعجبك
فهتكرها هيا و امها
و اسف على الاطالة بس الجواز بيكون package على بعضها البنت + الاهل لانك صعب تفصل البنت عن اهلها و طبعهم

[truss]

بسم الله الرحمن الرحيم, الاجابة رقم 1
و صدقنى اى بنت مهما بانت رقيقة بص على امها, لانها بعد كام سنة هتكون نسخة منها
و بالنسبة لتعلقك بالبنت عادى, مع الوقت هتقابل تانى و هتنساها
و على فكرة انا لا متجوز ولا خاطب و لا ناوى

[friendship7897]

الإجابة رقم (1)
هي الدنيا ناقصة إنك تبدأ بمشاكل مع أهلها وأهلك
والعنوان الصحيح لموضوعك (عن الإرتباط والخلع أتحدث )

[dolly13]

استاذى الفاضل
هل كل المشكلة ان مامتها قليلة الذوق على حد قولك ام هناك مشاكل اخرى ؟
هل حضرتك انهيت الارتباط بالفعل ام فى فترة تفكير ؟
ممكن نعرف سن خطيبتك لو مش هايضايقك ولماذا صعدت والدتك الموضوع لدرجة تهديدك بعدم دخول بيتك ؟
انا باعتذر انى بسال لكن ان اى حد يديك راى فى موضوع زى ده لمجرد ان الام قليلة الذوق يبقى اكيد الراى مش هايكون موضوعى
تقبل مرورى

[a_nbm]

1-فكك منها و من امها ال............( اللهم اني صايم)

تخيروا لنطفكم .... فأن العرق دساس

اللي في الام هتلاقي منه اكيد في البنت (ولو نسبه بسيطه عشان منظلمش البنت برضه بس هتلاقي)

[Mostafa.Mahran]

الاجابة الاولى طبعا و كفاية ان والدتك هتبقى مش راضية عن الموضوع

[mr_vampire]

- من الاخر كدة .. لو متمسك بالبنت وعايزها وشاريها بجد يبقي حط عندهم جندي مجند من عندك ... من الاخر كدة ثبــــــــــــــــت البنت هتسهلك كـــــــــــــــل حاجة. وهتتفاجيء بحماتك بتاخدك بالحضن وتقولك ياعريـــــــــــــــــس بنتي ياضينايــــــــــــا ( وهي بتجز علي سنانها بس عادي بقي وخلاص ) ههههههههههههه

بالتوفيق ياباشا.

[amrelsaqqa]

كله هيقولك 1
بس الكلام سهل واللى ايده في المية مش زي اللى ايده في النار

الحل في الدعاء والاستخارة اكتر من مرة
ادعى ربنا ييسرلك امورك ولو الخير انك تكمل معاها ييسرلك الحال والموضوع يمشى ولو لا يعوضك بالافضل منها و يشيلها تماما من تفكيرك بدون ما تحط لزقة على قلبك ههههههههه

ربنا معاك انا اصلا في موقف مشابه الى حد ما وعارف انت حاسس بإيه
ربنا يصلح احوالنا جميعا

[ams]

ربنا يوفقك الى ما يحبه و يرضاه
بس مهما كان اللى هتعمله خلى بالك من والدتك هى أهم

[Ahmedhussein007]

1 يامعلم والا هتجيبو لنفسك لانك بعد الجواز والروتين المعتاد للحياه الزوجيه هتلاقى البنت زى مامتها ويظهر حاجات جديده وحتى لو مش زيها هتاثر عليها بعدين والموضوع من اوله بادء بمشاكل
مجرد رأى

[شريف]

استاذى الفاضل
هل كل المشكلة ان مامتها قليلة الذوق على حد قولك ام هناك مشاكل اخرى ؟
هل حضرتك انهيت الارتباط بالفعل ام فى فترة تفكير ؟
ممكن نعرف سن خطيبتك لو مش هايضايقك ولماذا صعدت والدتك الموضوع لدرجة تهديدك بعدم دخول بيتك ؟
انا باعتذر انى بسال لكن ان اى حد يديك راى فى موضوع زى ده لمجرد ان الام قليلة الذوق يبقى اكيد الراى مش هايكون موضوعى
تقبل مرورى

اولا انا مش عارف اللبس حصل ازاي
انا الاول كنت اعرف البنت و كان عندها 24 سنة و دة لكان لغاية كام شهر فاتو و الام معايا كويسة لغاية وقت ما بس مع والدتي مكنتش كويسة الصراحة ووالدتي كرهتها من اسلوب كلامها
والدتي مدير سابق في شركة (بس طيبة و نفسها اتجوز و بتكبر دماغها)ووالدة البنت مدير حالي باحد الشركات برضة (تعرف المديرة الغلسة اهي هي دي)
انا مع والدتي في كل اللي هي كانت شايفاة و انا رايي كان من رايكم فعلا و حتي كمان ام زي دي تخرب بيت بنتها بالتدخل و تقوية البنت علي جوزها (اذا هي كانت بتتشرط علية ازاي هتعامل مع البنت في كل صغيرة و كبيرة من قبل الخطوبة حتي هي معيدة في احدي الكليات العملية و طبعا امها شايفاها هتبقي مشغولة انها تراعي بيتها اساسا) و علشان كدة نهيت الموضوع رغم محاولات البنت للاصلاح حتي بعد انتهاءة بايام

بعد كدة ربنا يسرلي الخطبة لبنت تانية بس كانت استعجال و كروتة و هوب خطوبة و بعد شهر فركشة
بس البنت الاولي بترجع علي بالي فترات
يمكن علشان كنت بحبها او كان في كونيكشن بيننا عالي بس الواحد كان زمان بيزعل علي بنت كنت بحبها بس يعد كذا مرة خلاص مبقتش بتفرق قوي
انا عارف ان اسبابي الاولي لتركها كانت صحيحة بس مهو يالبنت فلة و اهلها نيلة ياالعكس
مبتعدلش معايا ابدا لازم تنازل عن شي علشان مفيش موضوع هيبقي ممتاز من كل النواحي

مهو انك تلاقي بنت فيها كل اللي انت عايزة و انت كمان فيك كل اللي هي عايزاة و اسرة من اب و ام و اخوات تحس انهم اهلك و الموضوع ماشي من غير مطبات - يبقي انت لازم تندهش فعلا

[maka]

النسيان نعمة من الله عزوجل , شوية و هتنساها و دى سنة الحياة

و تاكد ان البنت دى لو كانت نصيبك ورزقك محدش كان يقدر يمنع عنك رزقك

و ربنا يرزقك بالاحسن منها

[مواطن مصرى]

سيبها احسن و ربنا يعوضك بالاحسن منها .. لو استمريت معاها الحياه هتقلب مشاكل مع اهلها او معاها .. الحياه الزوجيه هى تفاهم متبادل يؤدى الى الاستقرار .. متاخدش الجواز على انه انا و مراتى و بس .. لا .. الجواز فيه انت و مراتك و اهلك و اهلها و جيرانك و اصحابك و اصحابها و قرايبك و قرايبها كمان ..